၂၀၁၇ ခုနှစ်၊ ဇွန်လ ၂၉ ရက်နေ့ မှ ဒီဇင်ဘာလ ၂၁ ရက်နေ့ထိ ထိုင်း နိုင်ငံရှိ ရွှေ့ပြောင်းအလုပ်သမားဆိုင်ရာ အက်ဥပဒေပြင်ဆင်ပြောင်းလဲမှု ကြောင့် ဥပဒေနှင့်မညီညွတ်သည့် မြန်မာရွှေ့ပြောင်းအလုပ်သမား ၁၆၀၉၉၃ ဦး(ကျား ၉၂၃၂၆၊ မ ၆၈၆၆၇)တို့ ပြန်လည် ဝင်ရောက်လာခဲ့ ပါသည်။
ဒီဇင်ဘာလ ၂၂ ရက်နေ့၊ ၀၉၀၀ အချိန် မှ ၁၈၀၀ အချိန်ထိ မြဝတီမြို့ အမှတ်(၁) ချစ်ကြည်ရေးတံတားမှ မြန်မာရွှေ့ပြောင်းအလုပ်သမား ၁၃၆ ဦး(ကျား ၉၇၊ မ ၃၉)၊ ကြာအင်းဆိပ်ကြီးမြို့နယ် ဘုရားသုံးဆူမြို့ (၁) ရပ်ကွက်ရှိ သွပ်ပြားပေါက်(ဒေသအခေါ်)မှ ၂၉ ဦး(ကျား ၁၈၊ မ ၁၁)၊ ထားဝယ်မြို့နယ် ထီးခီးနယ်စပ်ဂိတ်မှ ၈၂ ဦး (ကျား ၅၂၊ မ ၃၀)၊ တနင်္သာရီ မြို့နယ် မောတောင်နယ်စပ်ဂိတ်မှ ၂၁၁ဦး(ကျား ၁၁၃၊ မ ၉၈)၊ ကော့သောင်းမြို့ နယ်စပ်ဂိတ်မှ ၆၄၁ ဦး(ကျား ၃၆၄၊ မ ၂၇၇)၊ စုစုပေါင်း ၁၀၉၉ ဦး(ကျား ၆၄၄၊ မ ၄၅၅)တို့ရောက်ရှိခဲ့ပါသည်။
၎င်းတို့ထံမှ ငွေကြေးတစ်စုံတစ်ရာ ကောက်ခံခြင်းမရှိဘဲ အစွန်းရောက်အကြမ်းဖက် သမားများ၊ မူးယစ်ဆေးဝါး၊ လက်နက်/ ခဲယမ်း များ၊ တရားခံပြေးများ၊ ငွေစက္ကူအတု ပြုလုပ်သူများနှင့် ငွေစက္ကူအတုများ ပါလာခြင်းမရှိစေရေး အုပ်ချုပ်ရေးအဖွဲ့များ၊ လဝက၊ နယ်မြေခံ ရဲတပ်ဖွဲ့ဝင် များနှင့် တာဝန်ရှိသူများပါဝင်သော ပူးပေါင်းအဖွဲ့များမှ စိစစ်ရှာဖွေခြင်း၊ စားစရာ၊ ရေနှင့် လိုအပ်သည့် ကူညီထောက်ပံ့မှုများ ဆောင်ရွက်ပေးလျက် ရှိပြီး ၎င်းတို့မှာ နေရပ်အသီးသီးသို့ ပြန်လည်ထွက်ခွာ သွားကြောင်း သတင်းရရှိပါသည်။
Ref; ပြည်ထဲရေးဝန်ကြီးဋ္ဌာန
No comments:
Post a Comment