(Mini Prose)
ကျနော် ဆံပင်ညှပ်လေ့ရှိသောဆိုင်သို့ တစ်ခါတရံ တနင်္လာနေ့မျိုးတွင် သိဒ္ဓ္ဓတ္ထလည်း လာရောက် ဆံပင်ညှပ်လေ့ရှိသည်။ မြင့်မားသောအရပ်အမောင်း၊ ၀ါဝင်းသော အသားအရည်၊ နှာတံပေါ်ပေါ် မျက်လုံး မျက်ဖန်ကောင်းကောင်းဖြင့် ရုပ်ရှင်မင်းသားတစ်ယောက် ရုပ်ရည်မျိုးရှိသည့်သူက ကျနော့်ကို မသိသော်လည်း ကျနော်က သူ့ကို ကောင်းကောင်းသိသည်။ သူသည် မြင့်မြတ်သော အမျိုးအနွယ်ဖြစ်သည်။ သူနှင့် တစ်ပြည်သူ ယသော်ဓယာတို့ လက်ထပ်သော အခမ်းအနားကို နိုင်ငံပိုင်ရုပ်မြင်သံကြားမှ ထုတ်လွှင့်ပြသရာ၊ ကျနော် ကြည့်ခဲ့ဖူးသည်။ ယသော်ဓယာသည်လည်း သူနှင့်လိုက်ဖက်ညီသော မိန်းမချောတစ်ဦး ဖြစ်သည်။
သူက စကားနည်းသည်။ နှင်းတွေဝေနေသော ဆောင်းမနက်ခင်းလိုပင် ပဟေဠိတွေ ဝေနေသည့် မျက်လုံးများ ရှိသည်။ သူသည် ဆံပင်ညှပ်ရင်း ကပ္ပိလ၀တ်နေ့စဉ်သတင်းစာကို စေ့စေ့စပ်စပ် ဖတ်နေ တတ်သည်။ သတင်းစာမဖတ်သောအခါ ငြိမ်သက်နေပုံမှာ ‘ရိုဒင်၏တွေးခေါ်သူ’ ပန်းပုရုပ်နှင့်ပင် ဆင်တူ နေသေးသည်။ နှစ်ကြိမ်လား သုံးကြိမ်လား မသိ။ ဆံပင်ညှပ်ရန် သူ့အလှည့်မရောက်သေးသဖြင့် စောင့်စား နေရခိုက် ကျနော်နှင့် စစ်တုရင် ကစားဖူးသည်။ သူသည် ကျနော်ကို အလွယ်တကူ အနိုင်ယူလေ့ ရှိသည်။ ကျနော်က ရှုံးပြီဆိုတော့ . . .
“သင် မရှုံးပါဘူး။ သင်ကိုင်တဲ့ အနက်ရောင်ဘုရင်ရုပ် ရှုံးတာပါ။ လူတစ်ယောက်ဟာ နောက်တစ်ပွဲ ကစားဖို့ အခွင့်အရေး ရှိနေသေးသရွေ့ မရှုံးဘူးလို့ ဆိုနိုင်တယ်” ဟု သိမ်မွေ့အေးဆေးသောလေသံဖြင့် ပြောသည်။
ဆောင်းမနက်ခင်းတစ်ခုတွင် ကျနော် ကမ်းနားလမ်းဘက် လျှောက်သွားခိုက်၊ သစ်ပင်တစ်ပင် အောက်တွင် ရပ်ငေးနေသော သူ့ကို တွေ့ရလေသည်။ သူ့ဘေးတွင် သူ့နောက်တော်ပါတပည့် မောင်ဇံက ထုံးစံအတိုင်း ကျိုးနွံစွာ ရပ်နေသည်။ ကျနော် သူ့နားကို ရောက်သွားသည့်တိုင် သူက လှည့်မကြည့်။ သူငေးနေသည့်နေရာကို မျှော်ကြည့်လိုက်သောအခါ မြစ်ကမ်းတွင် လူသေရုပ်အလောင်းများ မီးသင်္ဂြိုလ် နေကြသည်ကို တွေ့ရလေသည်။ သူက တစ်ကိုယ်တည်း ငြီးတွားသည့်နှယ် ရေရွတ်လိုက်သည်။
“လူတွေ ဒီလိုပဲ သေဆုံးနေကြတာပဲလား”
ကျနော်က အလွယ်တကူပင်
“ဇာတိဖြစ်လာမှတော့ မရဏလည်း ဖြစ်ရတော့တာပေါ့”
သူက
“ကျုပ်လည်း အဲဒါကိုပဲ တွေးနေတာ။ အဲဒီစကားရဲ့ပြောင်းပြန်အဓိပ္ပ္ပါယ်က ဇာတိမဖြစ်ရင် မရဏ လည်း မဖြစ်ဘူးဆိုတဲ့သဘောပဲ”
သူ့စကားသည် ဘာကိုဆိုချင်မှန်း ရုတ်တရက် ကျနော် သဘောမပေါက်။
“လောကမှာ အပူရှိရင် အအေးရှိတယ်။ အမှောင်ရှိရင် အလင်းရှိတယ်။ သေဆုံးတဲ့အရပ်ရှိရင် သေဆုံးခြင်းကင်းတဲ့အရပ်လည်း ရှိရမယ်။ အဲဒီအရာကို ကျုပ် ရအောင် ရှာဖွေမယ်”
သူ့အသံက လေးနက်ခိုင်မာသလောက် သူ့မျက်လုံးတွေက စိတ်အားထက်သန်မှုဖြင့် ရွှန်းလက် တောက်ပြောင်နေသည်။ ပြီးတော့ သူ ထိုနေရာက တစ်လှမ်းခြင်း ထွက်ခွာသွားသည်။
သူ့စကား၏ အဓိပ္ပ္ပါယ်ကို ကျနော် နားမလည်။ နောက်တစ်ကြိမ်ဆုံလျှင် မေးမည်ဟု ဆုံးဖြတ်ထား သော်လည်း အတန်ငယ်ကြာသည်အထိ သူသည် ဆံပင်ညှပ်ဆိုင်သို့ ရောက်မလာ။ တစ်ရက်တွင် မမျှော်လင့်ဖွယ် သူ့သတင်းကို အံ့အားသင့်စွာ ကြားလိုက်ရသည်။ သူသည် မွေးကာစ သူ့သားငယ်နှင့် ချောမောလှပသောဇနီးတို့ကို ပစ်ကာ၊ စံအိမ်မှ ထွက်ခွာသွားသည်ဆိုသော သတင်းဖြစ်သည်။ အမှန်အတိုင်း ၀န်ခံရလျှင် အချိန်အနည်းငယ်ကြာသောအခါ သူ့ကိုရော သူ့စကားတွေကိုပါ ကျနော် မေ့လျော့သွားသည်။
ခြောက်နှစ်ခန့်ကြာသောအခါ အရှေ့အရပ်ဒေသတွင် “ဂေါတမ” ဟူသောအမည်ဖြင့် ဘုရားတစ်ဆူ ပွင့်နေသည်ဟူသောသတင်းစကားကို ကြားရ၏။ သူ ဟောသောတရားမှာ သေခြင်းကင်းသောအရပ် (နိဗ္ဗာန်) အကြောင်း ဖြစ်သည်ဟု သိသောအခါ သူ့ကို ပြန်လည်သတိရလာသည်။ ကျနော်ထင်သည့်အတိုင်းပင် အရှင်ဂေါတမသည် သိဒ္ဓတ္ထပင် ဖြစ်နေလေသည်။ ကျနော်သည် သူ့ကို တွေ့ဆုံကာ သေခြင်းကင်းသော အရပ် ဘယ်မှာရှိသနည်း။ ဘယ်လိုသွားရသနည်းဟု မေးမြန်းဖို့ ကြံစည်သည်။ (သူကတော့ ထိုအရပ်သို့ သွားသောလမ်းရှစ်သွယ်ကို မဂ္ဂင်ရှစ်ပါးဟု ညွှန်ပြသည်ဟုဆိုသည်။) သူနှင့်တွေ့ရန် ကျနော် ထွက်ခွာ လာခဲ့သည်။ သို့သော် . . . ကျနော်သည် တစ်သံသရာလုံးပင် သူနှင့်လွဲလျက် ရှိလေသည်။
သစ္စာနီ
No comments:
Post a Comment