Latest News

Thursday, December 7, 2017

ဖမ်းမိထားသောစက်တပ်ဆင်လင်းယုန်ဟုယူဆရသည့်ဌက်ကြီးကို ရတနာပုံတိရစ္ဆာန်ဥယာဉ်သို့ပို့ဆောင်မည်

ဖမ်းမိထားသောစက်တပ်ဆင်လင်းယုန်ဟုယူဆရသည့်ဌက်ကြီးကို
ရတနာပုံတိရစ္ဆာန်ဥယာဉ်သို့ပို့ဆောင်မည်

   ဒီဇင်ဘာ၆ရက်နံနက်ပိုင်းကမင်းကင်းမြို့နယ်သာစည်ရွာတွင်ဖမ်းမိသောလင်းယုန်ဟုယူဆရသောငှက်ကြီးကိုမင်းကင်းမြို့နယ် သစ်တောဦးစီးဌာနကထိမ်းသိမ်းစောင့်ရှောက်ကာမန္တလေးမြို့ရတနာပုံတိရစ္ဆာန်ဥယျာဉ်မှတိမွေးကုဆရာဝန်ကစစ်ဆေးကုသပေးသွားမည်ဖြစ်ကြောင်းသိရသည်။

  ``တပ်ထားတဲ့စက်မှာမွန်ဂိုးလီးယားလို့ရေးတာပါတယ်။ဖမ်းမိထားတဲ့လင်းယုန်လို့ ယူဆရတဲ့အကောင်ကိုမန္တလေးရတနာပုံ တိရစ္ဆာန်ဥယာဉ်က ဆရာဝန်ကမင်းကင်းသစ်တောဦးစီးဌာနမှာသွားရောက်ဆေး စစ်မှာဖြစ်ပါတယ်။ဆေးစစ်လို့ကျန်းမာရေးကုသဖို့
လိုမယ်ဆိုရင်ဆေးကုသပေးပြီးရတနာပုံတိရစ္ဆာန်ဥယာဉ်ကိုခေါ်သွားပြီးထိန်းသိမ်းဖို့စီစဉ်နေပါတယ်။´´ဟုစစ်ကိုင်းတိုင်းဒေသကြီးသစ်တောဦးစီဌာနညွှန်ကြားရေးမှုးချုပ်ဦးခင်မောင်ဝင်းကပြောသည်။

   မန္တလေးရတနာပုံတိရစ္ဆာန်ဥယျာဉ်ရောက်မှသာတပ်ထားသောစက်ကိုဆက်သွယ်ဆောင်ရွက်စစ်ဆေးသွားမည်ဖြစ်ကြောင်းသိရသည်။
`` အဲဒီရောက်မှဘဲတပ်ထားတဲ့စက်ကိုစစ်ဆေးပြီးဆက်သွယ်ဆောင်ရွက်စရာဆက်လုပ်သွားမှာပါ။အကြမ်းဖျဉ်းယူဆရတာကသုတေသနလုပ်ဖို့စက်တပ်ပေးလိုက်တဲ့ အကောင်ဖြစ်မှာပါ။လက်ရှိမင်းကင်းသစ်တောဦးစီး ဌာနမှာထိန်းသိမ်းထားတာကျန်းမာ ရေးအခြေအနေ ကတော့ကောင်း ပါတယ်။မွန်ဂိုးလီးယားလို့ရေးထားပေမယ်ဘယ်နိုင်ငံဘယ်အဖွဲ့ကလို့တိတိကျကျမသိရသေးပါဘူး။အားလုံးစစ်ပြီးမှတိတိကျကျသိရပြီဆိုရင်ဆက်သွယ်ပေးပို့သွားမှာပါ။အခုချိန်ထိတော့ဒီငှက်ကြီးနဲ့ပတ်သက်ပြီးဘယ်ကမှဆက်သွယ်လာတာမရှိသေးပါဘူး။´´ဟုဦးခင်မောင်ဝင်းကဆက်ရှင်းပြသည်။    ကျောတွင်စက်တပ်ထားသော လင်းယုန်တစ်ကောင်ကို စစ်ကိုင်းတိုင်းဒေသကြီးမင်းကင်းမြို့နယ် သာစည်ကျေးရွာတွင် ဒီဇင်ဘာလ၆ရက်နံနက်ကဖမ်းမိခဲ့ခြင်းဖြစ်သည်။
  ``မနေ့မနက်ကရွာနားကကောက်ရီုးပုံမှာလာနားတုန်းရွာသားတစ်ဦးက လေးခွနဲ့ ပစ်ဖမ်းလိုက်တာပါ။ဘာ့ကြောင့်စက်တပ်ထားတယ်။ ဘာစက်ဆိုတာကိုတော့မသိပါဘူး´´ဟုမင်းကင်းဒေသခံကိုကျော်မျိုးလင်းကဆိုသည်။

  လင်းယုန်၏ကျောတွင်စက်တပ်ဆင်ထားသည့်အပြင်ခြေထောက်တွင်လည်းအမှတ်စဉ်ပါသည့်သံကွင်းတစ်ခုတပ်ဆင်ထားကြောင်းသိရသည်။

   မင်းကင်းမြို့နယ် တောင်တွင်းချောင် ၃၆ရွာမှတစ်ရွာအပါအဝင်ဖြစ်သည့် သာစည်ရွာ၏အပြင်ဖက်ကောက်ရိုးပုံပေါ်နားနေစဉ်လင်းယုန်ငှက်ကိုရွာသားတစ်ဦးကလေးခွဖြင့်ပစ်ပြီးအသက်ရှင်လျက်ဖမ်းမိခဲ့ခြင်းဖြစ်ကြောင်းသိရသည်။

  ``အများကြားမှာဒီလင်းယုန်မှာတပ်ထားတဲ့စက်ကဘာဖြစ်နိုင်တယ်။
ဘာဆက်ဖြစ်နိုင်တယ်ဆိုတဲ့စိုးရိမ်တကြီးပြောနေကြတာ တွေဟာမဟုတ်ပါဘူး။သုတေသနလုပ်ဖို့အတွက်တပ်လိုက်တဲ့စက်ဆိုတာကတော့သေချာပါတယ်။စိုးရိမ်စရာမရှိပါဘူး။ဘယ်နိုင်ငံကဘာအတွက်ဆိုတာကိုတော့နေပြည်တော်ကသားငှက်ထိန်းသိမ်းရေးဌာနတာ ဝန်ရှိသူတွေနဲ့ဆက်ဆောင်ရွက်ရဦးမှာဖြစ်ပါတယ်။´´ဟုဦးခင်မောင်ဝင်းကဒီဇင်ဘာလ၇ရက်နံနက်ပိုင်းကပြောကြားသည်။

            မျိုးဝင်းထွန်း  မုံရွာ

No comments:

Post a Comment