နေပြည်တော် ဒီဇင်ဘာ ၂၈
ရခိုင်ပြည်နယ်၊ မောင်တောမြို့နယ်၊ တရိန်း(မြို)ကျေးရွာနေ ဦးလောင်းကျော် (ဘ) ဦးထိုးလှိုင် အပါအဝင် မြိုတိုင်းရင်းသား ၁၇ ဦးတို့သည် ဒီဇင်ဘာ ၂၆ ရက် နံနက် ၁၁ နာရီခန့်တွင် ကျေးရွာ၏မြောက်ဘက် ၄ မိုင်ခန့်အကွာရှိ ဘင်္ဂါလီလူမျိုးအများစု နေထိုင်သည့် မျော ချောင်းကျေးရွာအနီး ပုစွန်ကန်များတွင် ငါး၊ပုစွန်များ သွားရောက်ရှာဖွေခဲ့ပြီး ညနေ ၄နာရီ ၄၅ မိနစ်ခန့်တွင် ဦးလောင်းကျော် တစ်ဦးတည်း ကျေးရွာသို့ပြန်သွားခဲ့သည်။
ဦးလောင်းကျော်သည် ည ၉ နာရီခန့်ထိ ကျေးရွာသို့ ပြန်လည်ရောက်ရှိလာခြင်း မရှိသဖြင့် တရိန်း(ရခိုင်ရွာ) ရဲကင်းစခန်းသို့ ကျေးရွာအုပ်ချုပ်ရေးမှူးမှ ပျောက်ဆုံးနေကြောင်း သတင်းပို့ခဲ့သဖြင့် လုံခြုံရေးတပ်ဖွဲ့ ဝင်များနှင့် ဒေသခံ တိုင်းရင်းသားများ ပူးပေါင်း၍ သွားရောက်ရှာဖွေရာ ဒီဇင်ဘာ ၂၇ ရက် နံနက် ၈ နာရီခန့်တွင် မျောချောင်းကျေးရွာ၏ မြောက်ဘက် ၃ မိုင်ခန့်အကွာရှိ လယ်ကွင်း အတွင်း၌ ဦးလောင်းကျော်အား ဓားဒဏ်ရာများဖြင့် လဲကျသေဆုံးနေသည်ကို တွေ့ရှိရသည်။
ဦးလောင်းကျော် သေဆုံးမှုနှင့် ပတ်သက်၍ တရားခံဖမ်းဆီးရမိရေးအတွက် ကြိမ်ချောင်းနယ်မြေ ရဲစခန်း၌ အမှုဖွင့်ဆောင်ရွက်လျက် ရှိကြောင်းနှင့် ဖြစ်စဉ်နေရာ တစ်ဝိုက်အား စုံစမ်းစစ်ဆေးမှုများ ဆောင်ရွက်လျက် ရှိကြောင်း သတင်းရရှိသည်။
Ref; တပ်မတော်ကာကွယ်ရေးဦးစီးချုပ်ရုံး
No comments:
Post a Comment