ကျုံပျော်မြို့ တွင် အာစရိယပူဇော်ကန်တော့ပွဲ ကျင်းပ
ကျုံပျော် ဇန်န၀ါရီ ၂၁
ဧရာဝတီတိုင်း ဒေသကြီး၊ ကျုံပျော်မြို့နယ်အခြေခံပညာအထက်တန်းကျောင်း ကျောင်းသား/ ကျောင်းသူ ဟောင်းများ၏ (၁၅)ကြိမ်မြောက် အာစရိယ ပူဇော်ကန်တော့ပွဲကို ဇန်န၀ါရီ ၂၀ ရက်နေ့ ညနေ(၅)နာရီအချိန်က စတင်၍အောင်ဆန်းခန်းမ မြက်ခင်းပေါ်တွင် စည်ကားသိုက်မြိုက်စွာ ကျင်းပပြုလုပ်ခဲ့ကြောင်း သိရသည်။
အထက(၁)ကျုံပျော် ကန်တော့ခံ ဆရာကြီး ၆၉ ယောက် ဆရာမကြီး ၁၂၀ စုစုပေါင်း ၁၈၉ ယောက် ရှိပြီး အသက် ၈၀ နှစ်အထက် ဆရာ/မ ၁၇ ယောက်အတွက် တစ်ဦးလျှင် ၁ သိန်းကျပ် အသက် ၆၀ နှစ်နဲ့ ၈၀ ကြား ဆရာ/မ ၁၇၂ ယောက်အတွက် တစ်ဦးလျှင် ၇ သောင်း ကျပ်နူန်း နှင့် အခြားကန်တော့ပစ္စည်းများအား အာစရိယပွဲ ဖြစ်မြောက်ရေး မှ မတည်လှုဒါန်းမူဖြစ်ကြောင်း အာစရိယပူဇော်ပွဲ ကျင်းပရေး
ကော်မတီ ဘဏ္ဍာရေးမူး ဦးစောရဲထွန်း ကပြောသည်။
ဇန်န၀ါရီလ ၂၀ ရက် နေ့လည်တွင် ကြိုဆိုရေးကားများဖြင့် ရောက်ရှိလာသော ဆရာကြီး/ဆရာမကြီး များအား ဒေါ်ခင်အေးသန်း နှင့် အဖွဲ့ မှ လက်ဖက်ရည် မုန့်များဖြင့်ဧည်ခံကျွေးမွေးခြင်း မိတ်ဆုံစားပွဲ ညစာအဖြစ် ၉၉ ကျောင်းသား/သူ မနှင်းအိဖြူ မဝေနွယ်ထွန်း အဖွဲ့မှ ဦးဆောင်း၍ ကြွရောက်လာသော ဆရာကြီး/ဆရာမကြီး များနှင့် ဧည်ပရိတ်သတ်များအား စတုဒိသာ မြန်မာထမင်းဟင်းလျာတို့ဖြင့် ဧည့်ခံကျွေးမွေးခဲ့ကြောင်း သိရှိရသည်။ထိုနောက်မှ ၉၈ ကျောင်းသား/သူ ဟောင်း မသန့်ဇင်ဦး ဦးဆောင်၍ ကြွရောက်လာသော ဆရာကြီး/ဆရာမကြီးများ အား သွေးပေါင်ချိန်စက် အလုံး ၅၀ မဲဖောက်ပေးခဲ့ပြီး ကျန်ရှိသော ဆရာ/မ များအတွက် စောင် တစ်ထည်စီလှုဒါန်းမူပြုလုပ်ကြောင်း မသန်ဇင်ဦးမှ ပြောသည်။
ဇန်န၀ါရီလ ၂၁ ရက်နေ့ နံနက်စာအဖြစ် ကိုမင်းနိုင်အဖွဲ့မှ တရုတ်ဘုံကျောင်းတွင် ဧည်ခံကျွေးမွေးပြီး နံနက် ၉နာရီတွင် အောင်ဆန်းမတွင် ဆရာကြီး/ဆရာမကြီးများအား ရှစ်ခိုးကန်တော့အခန်းအနား စတင်ကျင်းပခဲ့ပြီး ကန်တော့ခံ ဆရာကြီး/ဆရာမကြီးကိုယ်စား ဆရာကြီးဦးသန်းထိုက်မှတပည့်အပေါင်းတို့ကခွင့်လွှတ်သည်းခံပါကြောင်း ကန်တော့ချေပြောကြားပေးခဲ့သည်။ထိုနောက်မှဆရာကြီး စောစီဟဲ ဦးအောင်တင် ဦးမန်းဂျော်နီ ဦးဆန်းဆင့် တို့မှ ဆုံးမသြ၀ါဒလက်ဆက်ပြောကြားပေးခဲ့သည်။
အာစရိယပူဇော်ကန်တော့ပွဲ ကျင်းပရေးကော်မတီ တပည့်ဟောင်းတစ်ဦးဖြစ်သော ဦးတင်အုန်းမှ ကျေးဇူးတင်ဝမ်းမြှောက်ကြောင်းပြန်လည်ပြောကြားပြီး ကျောင်းအုပ်ဆရာမကြီး ဒေါ်နုနုကြည်မှ လက်ဆောင်ပစ္စည်းများပေးအပ်ခဲ့သည်။
အာစရိယပူဇော်ကန်တော့ပွဲ ကျင်းပရေးကော်မတီ ဥက္ကဋ္ဌ မှ အခန်းအနား ဖြစ်မြောက်ရေး အတွက် အဘက်ဘက်မှ ဝိုင်းဝန်းကူညီကြသူများနှင့် ကျောင်းသား/ကျောင်းသူ ဟောင်းများအား ကျေးဇူးအထူး တင်ရှိကြောင်း ပြောကြားခဲ့သည်။
ဧရာဝတီတိုင်း ဒေသကြီး၊ ကျုံပျော်မြို့အခြေခံပညာအထက်တန်းကျောင်း ကို ဦးရင်းနား ဇနီး ဒေါ်ရုံ ဒေါ်စို့ မိသားစု မှ
မြေ ၄ ဧက ကျယ်ဝန်းသော မြေနေရာတွင် ကောဇာ ၁၃၂၁ အင်္ဂလိပ်ခုနှစ် ၁၉၆၀ တွင်ဆောက်လုပ် လှုဒါန်းခဲ့ပြီး ယခုဆိုလျှင် နှစ်ပေါင်း ၅၈ ကြာမြှင့်နေပြီဖြစ်သည်။
ဦးရွှေ(ကျုံပျော်)
Subscribe to:
Post Comments (Atom)
No comments:
Post a Comment