တောင်ကိုရီးယားမှ ၃၅၉ ပိုင်း အပိုင်းခံရသော မိန်းမချောလေး...။

"ဟဲလို ...ရဲတပ်ဖွဲ့ကပါလား?
“မုဂိုးလ် ကစားကွင်း( Mot-gol playground)နားက အိမ်တစ်ခုမှာပါ ။အခု ကျွန်မ မုဒိမ်းကျင့်ခံနေရလို့ အမြန်ကူညီပါ..."
မိန်းကလေးတစ်ယောက် ကြောက်လွန်း၍ အသံများ တုန်ရီနေသည်။
ရဲ- မုဂိုးလ် ကစားကွင်း?
မိန်းကလေး-ဟုတ်ကဲ့။ မုဂိုးလ် ကစားကွင်းပတ်ဝန်းကျင်ပါ ကျွန်မ အခုရောက်နေတဲ့အိမ်ကို အတိအကျမသိဘူး...
ရဲ- ဒါဆို ဂျိဒုန် ( Ji-Dong ) ရပ်ကွက်ပေါ့...
မိန်းကလေး-ဟုတ်ကဲ့... ဂျိဒုန်း မူလတန်းကျောင်း (Ji-dong Primary school) နဲ့ မုဂိုးလ် ကစားကွင်းကြားမှာပါ။"
ရဲ- "ကျွန်တော် ခင်ဗျားဖုန်းရဲ့တည်နေရာကိုရှာပြီးအမြန်လာခဲ့ပါမယ်။ စိတ်မပူပါနဲ့.."
မိန်းကလေး-ဟုတ်ကဲ့..
ရဲ- အခု ခင်ဗျားကို မုဒိမ်းထပ်ကျင့်ခံရတော့မဲ့ အခြေအနေပေါ့ဟုတ်လား?
အရိုက်ခံရသေးလား..?
မိန်းကလေး-ဟုတ်.... ဟုတ်ကဲ့.....
ရဲ- လိပ်စာကို ပိုပြီးတိကျအောင်ပြောနိုင်မလား စဉ်းစားပါဦး...
မိန်းကလေး-"ဂျိဒုန်း မူလတန်းကျောင်း ဘက်ကနေ မုဂိုးလ် ကစားကွင်းဖက်ကိုလမ်းလျှောက်လာရင်း သူ ကျွန်မကိုခေါ်သွားတာ...
ရဲ- ဂျိဒုန်း မူလတန်းကျောင်း ဘက်ကနေ လမ်းလျှောက်လာတာနော်...
မိန်းကလေး-ဟုတ်ကဲ့ - မုဂိုးလ် ကစားကွင်းဖက်ကိုမရောက်သေးပါဘူး...
ရဲ- သူက ဘယ်သူလဲ?
မိန်းကလေး-အခုမှတွေ့တဲ့လူပါရှင်.... စကားရှည်လိုက်တာ... အမြန်ဆုံး လာကယ်ပါရှင်.."
ရဲ- ဒီလူကို တကယ်မသိဘူးလား စဉ်းစားပါဦးညီမ?
မိန်းကလေး- လုံးဝကို မသိတာပါ
ရဲ- ညီမအခုရောက်နေတဲ့ အခန်းမှာ ဘာလုပ်ထားလဲ?
မိန်းကလေး-သော့ခတ်ထားတယ်။
ရဲ- ညီမက သော့ခတ်လိုက်တာလား?
မိန်းကလေး-သူအပြင်ထွက်သွားတာနဲ့ ကျွန်မ အတွင်းကသော့ခတ်ပစ်လိုက်တယ်။
ရဲ- ဒီလူတွေဝင်လာတဲ့ခြေသံကြားရရင်ပြောနော်...
ထိုစဉ် တခါးဆောင့်ဖွင့်သံကို ရဲများက ဖုန်းထဲမှတဆင့်ကြားလိုက်ရသည်။
မိန်းကလေး- "ကယ်ကြပါဦးရှင်.. အမြန်လာကြပါ.."
" ဒုန်းဒုန်းဒုန်း"
သူမ ဖုန်းမချသေး...
K သည် ဖုန်းကိုဖွင့်၍ ရဲများကြားစေရန် အခန်းထောင့်ရှိ အဝတ်များအောက်တွင် ဖွက်ထားလိုက်သည်။
ရဲများက လဲပြိုသံများကို ဖုန်းမှတဆင့်ကြားနေရသည်။
ထိုနေ့ညက သူမနှင့် ရဲတို့ အပြန်အလှန်ပြောကြသော စကားများမှာ အထက်ဖေါ်ပြပါအတိုင်း အတိအကျဖြစ်သည်။
ရဲများသည်
" တစ်ယောက်ယောက်က နောက်ပြီးဆက်တာများလား? ဧပြီရယ်ဖူးလ် ( April Fools ) များလား?"
ဟု ထင်နေကြသည်။
အဘယ်ကြောင့်ဆိုသော် ထိုနေ့သည် ဧပြီလ ၁ ရက်နေ့ဖြစ်သည်။
၂၀၁၂ ခုနှစ်-၄လပိုင်း -၁ရက်နေ့
ည ၁၀ နာရီ ၅၀ မိနစ် ၅၈ စက္ကန့်
နေရာကား ဆူဝန်- ဂယောင်ဂီဒို - တောင်ကိုရီးယား ဖြစ်သည်။
(Suwon, Gyeonggi-do, South Korea )
***************************************
ကျွန်မတို့မိသားစုက ဆင်းရဲတယ်။
ကျွန်မ အမေနဲ့ အဖေကို သနားတယ်။ ကျွန်မတို့မောင်နှမတွေ အတွက် ရုန်းကန်နေရတာ မကြည့်ရက်ဘူး။ ကျွန်မ အထက်တန်းကျောင်းသူ ဘဝထဲက နေ့စားအလုပ် နှစ်ခု သုံးခု လုပ်ခဲ့ပြီး ကျွန်မလစာတွေအကုန် အမေ့ ဘဏ်ထဲကိုထည့်ပေးခဲ့တယ်။
ကျွန်မက ဒုတိယမြောက် သမီးဆိုပေမဲ့ မိဘတွေရဲ့ဒုက္ခကို ကျွန်မသာလျှင် အသိဆုံး...။
အထက်တန်းကျောင်းပြီးတော့ အဖေက တက္ကသိုလ်ဆက်တက်ဖို့ ပြောတယ်။ ပြောမဲ့သာပြောနေတာ သူတို့ ဘယ်လောက်တောင် အားတင်းပြီးပြောနေရတယ်ဆိုတာ ကျွန်မသိတာပေါ့...။
"စိတ်ချ အဖေ.. သမီးကျောင်းတက်မှာပါ.. ဒါပေမယ့် သမီးအလုပ်လုပ်ပြီး ပိုက်ဆံ အရင်စုချင်တယ်.."
ဒီလိုနဲ့ ကျွန်မ အသက် ၂၈ နှစ်ရှိလာပါပြီ......မိဘတွေ အရိပ်အခြေကြည့်ပြီး တက္ကသိုလ် မတက်နိုင်ခဲ့တော့ဘူး...။
ကျောင်းတက်ဖို့ ကြိုးစားလိုက် ဝမ်းရေးအတွက်လုံးပန်းလိုက် ဒီအရွယ်ရောက်မှလည်း မတက်ချင်တော့ပါဘူးလေ...။ ၁၈ နှစ်ကလေးတွေနဲ့ အတူ ပထမနှစ်တက်ရမှာလဲ ရှက်ပါတယ်... စာတွေလဲမေ့ကုန်ပြီ..။
အေးလေ ..ကျွန်မ တစ်ယောက် အနစ်နာခံလိုက်လို့ ဘာဖြစ်မှာလဲ..?
***************************************
ကျွန်မ ဟန်းဖုန်း စက်ရုံမှာ အလုပ်ဝင်လုပ်တယ်။ ပင်ပန်းပေမယ့် လစာကောင်းကောင်းရတယ်။ အချိန်ပိုတွေလည်းများတယ်လေ..။
မှတ်မိပါသေးတယ်..။ ကျွန်မ အလုပ်ဝင်ကာစကပေါ့...
"နေ့လည်စာ သွားစားကြမယ်ဟေ့"
သူဌေးက ကျွန်မတို့ အလုပ်သမားတွေကို နေ့လည်စာကို အပြင်မှာ ဝယ်ကျွေးလေ့ရှိပါတယ်..။
ကျွန်မ အရဲစွန့်ပြီး သူဌေးရုံးခန်းထဲကို ဝင်လိုက်တယ်။
"သူဌေး...ကျွန်မ နေ့လည်စာလိုက်မစားတော့ဘူး... ပိုက်ဆံပဲ ပေးလိုက်ပါလားရှင်...ကျွန်မ ကိုယ့်ဘာသာကိုယ် တစ်ယောက်တည်းပဲ ထမင်းစားတတ်လို့ပါ"
ကျွန်မ ညာလိုက်တယ်။
သူဌေးက တစ်သိန်းပေးခဲ့တယ်။
ပျော်လိုက်တာ.,။
ကျွန်မ ခြွေတာတဲ့အနေနဲ့ နေ့လည် ထမင်းမစားပဲ ထမင်းစားချိန်မှာ အိပ်ပစ်လိုက်တယ်။
အင်း မဆိုးပါဘူး..။အိပ်တာလဲ အားရှိတာပဲ...။
တခါတလေတော့ ဆာလွန်းလို့ ထမင်းလိပ်လေးတစ်လိပ်ဝယ်စားတယ်။
ကျွန်မ ပိုက်ဆံစုရမယ်။
***************************************
ဒီနေ့လည်း ကျွန်မ အမြဲ အိမ်ပြန်နေကျလမ်းအတိုင်း အိမ်ပြန်ခဲ့ပါတယ်...။
ဒီနေ့ ကျွန်မတို့ စက်ရုံမှာ အချိန်ပိုရှိလို့ အလုပ် လုပ်ရတာမို့ အိမ်အပြန်နောက်ကျခဲ့တယ်...။
တစ်ဘဝလုံး ဆင်းဆင်းရဲရဲနဲ့ ဘယ်တုန်းကမှ ကံမကောင်းခဲ့တဲ့ ကျွန်မ....။
ဒီနေ့ညမှာ ထပ်ပြီး ကံဆိုးမိုးမှောင်ကျတော့မှာ ကျွန်မ မသိခဲ့ဘူး။
*****************************************
ထိုမိန်းကလေးအား K ဟူသော အမည်ဖြင့်ဆက်လက်ဖေါ်ပြသွားပါမည်။
ထိုညတွင် ချောမောလှပသော မိန်းကလေး K အား လူယုတ်မာတစ်ဦးက ဖမ်းဆီးသွားလေတော့သည်။
*****************************************
ည ၁၀ နာရီ ၅၁ မိနစ် ၇ စက္ကန့်
ရဲများက ဖုန်းထဲမှတဆင့်ကြားနေရသည်။
K - တောင်းပန်ပါတယ်ရှင်... ဦးလေးကြီး ကျွန်မ တောင်းပန်ပါတယ်..။
ရဲ- ဟဲလို ဟဲလို
K - တောင်းပန်ပါတယ်ရှင့်..။ ကျွန်မ တောင်းပန်ပါတယ်..။
ရဲ- ဟဲလို ဟဲလို
****************************************
ည ၁၀ နာရီ ၅၂ မိနစ် ၁၉ စက္ကန့်
K- အား! အမယ်လေး... တောင်းပန်ပါတယ်ရှင်
ရဲ- လိပ်စာ လေးသိရမလား ဟဲလို ဟဲလို
အသုံးမကျ သောရဲ သည် လုပ်ဆောင်သင့်သည်များကို မြန်မြန်မလုပ်ပဲ မေးခွန်းများကိုသာ လျှောက်မေးနေတော့သည်။
K- အား! တောင်းပန်ပါတယ်ရှင့်။ တောင်းပန်ပါတယ်။ ဦးလေးကြီးရယ် ကျွန်မကို ချမ်းသာပေးပါ။
****************************************
ည ၁၀ နာရီ ၅၃ မိနစ်
ကျိ ကျိ ကျိ ( တိတ်- tape ခွာသော အသံ)
K- အမယ်လေး နာလိုက်တာ... လက်ခလယ် နာလို့ပါ..
****************************************
ည ၁၀ နာရီ ၅၅ မိနစ် ၂၈ စက္ကန့်
K- ဦးလေးရယ်- ကျွန်မ တောင်းပန်ပါတယ် နာလို့ပါ
တိတ်ခွာ၍ ရစ်ပတ်သံများ ဆက်ကြားနေရသည်
ကျိ....ကျိ....။
K အနီးရှိ ခြေသံ စကားပြောသံတို့သည် ယောက်ျား တစ်ယောက်ထဲ မဟုတ်နိုင်ဟု ခန့်မှန်းရသည်...။
***************************************
သူမအား ရဲတို့လာကယ်နိုင်ရန် အလွန်ကြောက်ရွံ့နေသည့်ကြားမှ အားကိုးတကြီးဖုန်းဆက်ခဲ့လေသည်။
သို့သော် ရဲများက ပေါ်မလာ...။
လူယုတ်မာကြီးက တိတ်များယူလာ၍ သူမကို လှုပ်မရအောင် တိတ်နှင့်ပတ်နေသည်။
ထို့နောက် ၅ မိနစ်ကျော် အကြာတွင် ရဲတို့က ရက်စက်စွာဖြင့် ဖုန်းချပစ်လိုက်သည်။
သူမ ကူ ကယ်ရာမဲ့လေပြီ...။
မိဘဆီဖုန်းဆက်တာက တော်ဦးမည်။ နောက်ဆုံးအချိန်အထိ မိဘများအား ဒုက္ခမပေးချင်သော မိမိကိုယ်ကို အားကိုးသည့် မိန်းကလေး...။
အခုတော့....။
****************************************
အသုံးမကျသောရဲသည် အဆောက်အဦ ဘယ်နှစ်ထပ်တိုက် ဘယ်လိုပုံစံကိုမမေး...။
အရေးကြီးသောအချိန်ကို အသုံးမကျသော မေးခွန်းများနှင့် အချိန်ဖြုန်းခဲ့သည်။
K သည်ရဲကား အရေးပေါ် အသံလေးများကြားရမည်လား မျှော်လင့်တကြီးဖြင့် နားထောင်နေခဲ့ရှာမည်။
အချိန်တွေသာကုန်သွားသည်။
*****************************************
K ဖုန်းဆက်ပြီး ၁၀ နာရီကျော်ကျော်အကြာ....
ရဲစခန်းကို ဖုန်းထပ်ဝင်လာသည်။
"ကျွန်တော့် ဘေး အိမ်က ငိုသံလိုလို ငြီးသံလိုလို တစ်ညလုံး ကြားရတယ်ဗျ.. မသင်္ကာစရာပဲ.."
ဒါတောင် ရဲများက ချက်ချင်းမသွားကြ...။
*****************************************
K ဖုန်းဆက်ပြီး ၁၃ နာရီအကြာ..
ရဲများက K အားရှာဖွေတွေ့ရှိခဲ့ကြလေသည်။
K ပြောခဲ့သည့်အတိုင်း ဂျိဒုန်း မူလတန်းကျောင်းမှ ၈၀ မီတာအကွာ မုဂိုးလ် ကစားကွင်းဖက်မရောက်ခင် အိမ်တစ်အိမ်၏ မြေအောက်ခန်းတွင်ဖြစ်သည်။
သို့သော်....
K ဟူသော ထိုကိုရီးယား မိန်းမချောလေး၏ ခန္ဓာကိုယ် သည် ၃၅၉ ပိုင်း....အပိုင်းပိုင်းပြတ်နေလေသည်။
အလွန်နောက်ကျသွားလေပြီ...။
****************************************
သူမ၏ ခန္ဓာကိုယ်မှ အရိုးများတွင် အသားစ တစ်ခုမှ မကျန်အောင် သေသပ် ကျွမ်းကျင်စွာဖြင့် လှီးဖြတ်ထားသည်။
အသားများကို တဖန် အသားသပ်သပ် အဆီသပ်သပ် အရွတ်သပ်သပ် သေသေ ချာချာခွဲထားပြီး အညီအမျှ ပလပ်စတစ် အိတ်အမည်း ၁၂ အိတ်တွင်ထည့်၍ ရေခဲသေတ္တာထဲထည့်ထားသည်။
သို့သော် ကလီစာများကို အစုံလိုက် မတွေ့ရတော့။
ရဲများသည် ထို ၁၃ နာရီကြာသောအချိန်တွင် ဘာလုပ်နေသနည်း?
တောင်ကိုရီးယားပြည်သူများ ရဲတပ်ဖွဲ့ကို အပြစ်တင် ရှုတ်ချ ဆန္ဒပြလေတော့သည်။
****************************************
ရဲစခန်းကို ဖုန်းဆက်စဉ် သူမ မထမဆုံးပြောခဲ့သည့်စကားမှာ...
"ကျွန်မ မုဂိုးလ် ကစားကွင်း နားက အိမ်တစ်ခုမှာပါ ။ ကျွန်မ မုဒိမ်းကျင့်ခံနေရတယ်.."
သူမပြောခဲ့သည့်စကားသည် "မုဒိမ်းကျင့်ခံနေရတယ်" ဟူ၍ဖြစ်သည်။
လူယုတ်မာသည် K အား မုဒိမ်းကျင့်ရန် အားထုတ်ခဲ့ပြီး မအောင်မြင်၍ အပြင်သို့ခဏထွက်သွားချိန်တွင် K က ရဲစခန်းကို ဖုန်းဆက်ခြင်းဖြစ်သည်။
ဆက်၍ မုဒိမ်းကျင့်ခံရမည်ဟု တွက်ဆ၍သာ ဖုန်းဆက်ခြင်းဖြစ်သည်။ သူမကိုယ်သူမ အသတ်ခံရမည်ဟု ထင်မထားခဲ့...။
"ကျွန်မကို သတ်ပစ်တော့မယ်ထင်တယ်.."ဟု မပြောခဲ့ပါ။
သူမကိုယ်သူမ သည်လို ရက်ရက်စက်စက် အသတ်ခံရမည်ကို မရိပ်မိခဲ့ရှာ...။
****************************************
ဤဆောင်းပါးကို နားလည်နိုင်ရန် အလွန်ကြောက်စရာကောင်းသည့် ကိုရီးယား-တရုတ်လူမျိုး လူမိုက်ဂိုဏ်းဝင် တစ်ချို့အကြောင်းသိထားရန်လိုအပ်ပါသည်။
(* ကိုရီးယား-တရုတ် အားလုံးကို မဆိုလိုပါ)
တောင်ကိုရီးယားနှင့် မြောက်ကိုရီးယား နှစ်ခြမ်းမကွဲခင် အချိန် ရှေးရာဇဝင်ကာလမှ စတင်ခဲ့သည်။
၁၈၆၀ ခုနှစ်ဝန်းကျင်လောက်တွင် သမိုင်းအဆက်ဆက်မှ စစ်ပွဲများကြောင့် ကိုရီးယားတို့သည် အိမ်နီးချင်း တရုတ်နိုင်ငံသို့ နိုင်ငံရေးခိုလှုံ၍ သွားရောက်နေထိုင်ကြသည်။
၁၉၁၀ ကိုရီးယားနိုင်ငံသည် ဂျပန်တို့ လက်အောက် ကျရောက်သွားပြီး ကိုရီးယားလူမျိုးအချို့ တရုတ်ပြည်ဘက်သို့ ထွက်ပြေးတိမ်းရှောင်ပြန်သည်။
အခြေအနေ အမျိုးမျိုးကြောင့် အလုပ်သဘောအရ မဖြစ်မနေ သွားရောက်နေထိုင်ခဲ့ကြသူများလည်းရှိသည်။ အတင်းအကြပ် စစ်အကျဉ်းသားများအနေဖြင့် အပို့ခံရသူများလည်းရှိသည်။
သူတို့သည် တရုတ်နိုင်ငံတွင် ရှေးအဆက်ဆက်ကတည်းက နေထိုင်ကြသည့်အလျှောက် အိမ်ထောင်ကျ၍ မျိုးဆက်သစ်များထူထောင်လိုက်ကြသည်။
သူတို့သည် ကိုရီးယားလူမျိုးဖြစ်သော်လည်း စစ်ပွဲများ အပြီးတွင် ကိုရီးယားနိုင်ငံသို့ ပြန်မလာနိုင်ကြတော့ပေ...။တရုတ်ပြည်၌ နေသားကျနေကြပြီဖြစ်သည်။
သန်းနှင့်ချီသော ကိုရီးယားလူမျိုးများ တရုတ်ပြည်တွင်ရှိသည်...။ ၂၀၀၉ ခုနှစ်စစ်တမ်းအရ ကိုရီးယား ၂,၄၉၈,၀၇၆ ယောက်ခန့်သည် တရုတ်နိုင်ငံ၌ရှိနေသည်။
နောက်ပိုင်း တောင်ကိုရီးယားနှင့် မြောက်ကိုရီးယားနှစ်အုပ်စု ကွဲသွားသည့်နောက်တွင် တရုတ်ပြည်မှ ကိုရီးယား တချို့က ချမ်းသာလာသော တောင်ကိုရီးယားသို့ပြန်လာလိုသော ဆန္ဒရှိလာကြသည်။
တချို့ကလည်း မြောက်ကိုရီယားဘက်သို့ ခိုဝင်သွားကြသည်။ အချို့ကလည်း တရုတ်ပြည်တွင် ဆက်လက်နေထိုင်ကြသည်။
သို့သော်တောင်ကိုရီးယားအစိုးရက သူတို့အား ကိုရီးယားနိုင်ငံသားအဖြစ် မသတ်မှတ်တော့ပါ...။ ဤတွင် နိုင်ငံရေး ပြဿနာများ အငြင်းပွားမှုများစွာ စတင်ခဲ့သည်..။
ကမ္ဘာ၌ မထင်ရှားသော်လည်း သူတို့သည်လည်းမြောက်ကိုရီးယားကဲ့သို့ တောင်ကိုရီးယားအား မကျေနပ်သော အုပ်စုတစ်ခုဖြစ်သည်။
ထိုကဲ့သို့ ခံစားချက်တုိ့ရှိနေသော ကိုရီးယား-တရုတ်လူမျိုးအုပ်စုကို ဂျိူဆန်ဂျု( Joseonjok-조산족) ဟုခေါ်သည်။
***************************************
"သူတို့က ကျွန်တော်တို့နဲ့ ရုပ်ချင်းသာဆင်တာဗျ... အပြောအဆို အတွေးအခေါ် ရိုးရာ ဓလေ့ တစက်လေးမှမတူတော့ဘူး။ ကိုရီးယားစကားလဲ မပြောတတ်... တရုတ်လူမျိုးစ်စစ်တောင် ဒီလိုရိုင်းမယ်မထင်ဘူးဗျ... သူတို့က ရိုင်းတယ်..ရက်စက်ကြမ်းကြုတ်တယ်.. ဘယ်လိုဖြစ်ကုန်ကြတာလဲ မသိပါဘူးဗျာ..."
ကိုရီးယားလူမျိုးတစ်ဦးက ပြောကြားခဲ့သည်။
***************************************
တရုတ် နိုင်ငံသားမှတ်ပုံတင် ကိုင်ဆောင်ထားကြသော ထိုသူတို့သည် ၁၉၉၀ ခုနှစ်မှ စ၍ ကိုရီးယားနိုင်ငံသို့ တရုတ်လူမျိုးများအဖြစ် တဖြည်းဖြည်း ဝင်ရောက်လာကြသည်။ တရားမဝင်နေထိုင်ကြသည်။
သူတို့သည် ပြစ်မှုကျူးလွန်သော်လည်း တရားမဝင်နေကြသည်ဖြစ်၍ ရှာရန်မလွယ်...။ ကိုရီးယားလူမျိုးတို့နဲ့ခွဲမရအောင်တူလှ၍ ဖမ်းမိရန် မလွယ်လှပါ...။
ပြဿနာတခုဖြစ်လျှင် ဓါးကိုင်၍ထိုးသည့် လူမိုက်များမဟုတ် ပုဆိန်ဖြင့်ခုတ်ကြသောလူမိုက်များဖြစ်သည်ဟု ကိုရီးယားမီဒီယာများက ဆိုကြသည်။
အလွန်ရက်စက်သော မကောင်းမှုများကို ကျူးလွန်လေ့ရှိကြသောသူတစ်ချို့ကြောင့် ကိုရီးယား-တရုတ်တို့သည် နာမည်ဆိုးဖြင့်ကျော်ဇောကြသည်။
ကိုရီးယားနိုင်ငံတွင် ၎င်းတို့သည် အုပ်စုလိုက်ဖွဲ့ပြီးနေထိုင်ကြသည်။ ကိုရီယားလူမျိုးတို့ နှင့် အခြားနိုင်ငံခြားသား အလုပ်သမားတို့သည်ထိုနယ်မြေများနှင့် ဝေးဝေးနေထိုင်ကြသည်။
သာမန်လူမပြောနှင့် သူတို့စုနေသော အရပ်ဒေသ များတွင် ရဲဝန်ထမ်းတို့ပင် သတိကြီးစွာနေကြရသည်။ လူမိုက်တို့သည် ရဲများကိုလည်းဂရုစိုက်သူများမဟုတ်ဟု ဆိုသည်။
*****************************************
ကိုရီးယား-တရုတ်လူမျိုး
ဝို ဝန်း ချွန်း (Oh Woon-choon) ဖြစ်သည်။
၂၀၀၇ ခုနှစ် ၉ လပိုင်းတွင် တရားဝင် အလုပ်သမား ဗီဇာဖြင့် တောင်ကိုရီးယားကို ဝင်ရောက်လာသည်။
၂၀၁၂ ခုနှစ်-၄လပိုင်း -၁ရက်နေ့
အိမ်လမ်းကြားထိပ်ထွက်၍ ဆေးလိပ်သောက်ရင်း ပတ်ဝန်းကျင်ကို အကဲခတ်နေခဲ့သည်။
လာပြီ... မိန်းကလေး တစ်ယောက်တည်း...
ချောလိုက်တာ..။
လမ်းပေါ်၌ လူရှင်းနေသည်။
မိန်းကလေးအား ခြေထိုးခံ၍ ဝင်တိုက်လိုက်သည်။
မိန်းကလေးက " တောင်းပန်ပါတယ်"...ဟုပြော၍ ဆက်လျှောက်သွားမည်အလုပ်..။
ဝို ဝန်း ချွန်း သည် ထိုမိန်းကလေးကို ဆံပင်ဆွဲ၍ သူ့အိမ်ကို တရွတ်တိုက် ဆွဲခေါ်သွားသည်။
ထိုအဖြစ်အပျက် အစအဆုံးကို ကားတစ်စီး၏နောက်ကွယ်မှ ပုန်း၍ ကြည့်နေသော အခြား မိန်းမရွယ်တစ်ဦးရှိနေသည်ကို CCTV ၌တွေ့ရသည်။
****************************************
ဝို ဝန်း ချွန်း သည် လိမ်ပြီးရင်း လိမ်ခဲ့သည်။
"ကျွန်တော့်ကို ဝင်တိုက်ပြီး မတောင်းပန်လို့ ဒေါသနဲ့ သတ်မိပါတယ်..."
မဟုတ်ပါ....။ CCTV ထဲတွင် ပေါ်နေသည်။
ဝို ဝန်း ချွန်း သည် သားကောင်စောင့်နေသော မုဆိုးကဲ့သို့ သူ့အိမ်အနီးတွင် စောင့်နေပြီး သူကိုယ်တိုင် တမင် ဝင်တိုက်ကာ တရွတ်တိုက် ဆွဲခေါ်သွားခြင်းဖြစ်သည်။
****************************************
လူယုတ်မာ ဝို ဝန်း ချွန်း သည် ..တမျိုးပြောင်းလိမ်သည်။
ကျွန်တော် သူမကို မုဒိမ်းကျင့်ချင်လို ခေါ်သွားတာပါ..။ ပိုက်ဆံပေးတော့လဲမယူ .. ငြင်းဆန်နေခဲ့တယ်..။
ကျွန်တော် အပြင်ခဏသွားပြီးပြန်လာတော့ အခန်းအထဲကနေ သော့ခတ်ထားတယ်။ ကျွန်တော် ဒေါသထွက်သွားတယ်...။
ဒါကြောင့် သူမကို တိတ်နဲ့ပတ်ပြီးမုဒိမ်းကျင့်ခဲ့တယ်...။ မုဒိမ်းကျင့်ခဲ့မိလို့ ရဲတိုင်မှာစိုးလို ကြောက်ပြီး သတ်လိုက်မိတယ်..။
မဟုတ်ပါ....။ မိန်းကလေး၏ ကိုယ်ခန္ဓာအား စစ်ဆေးကြည့်သောအခါ မုဒိမ်းကျင့်ခံထားရသော သဲလွန်စ မရှိ...။
****************************************
အဆင်မပြေတော့ ထပ်လိမ်ပြန်သည်။
"အမှန်တော့ မိန်းကလေးက အော်ဟစ်ရုန်းကန်နေလို့ လိင်ကိစ္စမဖြစ်မြောက်ခဲ့ပါဘူး..။"
ထိုသို့ဆိုလျှင် တိတ်များနှင့် ချုပ်၍ စိတ်တိုင်းကျ မုဒိမ်းကျင့်နိုုင်သည်။
လည်ပင်းညှစ်၍ မေ့သွားချိန်လည်း မုဒိမ်းကျင့်နိုင်သည်။
မိန်းမ လိုက်စားသော ဝို ဝန်း ချွန်း သည် မိန်းမတစ်ယောက်အား မုဒိမ်းကျင့်ချင်ပေလိမ့်မည်။
သို့သော် ဘာအတွက်ကြောင့် မုဒိမ်းမကျင့်ထားသနည်း?
မုဒိမ်းမကျင့်ပဲနှင့် ကျင့်သည်ဟု အဘယ်အကြောင်းကြောင့် လိမ်လည်သနည်း?
ထိုထက်ကြီးမားသော အပြစ်ကိုကျူးလွန်ထား၍ဖြစ်ပေမည်။
****************************************
"အဲဒီညက သူမ သေသွား ပြီးတော့ သူမ ခန္ဓာကိုယ်ကို ဖျောက်ဖျက်ဘို့အတွက် ဒီလို ခုတ်ထစ်ခဲ့တာပါ.."
အဲဒီညက...? မဟုတ်ပါ...။ ဒါလည်း လိမ်တာဖြစ်သည်။
အဲဒီညက မိန်းကလေး K မသေခဲ့ပါ။ ရဲများလာကယ်လျှင် အသက်ရှင်နိုင်ပါသေးသည်။
K အားဖမ်းဆီးခဲ့သည်မှာ ည၁၀ ကျော်ဖြစ်ပြီး K သေဆုံးသည့်အချိန်ကို တွက်ချက်ကြရာ နောက်တနေ့ မနက် ၅ နာရီနှင့် ၇ နာရီ အကြားဖြစ်သည်။
****************************************
“ မင်း ဘာပြောချင်သေးလဲ..?"
ထိုအခါ စကားထပ်ပြောင်းသည်။
"ကျွန်တော် K ကို မုဒိမ်းကျင့်ဖို့ကြိုးစားပြီး မအောင်မြင်တဲ့အခါ တိတ်နဲ့ ပတ်ပြီး ချုပ်ထားလိုက်ပါတယ်..။
သူမ ခေါင်းကိုရိုက်နှက်ခဲ့တယ်။ သူမ သေသွားပြီထင်ခဲ့တယ်။ ပြီးတော့ အိပ်ချင်တာနဲ့ ၈ နာရီလောက်အိပ်လိုက်တယ်။ အိပ်ယာကနိုးတော့ မသေသေးဘူးဆိုတာသိရလို့ ထပ်ပြီး လည်ပင်းညှစ်သတ်တာပါ။ မနက် ၇ လောက်မှ သတ်ပစ်တာပါ"
မိန်းကလေးတစ်ယောက်ကို မုဒိမ်းကျင့်မိ၍ ရဲတိုင်မှာ ကြောက်ရွံ့သည်ဟုဆိုသည်။
ထိုသူသည် မိန်းကလေးကိုဖမ်း၍ သတ်ပြီး အေးအေးဆေးဆေး အိပ်ပျော်သွားသည်...?
တစ်ညလုံးအိပ်နေခဲ့သည်...? ဒါလည်း မဟုတ်ပါ...။
“ CCTV မှာ မင်းမနက် ၅ နာရီကြီး ကြွတ်ကြွတ်အိတ်အမည်း ထွက်ဝယ်တာ ပေါ်နေတယ်..မလိမ်နဲ့"
****************************************
သိပ္ပံခန်း၌ အလောင်းအပိုင်းအစများအားစစ်ဆေးအပြီးတွင် အလောင်းများကို အမြဲ စစ်ဆေးနေကျဖြစ်သော ပညာရှင်ကပင်
" ကျွန်တော့် ပါးစပ်နဲ့ ပြောမထွက်တော့ပါဘူးခင်ဗျာ.." ဟု တုန်ရီစွာ စကားစခဲ့သည်။
ဝို ဝန်း ချွန်း သည် K အား အသက်မသေခင် အရှင်လတ်လတ် ရက်ရက်စက်စက် ခုတ်ထစ်ခဲ့ကြောင်းတွေ့ရ၍ဖြစ်လေသည်။
အကျည်းတန်စွာဖြင့် ရက်စက်ပေစွ...။
****************************************
လူတစ်ယောက်သေဆုံးလျှင် ခန္ဓာကိုယ်ရှိ သွေးများဆုတ်ကုန်သည်။ အလောင်းဖျက်နေချိန်တွင် အချိန်ကြာလာသည်နှင့်အမျှ အသားတို့သည် သွေးဆုတ်၍ အရောင်ပြောင်းကုန်ကြသည်။
ထို့ကြောင့် ပထမခုတ်ထားသော အသားတုံးတို့နှင့် နောက်ဆုံးခုတ်ထားသောအသားတုံး တို့မှာ သိသိ သာသာ အရောင်ပြောင်းနေရမည်။
မသေဆုံးလျှင် သို့မဟုတ် နှလုံးခုန်နေသေးလျှင် သွေးများ လည်ပတ်နေဆဲဖြစ်၍ အသားများကအရောင်မပြောင်း...။
အသားစတို့ကို စစ်ဆေးရာတွင် အားလုံးအရောင်မကွဲ တသားတည်းဖြစ်နေသည် ...။
ထို့ကြောင့် အခြားသောစစ်ဆေးမှုများဖြင့် ထပ်ရှိပြုလုပ်ကြရာ မိန်းမပျိုလေးသည် မသေဆုံးသေးခင် အသားတို့ကိုခုတ်ထစ်ခဲ့ခြင်းဖြစ်သည်ကို တွေ့ရှိရလေသည်။
****************************************
K ၏ ခန္ဓာကိုယ်တွင် မေ့ဆေး ထုံဆေး စသည်တို့ကို စစ်ဆေးတွေ့ရှိမှုမရှိ...။
ထိုသို့ဆိုလျှင် မေ့ဆေးထုံဆေးမရှိ တတိတိဖြင့် အသားများကို အသားတလွှာ အဆီတစ်လွှာ ဒါးဖြင့် အလှီးခံခဲ့ရသည်လား? သနားစရာကောင်းလှသည်။
K တွင်လည်ပင်းညှစ်ခံရသော ဒါဏ်ရာတော့ရှိသည်။ မေ့မျော၍ နာကျင်မှုကို မခံစားရပါစေနှင့် ဟုသာ ဆုတောင်းနေမိပါတော့သည်။
သေချာတာကတော့ နောက်ဆုံးအချိန် ဖြတ်တောက်ခြင်းခံခဲ့ရသည်အထိ သူမ နှလုံးခုန်နေသေးခဲ့သည်။
****************************************
အမုန်းတရား အာဃာတမရှိသော တစ်ခါမှ မမြင်ဖူးသော မိန်းကလေး K အား အသက်သေမှ ခုတ်ထစ်၍ ရလျှက်သားနှင့် ထိုကဲ့သို့ အသက်မသေပဲ တစ်ညလုံး ၈ နာရီခန့် အဘယ်ကြောင့် ဓါးဖြင့်လှီးဖြတ်ခဲ့သနည်း?
အဖြေကိုရှာကြသည်။
****************************************
ကိုရီးယားလူမျိုးတို့ကို မုန်း၍လား? မဖြစ်နိုင်ပါ..။
မုန်း၍ ခုတ်ဖြတ်ထားလျှင် ဒေါသတကြီး မုန်းမုန်းဖြင့် ပရမ်းပတာ ခုတ်ထစ်ပစ်ပေမည်။ အလှဆင်နေစရာမလို...။
ဝို ဝန်း ချွန်း သည် K ၏အသားများအား သေသေချာချာ သပ်သပ်ရပ်ရပ် အဆီအသားသပ်သပ် ဖယ်၍ အသားရောင်းဆိုင် မှာတင်ရောင်းမည့်ပုံစံမျိုး ခပ်စောင်းစောင်းလှီး၍ အိတ် ၁၂ အိတ်တွင် အညီအမျှထည့်ထားသည်။
ထိုအသားတို့ကို ရောင်းရန် ခုတ်ဖြတ်ထားခြင်းမှာ အလွန်သေချာသည်။
ထိုအသားများကို အားလုံးဆက်စပ်ကြည့်သောအခါ K ၏ခန္ဓာကိုယ် တခုလုံးစာ ပြန်ရသည်...။
****************************************
သို့သော် အရေးကြီးသောအချက်...
အတွင်းမှ ကလီစာအချို့က ပျောက်နေသည်။
ဘယ်ရောက်သွားသနည်း..?
ဝို ဝန်း ချွန်း သည် ထိုမေးခွန်းကိုကြားရသောအခါ တုန်လှုပ်သွားပြီး "မသိပါ..."ဟု တွင်တွင်ပြောသည်။
****************************************
အဖြေက တစ်ခုပဲရှိသည်။
CCTV ထဲရှိ ကားနောက်မှ မိန်းမပျိုသည် လူနာတစ်ဦးအတွက် လိုအပ်သော ကိုယ်ခန္ဓာအတွင်းအင်္ဂါ တစ်ခုခု ဝယ်ရန် လာစောင့်နေသည်..။
ထို့ကြောင့် ဝို ဝန်း ချွန်း သည် K အားမုဒိမ်းကျင့်ရန် အချိန်မရ...။
K အား အသက်မသေခင် ခန္ဓာကိုယ်ကို လှီးဖြတ်ခဲ့ခြင်းမှာ...အသက်မသေခင် ကိုယ်အတွင်းအင်္ဂါကိုထုတ်လိုခြင်းကြောင့်ဖြစ်သည်။
ထို့ကြောင့် အရှင်လတ်လတ် ကိုယ်ခန္ဓာအတွင်းအင်္ဂါ ထုတ်၍ အပြင်မှာ စောင့်နေသော မိန်းကလေးအားပေးလိုက်သည်။
( ထောက်လှမ်းရေးတို့ ခန့်မှန်းချက်ဖြစ်ပါသည် .. သက်သေမပြည့်စုံသေးပါ..။)
****************************************
ထိုသို့ဆိုလျှင် ထိုစောင့်နေသည့် မိန်းကလေးကိုမစစ်ဆေးဘူးလား?
ထိုအမှုကို တစုံတစ်ခုက ဖုန်းကွယ်ထားသည်လား?
သက်သေရှာမရ၍ အတိအလင်း မကြေငြာနိုင်သေးသည်လား?
သံသယဖြစ်စရာ.,, တွေးစရာ..များပြားနေသည်။ ဘာတစ်ခုမှ အတိအကျ မသိ..။
လျှို့ဝှက်ချက်တစ်ခုအနေဖြင့် ယနေ့အထိတည်ရှိနေသည်။
****************************************
မိန်းကလေး K သည် ၇ မိနစ်တိုင်တိုင် ဖုန်းကိုဖွင့်ထားခဲ့သည်။ အထက်ဖေါ်ပြပါ စကားတို့ အထိသာ တရားဝင်ချပြခဲ့သည်။
နောက်ပိုင်း သူမဘက်မှ ကြားရသောအသံတို့ကို ထောက်လှမ်းရေးမှ ထိမ်းသိမ်းထားသည်။ ကျန်ရစ်သူမိသားစုနှင့်တကွ မည်သူ့ကိုမှ ပြောမပြပါ...။
လျှို့ဝှက်ချက်တစ်ခု အနေဖြင့် နိုင်ငံတော်က သိမ်းပစ်လိုက်သည်လား?
ရဲတို့က ဖျောက်ဖျက်ပစ်လိုက်သည်လား?
မည်သူမှမသိ...။
အဆိုးဝါးဆုံးမှာ တာဝန်မဲ့သော ရဲစခန်းဖက်မှ K ၏ဖုန်းကို အရင်ချပစ်လိုက်ခြင်းဖြစ်သည်။
လင်မယားရန်ဖြစ်သည်ထင်၍ ...ဟု ရဲတို့က အကြောင်းပြသည်။
အဘယ်ကြောင့် ထိုသို့ပြုလုပ်သည်ကို မည်သူမှ မစဉ်းစားတတ်အောင်ဖြစ်နေပါသည်။
ရဲတို့သည် ထိုလူမိုက်နယ်မြေကို ညဖက်မသွားရဲလေသလား?
လာဘ်ပေး လာဘ်ယူများလား?
****************************************
ဝို ဝန်း ချွန်း သည် မိန်းမလိုက်စားသူဖြစ်သည်။ တပတ်တခါ မိန်းမတို့နှင့် ပျော်ပါးသည်။
(* တောင်ကိုရီးယားတွင် sex business သည် တရားဝင်မဟုတ်ပါ...။ )
ထို့ကြောင့် ငွေကို ရေလိုသုံးနိုင်မှ မိန်းမလိုက်စားနိုင်သည်။
လူသတ်သမား ဝို ဝန်း ချွန်း သည် ဖုန်း ၄ ခုကိုင်ထားသည်။
၅ နှစ်အတွင်း ကိုရီးယားနှင့်တရုတ်ပြည်သို့ ၈ ခေါက် အသွား အပြန်လုပ်ခဲ့သည်။
အလုပ်ကြမ်းလုပ်သော လူတန်းစားဖြစ်သော်ငြား ဘဏ်ထဲတွင် ငွေမြောက်မြားစွာရှိနေသည်။
မကြာသေးမီက တရုတ်ပြည်တွင် အဆင့်မြင့်တိုက်ခန်းတစ်ခု ဝယ်ထားသည်။ ထို တိုက်ခန်းတွင် မိန်းမနှင့် သမီး နေထိုင်ကြသည်။
ထိုပိုက်ဆံများ ဘယ်ကရသနည်း?
သူ့အိမ်တွင် မီးရှို့သော မီးဖိုကြီးတစ်ခုလည်းရှိသည်။ ထိုအထဲတွင်လည်း အရိုးတစ်ချို့တွေ့ရသည်။
သူသည် လူသားရောင်းစားနေသည်ဆိုလျှင်
ဝယ်ယူ စားသုံးသူတို့မှာ မည်သူတွေနည်း?
ထိုလူသားတို့အား အသားသွတ်ဗူးလုပ်၍ ပြည်ပသို့တင်ပို့နေသည်လား?
***************************************
မည်သို့ဆိုစေ...တရားသူကြီးက ဝို ဝန်း ချွန်း အား လူသားစားလိုသော သို့မဟုတ် လူသားများအားရောင်းလိုသော ရည်ရွယ်ချက်ဖြင့် K အား ရက်ရက်စက်စက်သတ်ဖြတ်ခဲ့သည်ဟု သုံးသပ်ခဲ့သည်။
၂၀၁၂ ခုနှစ် ၆ လပိုင်း ၁၅ ရက်နေ့
ဦးစွာပထမ တောင်ကိုရီးယား၏ အကြီးလေးဆုံးပြစ်မှုဖြစ်သော " သေဒဏ်" ကို ချခဲ့သည်။
ထိုအသံကိုကြားရသောအခါ လူသတ်သမား ဝို ဝန်း ချွန်း သည် အလွန်တုန်လှုပ်သွားသည်ကို တွေ့လိုက်ရသည်။
သူတပါးအား မသေမရှင် ဓါးနှင့် လှီးခဲ့သော်လည်း မိမိသေမည်ကိုတော့ အလွန်ကြောက်နေခဲ့သည်။
တောင်ကိုရီးယားတွင် " သေဒဏ်" အား အပြီးအပိုင်ဖျက်သိမ်းထားခြင်းမဟုတ်ပါ... လူ့အခွင့်အရေးအရ ခဏတာ ရပ်ဆိုင်းထားခြင်းဖြစ်သည်။
သမ္မတအသစ် တဦးဦးလက်ထက်တွင် ပြန်၍ခွင့်ပြုလျှင် သေဒဏ်ကျထားသောသူများ တစ်ဦးချင်း အသတ်ခံရမည်ဖြစ်သည်။
ထိုအသတ်ခံရမည့် အချိန်အထိ အလုပ်ကြမ်းနှင့်ထောင်ထဲတွင်နေရမည်။
***************************************
"ကျွန်တော် လူသားမစားခဲ့ပါ... ကျွန်တော် လူသားရောင်းစားခဲ့သော သက်သေမရှိပါဘူး" ဟူ၍ ဝို ဝန်း ချွန်း က အယူခံဝင်သည်။
လူသားနှင့် ကိုယ်တွင်းအင်္ဂါ ရောင်းချသည် မှာအလွန်သေချာသော်လည်း သက်သေက မပြည့်စုံပါ။
ထို့ကြောင့် အထက်တရားရုံးမှ "မသေမချင်း အလုပ်ကြမ်းနှင့် ထောင်ဒါဏ်"ဟု ပြောင်းပေးခဲ့သည်။
ဝို ဝန်း ချွန်း သည် နိုင်ငံခြားသားတို့ နေထိုင်ရသော ထောင်၌မနေရပါ။ ရက်စက်သောလူသတ်သမားဖြစ်၍ ထောင်အကြီးသို့ ပြောင်းနေရသည်။
***************************************
ထောင်ကားပေါ်သို့ လူသတ်သမား ဝို ဝန်း ချွန်း တက်သွားသည်။
သူ့အရှေ့တွင် မူးယစ်ဆေးသုံး၍ ထောင်ကျသူ ရီ( Lee) ကထိုင်နေသည်။
ထောင်ကားပေါ်တွင်ပင် နှာဘူးကျသော သက်ကြားအို ဝို ဝန်း ချွန်း သည် ထောင်ကားပြူတင်းပေါက်မှတဆင့် မိန်းမလှလေးများဖြတ်သွားလျှင် ခေါင်းလည်အောင် လိုက်ကြည့်သည် ...အသံထွက်၍ ဘာတွေပြောမှန်းမသိတတွတ်တွတ်ပြောသည်..မျက်နှာ ပြုံးစစနှင် ဒူးနှံ့နေလေသည်။
တစ်ခါလည်းမဟုတ် ..နှစ်ခါလည်းမဟုတ် ..
အကျဉ်းသား ရီ က မခံနိုင်တော့..။
" ဟေ့ကောင် မင်းက ဝို ဝန်း ချွန်း မဟုတ်လား? မင်းဒူးခေါင်းငြိမ်ငြိမ်နေစမ်း! ထောင်ထဲရောက်မှ မင်းခြေထောက်ရိုက်ချိုးပစ်ဦးမယ်"
လူသတ်သမား ဝို ဝန်း ချွန်း က ဒေါသတကြီးထ, ထိုးသည်။ ရီ ကပြန်ထိုးသည်။
" မင်း မထီမဲ့မြင်မလုပ်နဲ့ကွ သေချင်လား?
" ခွေးမသား...! ငါက ကိုယ့် ဘာသာ မူးယစ်ဆေးသုံးတာ မင်းလို မယုတ်မာဘူး။ မင်းလို တိရိစ္ဆာန်မဟုတ်ဘူးကွ...လို့ ကျွန်တော်ပြောခဲ့တယ်ဗျာ"
ရီက အင်တာဗျူးသူများအားပြောကြားခဲ့သည်။
***************************************
လူသတ်သမား ဝို ဝန်း ချွန်း အား ထိုကဲ့သို့ အပြစ် ပေးသော်လည်း ဝို ဝန်း ချွန်း ၏နောက်ကွယ်မှ ဇာတ်လမ်းများကို ဖုံးကွယ်ထားကြသည်ဟု ယူဆကြသဖြင့် တောင်ကိုရီးယားပြည်သူများ မကျေနပ်ကြပါ...။ ထို့အပြင် မိမိကိုယ်ကို မိမိ မလုံမခြုံခံစားရသည်။
ဘယ်နေ့ ငါ့အလှည့်လဲ..?
ထိုအဖြစ်များနှင့် ဆင်တူ မိန်းကလေးများ ပျောက်ဆုံးသွားသောအမှု ၁၅၀ မှု ဖြစ်ပေါ်ခဲ့သည်။ ပျောက်ဆုံးသူတို့ သတင်း အစ အန တစ်ခုမှ မကြားရသေး..။
ဝို ဝန်း ချွန်းသည် တောင်ကိုရီးယား၌ အိမ် ၇ နေရာပြောင်းရွှေ့နေထိုင်ခဲ့သည်။ ထိုပျောက်ဆုံးသူတို့သည် ဝို ဝန်း ချွန်း နေထိုင်ခဲ့သည့် အိမ်နားတဝိုက်ဖြစ်ကြောင်း ထိတ်လန့်တုန်လှုပ်ဖွယ် စုံစမ်းသိရှိရသည်။
ယခုအထိ ထိုပျောက်ဆုံးသူတို့ အား အမှန်တကယ် အစ အန ရှာ၍မရသည်လား?
သို့မဟုတ် နိုင်ငံရေးဆူပူမှုဖြစ်မည်စိုး၍လား?
တကယ့်ကိုးရီးယားလူမျိုးများနှင့် ကိုရီးယားတရုတ်လူမျိုးတို့ အကြား ပိုမိုကြီးမားသော ပဋ္ဋိပက္ခ အာဃာတများကြီးထွားမည်စိုး၍ နိုင်ငံတော်က ဖုံးကွယ်ထားသည်လား မသိ... ။
တောင်ကိုရီးယားပြည်သူများက သံသယဖြစ်နေကြသည်....ဟု ရုပ်မြင်သံကြား မှုခင်း သတင်းများက ပြောကြားခဲ့သည်။
***************************************
" ကျွန်မတို့ ဆူဝန်ဖက်မှာ လူသားစားတဲ့ နိုင်ငံခြားသားရှိတယ်လို့ ကောလဟလ ထွက်နေတာကြာပြီရှင့်... ကျွန်မတို့လဲ မယုံလို့ ရယ်စရာလုပ်နေခဲ့ကြတာ... ကြောက်စရာကောင်းလိုက်တာ..."
***************************************
ဤလောကကြီးတွင် မည်သူ့ကိုယုံရမည်နည်း?
လူ့ ကလီစာဈေးကွက်.,,!
ကျောက်ကပ်.. အသည်း.. နှလုံး.. အရိုးနု.. မျက်လုံး...အကုန် အရောင်းအဝယ်လုပ်နေကြသည်။
အလွန်ကြောက်စရာ ကောင်းလှသည်။
ကျန်းမာရေးကောင်းသူများ ပို၍ အန္တရာယ်များသည်ဟုဆိုသည်။
Plastic surgery ( အလှပြုပြင်ရေး ခွဲစိတ်ကုသမှု) တို့တွင် လူတို့၏ အရေပြား အရိုးနုနှင့် ရိုးတွင်း ချဉ်ဆီတို့ကိုရောင်း၍ရသည်ဟု သတင်းထဲတွင် ဖတ်ရပါသည်။
လူသေအလောင်းကို မိမိမသေခင် လှူသူများရှိသည်။ ဆေးပညာအတွက် အသုံးဝင်သည်။ မသေသင့်သောလူနာများအား လှူ၍ရသည်။ ကုသိုလ်ရသည်။
သို့သော် ထိုခန္ဓာကိုယ်လှူထားသူတို့ သေတော့မည်ဆိုလျှင် နံဘေးမှ ဆေးပညာရှင်တို့က ကိုယ်ခန္ဓာအစိတ်အပိုင်းတို့ကို ထုတ်ယူရန် လာစောင့်နေကြသဖြင့် ကျန်ရစ်သူမိသားစုတို့ ဝမ်းနည်းကြသဖြင့် လှူသူနည်းလာသည်။
ထို့ကြောင့် တရားမဝင် သေပြီးပြီးချင်းရောင်းလျှင် မြန်မာငွေ သိန်း ၃၀၀၀ နီးပါးရသည်ဟု ဆိုသည်။
သေမည့်သူမရှိတော့ သတ်၍ရောင်းကြသည်။
သေသွားလျှင် အချို့ အင်္ဂါများ သုံးမရတော့၍ လူကောင်းတစ်ယောက်အား မသေခင် ဒါးနှင့်ခွဲ၍ ထုတ်ယူရောင်းစားကြတော့သည်။
ကျွန်မတို့ ယခု နေထိုင်လျှက်ရှိသော ဤလောကကြီးသည် လူတစ်ယောက်အသက်ရှင်ရန် အခြားလူတစ်ယောက်ကို သတ်ပစ်သော အကျည်းတန် ရုပ်ဆိုးသည့် လောက ဖြစ်နေလေပြီလား...?
မရွှေမိုး ( ကိုရီးယား )
December 19th, 2017.
References
Kim Won- Afreeca TV
Kakao TV
Incompetent Police Fail to Prevent Horrific Murder of Woman
by Raphael on Tuesday, April 10,2012
Asia Anonymous
Murder of a Korean Woman by a JoseonJok: Investigation of the ethnic tension between the two groups of “Koreans” by tristankwon
인간이길 포기한 '살인마' 오원춘의 엽기적인 토막 살인 사건
배다현 기자2017.12.08 18:37
인사이트
연합뉴스