ရန်ကုန် ဒီဇင်ဘာ ၂၀
ရန်ကုန်တိုင်းဒေသကြီး ဒလမြို့နယ် ကမာကဆစ်ကူးတို့ဆိပ်၌ ဒီဇင်ဘာ ၂၀ ရက်နေ့ နံနက် ၄ နာရီခွဲ အချိန်က ကမာကဆစ်ကူးတို့ဆိပ် ကမ်းနားဘက်မှ ရန်ကုန်ဘက်ကမ်းသို့ ကူးရာ၌် ကမာကဆစ် စက်သမ္ဘာန်ဆိပ်ရှေ့အနီးတွင် စက်လှေပန်ကာ (ဒိုက်) အမှိုက်များငြိ၍ အမှိုက်ဆင်းရှင်းရာ ရေစီးနှင့်အတူ မျော်ပါသွားပြီး မြစ်အတွင်း ကျောက်ချရပ်နားထားသော စီဘီကုန်တင်တွဲနှင့် ကန့်လန့်ခံတိုက်မိရာမှ ယာဉ်နစ်မြုပ်မှုဖြစ်ပွားခဲ့ကြောင်း မြို့နယ်အထွေထွေအုပ်ချုပ်ရေးမှူးရုံးမှ သိရသည်။
ဒလမြို့နယ် ကမာကဆစ်ကူးတို့ သမအသင်းပိုင် စက်လှေမောင်း မောင်ဇင်မင်းသူ အသက်(၃၁)၊ (ဘ) ဦးသောင်းစိန် ၊ အမှတ်(၁၇၅)၊ ဂန္ဓမာလမ်း ကမာကဆစ်ရပ်ကွက်နေသူ မောင်းနှင်သော သမ္ဘာန်ကူးတို့ ရေယာဉ် အမှတ်-၇/၁၅(မြင့်မြတ်သဇင်) ယာဉ်ပေါ်တွင် စီးနင်းလိုက်ပါလာသော ခရီးသည်နှင့် ယာဉ်မောင်းအပါအ၀င် ကျား(၁၁)ဦး၊ မ(၃)ဦး စုစုပေါင်း(၁၄)ဦး အနက်မှ ကျား(၉)ဦးနှင့် မ(၂)ဦးတို့အား ပြန်လည်ဆယ်ယူနိုင်ခဲ့ပြီး၊ ယာဉ်မောင်းအပါအ၀င် ကျား(၂)ဦး၊ မ(၁)ဦးတို့မှာ ယခုအချိန်ထိ ပျောက်ဆုံးနေသဖြင့် ရန်ကုန်မြစ်အတွင်း၌ ကူးတို့သမစက်လှေအသင်းမှ တာဝန်ရှိသူများ၊ မြန်မာနိုင်ငံ ရဲတပ်ဖွဲ့နှင့် လူမှုရေးအသင်းအဖွဲ့များ မှ ကယ်ဆယ်ရှာဖွေရေးလုပ်ငန်းများ ဆောင်ရွက်လျက်ရှိကြောင်း သိရသည်။
အဆိုပါ စက်လှေပေါ်တွင် လိုက်ပါသွားသူများအနက် ပျောက်ဆုံးနေသူများမှာ စက်လှေမောင်း မောင်ဇင်မင်းသူ၊ အညားသား(ခ)နေမျိုးအောင် အသက်(၂၂)နှစ်၊ (ဘ)ဦးအောင်မြင့်သိန်းနှင့် မ(၁)ဦး အမည်မသိ လိပ်စာမသိတို့ ဖြစ်ကြောင်းသတင်းရရှိသည်။
နိုင်လင်းကျော်(ဒလ)
No comments:
Post a Comment