လီဆူတိုင်းရင်းသားတို့၏သမိုင်း၊ ဘာသာစကား၊ စာပေ၊ကိုးကွယ်ယုံကြည်မှု

လီဆူတိုင်းရင်းသားတို့၏သမိုင်း၊ ဘာသာစကား၊ စာပေ၊ကိုးကွယ်ယုံကြည်မှု

လီဆူမျိုးနွယ်သမိုင်း/ရိုးရာ(မကန)

လီဆူတိုင်းရင်းသားတို့သည် ကချင်မျိုးနွယ်စု ဝင် လူမျိုးတစ်မျိုးဖြစ်ပြီး ပြည်ထောင်စုမြန်မာ နိုင်ငံအတွင်း မှီတင်းနေထိုင်သော တိုင်းရင်းသား လူမျိုးတစ်ရာကျော်တွင် ပါဝင်သည်။ ကချင် ပြည်နယ်နှင့် ရှမ်းပြည်နယ်တို့တွင် နေထိုင်ကြ ပြီး မန္တလေးတိုင်းဒေသကြီးနှင့် စစ်ကိုင်းတိုင်း ဒေသကြီးတို့တွင်လည်း ပျံ့နှံ့နေထိုင်ကြသည်။

လီဆူမျိုးနွယ်တို့၏ ပင်ရင်းဒေသမှာ ''မူကူးဒီ'' ဟုခေါ်သော   မွန်ဂိုလီးယားကုန်းမြင့်ဒေသ တစ်ခုဖြစ်ကြောင်း သိရသည်။   ''မူကူးဒီ'' ခေါ်ဒေသတွင်  နေထိုင်ခဲ့ကြသည်မှာ   နှစ် ကာလ ကြာညောင်းခဲ့ကြပြီး ထိုနေရာတွင် လူဦးရေများပြားလာသောအခါ အရပ်မျက်နှာ အသီးသီးသို့ ပြောင်းရွှေ့နေထိုင်ခဲ့ကြသည်။ မူကူးဒီဒေသမှတစ်ဆင့် ရေကြည်ရာ မြက်နုရာ ပြောင်းရွှေ့ခဲ့ရာမှ ရှိပါးဒေသ၊ လချော်၊ လာကျိ ဒေသ(ယခု တရုတ်ပြည် လန်ချောင်ဒေသ)တစ်ဝိုက်တွင်လည်း နေထိုင်ခဲ့ကြသည်။ ထိုမှ တစ်ဆင့် ကျိဒူ၊ ကိုးဒူနှင့် လီကျန်ဒေသတွေ မှာ နေထိုင်ကြစဉ် မဲခေါင်မြစ်ဝှမ်းအထက်ပိုင်း နှင့်  နော်မိခေါ်  သံလွင်မြစ်အထက်ပိုင်းသို့ အသီးသီး   ပြောင်းရွှေ့နေထိုင်လာကြသည်။ ''လီဆူအစ လန်ချောင်က''ဟူသောဆိုရိုးစကား အရ မူကူးဒီခေါ်သောဒေသတွင် နေစဉ်က လီဆူဟူသောနာမည်        မခေါ်သေးပေ။ လန်ချောင်ဒေသမှစ၍ လီဆူဟူသော မျိုးနွယ် အုပ်စု စတင်ခဲ့ခြင်းဖြစ်သည်။ (လီဆူးဟူသော သတ်ပုံသည်  အမှားဖြစ်၍  သတ်ပုံအမှန်မှာ လီဆူဖြစ်သည်။)

လီဆူဘာသာစကား

လီဆူလူမျိုးများသည် လီဆူစာပေအရေး အသား မပေါ်ပေါက်မီကပင် ဘာသာစကား ရှိခဲ့သည်။ နယ်မြေဒေသအလိုက် ဘာသာ စကား အနည်းငယ်ကွဲပြားသော်လည်း အများ အားဖြင့် အချင်းချင်းနားလည်ကြသည်။

လီဆူဘာသာစကားတွင်-

(က) မူရင်းလီဆူစကား

(ခ) လီဆူနောစကား

(ဂ) ဆီလူလေမယ်စကားဟူ၍ သုံးမျိုး ရှိသည်။ မူရင်း လီဆူစကားကိုသာ   သုံးစွဲမှု များပြားကြောင်း တွေ့ရသည်။

လီဆူစာပေ

လီဆူလူမျိုးများသည် စာပေအရေးအသား မပေါ်ပေါက်မီအချိန်က တောင်ယာခုတ်ခြင်း နှင့် လက်မှုပညာကို ကျွမ်းကျင်ကြသော်လည်း စာပေမပေါ်သေးသဖြင့်    အမှတ်အသား သင်္ကေတဖြင့်သာ    အမှတ်အသားပြုခဲ့ကြ သည်။   ၁၉ဝ၆ ခုနှစ်မှစ၍   သာသနာပြု အင်္ဂလိပ်ဆရာကြီး ဂျေအိုဖရေဆာနှင့် ကရင် လူမျိုး  ဆရာကြီး ဦးဘသော်တို့က  ရောမ အက္ခရာကိုအခြေပြု၍ လီဆူစာပေကို တီထွင် ပေးခဲ့သည်။ လီဆူစာပေမှာ ရောမအက္ခရာ ကို အခြေခံထားရာ  ဗျည်းအလုံး ၄ဝ ရှိသည်။ လီဆူစာပေမှာ လီဆူလူမျိုးများ အသုံးပြုနေ ကြပြီး  ခရစ်ယာန်ဘာသာရေးစာပေအဖြစ် လည်းကောင်း၊ ပညာရေးနှင့် လူမှုရေးနယ်ပယ် များ၌လည်းကောင်း အသုံးပြုလျက်ရှိကြောင်း တွေ့ရသည်။

လီဆူတို့ ယုံကြည်ကိုးကွယ်မှု

လီဆူတို့၏ ယုံကြည်ကိုးကွယ်မှုကို သုံးမျိုး တွေ့ရှိရသည်။ ၎င်းတို့မှာ -

(က) နတ်ကိုးကွယ်ခြင်း

(ခ) ခရစ်ယာန်ဘာသာကိုးကွယ်ခြင်း

(ဂ) ဗုဒ္ဓဘာသာကိုးကွယ်ခြင်းတို့ ဖြစ် သည်။

(က) နတ်ကိုးကွယ်ခြင်း

ရှေးအကျဆုံး လီဆူလူမျိုးတို့၏ ယုံကြည် ကိုးကွယ်မှုမှာ နတ်ကိုးကွယ်ခြင်းဖြစ်သည်။ ထို့ကြောင့် ရှေးဘိုးဘွားအစဉ်အဆက်ကပင်  နတ်များကို ကိုးကွယ်လေ့ရှိကြသည်။ နတ် အမျိုးမျိုးရှိသည်ဟု ယုံကြည်ကြသည်။ နတ် များသည် ကယ်မသည်၊ ကောင်းကျိုးပြုသည်၊ တန်ခိုးရှိသည်ဟု  ယုံကြည်ကာ  ကိစ္စတစ်စုံ တစ်ရာရှိပါက တိုင်တည်ကြသည်။ အကူအညီ တောင်းကြသည်။    နတ်ကိုးကွယ်သော ခေတ်တွင် လီဆူတို့သည် နတ်ဆရာများကို လည်း ယုံကြည်အားကိုးခဲ့ကြသည်။ လီဆူတို့  ကိုးကွယ်သောနတ်များမှာ   အရေအတွက် အားဖြင့် များပြားလှသည်။

(ခ) ခရစ်ယာန်ဘာသာကိုးကွယ်ခြင်း

လီဆူတိုင်းရင်းသားတို့သည် ရှေးဦးစွာ အစဉ်အဆက်က နတ်ကိုးကွယ်မှုရှိခဲ့ကြသော် လည်း နိုင်ငံခြား ခရစ်ယာန်သာသနာပြုဆရာ များ၏ ကျေးဇူးကြောင့် ခရစ်ယာန်ဘာသာဝင် များအဖြစ် ရောက်ရှိခဲ့ကြသည်။ လီဆူလူမျိုး များထဲမှ ပထမဦးစွာ ခရစ်ယာန်ဘာသာဝင် ဖြစ်လာသူတို့မှာ ဦးငွားတားနှင့် ဒေါ်ဂူနာဒူတို့ ဖြစ်သည်။ ခရစ်ယာန်သာသနာသည်  မြန်မာ နိုင်ငံရှိ လီဆူများရှိရာ နယ်စပ်ဒေသများဆီသို့ တစ်စတစ်စပျံ့နှံ့လာပြီး သာသနာပြုခဲ့ကြရာ ကချင်ပြည်နယ်  ပူတာအို၊  ချီဖွေ၊  ဆော့လော်၊ ဆွမ်ပရာဘွမ်၊ တနိုင်း၊ မချမ်းဘော စသည့် ဒေသများသို့ ပျံ့နှံ့ခဲ့လေသည်။

ဤသို့ဖြင့် မြန်မာနိုင်ငံရှိ လီဆူတိုင်းရင်း သားတို့သည်    နတ်ကိုးကွယ်မှုရှိခဲ့ရာမှ ခရစ်ယာန်ဘာသာဝင်များ ဖြစ်လာကြသည်။ သို့သော် အချို့ဒေသများတွင်မူ နတ်ကိုးကွယ်မှု နှင့် ဗုဒ္ဓဘာသာကိုးကွယ်မှုများလည်းရှိသည်ကို တွေ့ရသည်။

(ဂ) ဗုဒ္ဓဘာသာကိုးကွယ်ခြင်း

လီဆူတို့တွင် ဗုဒ္ဓဘာသာကိုးကွယ်သူများ လည်း ရှိကြသည်။ ဗုဒ္ဓဘာသာလီဆူများကို မိုးကုတ်နယ်၊  ရှမ်းပြည်နယ်တောင်ပိုင်းနှင့် ကချင်ပြည်နယ်ရှိ အချို့ဒေသများတွင် တွေ့ရ သည်။ အချို့မှာ ရဟန်းဘောင်သို့ဝင်နေသော လီဆူ များလည်းရှိသည်။ ဗုဒ္ဓဘာသာလီဆူတို့ သည် ဗုဒ္ဓဘာသာကို သက်ဝင်ယုံကြည်ကြ၍ ဂေါတမမြတ်ဗုဒ္ဓ၏ အဆုံးအမကို ကိုးကွယ် ယုံကြည်ကြသူများဖြစ်သည်။

Ref;  The Mirror Daily