အဆိုပါတံတားသည် တောင်ဥက္ကလာပ မြို့နယ် သစ္စာလမ်းနှင့် ဒဂုံ(မြောက်ပိုင်း) မြို့နယ် ငါးမာန်အောင်ဘုရားလမ်းတို့ကို ဆက်သွယ်ထားသည့် နှစ်လမ်းသွားတံတားဖြစ်ပြီး တံတား၏အရှည်မှာ အလျား ၂၈ဝ မီတာ၊ အကျယ် ၁၁ ဒသမ ၅ မီတာ၊ချဉ်းကပ်လမ်း တစ်ဖက်လျှင် ၆ဝ မီတာ ရှိပြီး သံကူကွန်ကရစ်တံတား အမျိုးအစားဖြစ်သည်။ တံတားကို ခွင့်ပြုရန်ပုံငွေ ငွေကျပ် ၅ ဒသမ ၂ ဘီလီယံအကုန်အကျခံ တည်ဆောက်ထားသည်။ ထိုတံတားကိုအသုံးပြု၍ ဒဂုံ(မြောက်ပိုင်း)ပင်လုံလမ်း၊ ဒဂုံ(တောင်ပိုင်း)ပင်လုံအိမ်ရာနှင့် ဆက်စပ်နေသည့်နေရာများသို့ အချိန်တိုအတွင်း လွယ်ကူချောမွေ့စွာ သွားလာနိုင်ပြီဖြစ်သည်။
ယခင်က ဒဂုံ(မြောက်ပိုင်း)မြို့နယ် သို့ သွားမည်ဆိုပါက ဘေလီတံတားတစ်ခုတည်းကိုသာ အသုံးပြုရသည့်အတွက် ယာဉ်ကြောကျပ်တည်းမှုများနှင့် တွေ့ကြုံခဲ့ရသည်။ ထို့ပြင် ဒဂုံ(မြောက်ပိုင်း) တံတားအဆင်းတွင် ယာဉ်မတော်တဆမှုများ ကင်းဝေးစေရန် ကွန်ကရစ်တုံးများချထားပြီး ပတ်လမ်းတစ်ခုအဖြစ် ပြုလုပ်ပေးထားသည်။ တံတားကို ၂ဝ၁၇ ခုနှစ် ဧပြီ ၁ ရက်က စတင်တည်ဆောက်ခဲ့ပြီး နိုဝင်ဘာ ၂၉ ရက်တွင် ပြည်သူများကိုသာ စတင်ဖြတ်သန်းသွားလာ ခွင့်ပြုခဲ့ကြောင်း သိရသည်။(MWD)
No comments:
Post a Comment