အမာ ဒီဇင်ဘာလ(၂၂)ရက်
ဒီဇင်ဘာလ(၂၁)ရက်နေ့ကထူးခြားဖြစ်စဉ်သတင်းအဖြစ်တင်ပြခဲ့သောပင်လယ်ပြင်တွင်အင်္ဂလန်ကျားဖေါင်များနှင့်လူ(၃၉)ယောက်မျောပါနေသတင်းအားဖြစ်စဉ်များသိရှိနိုင်ရန်ဧရာဝတီတိုင်းဒေသကြီးဖျာပုံခရိုင်အမာမြို့ဒေါ်ညိမ်းကျေးရွာအုပ်စုခါးပြတ်ကျေးရွာနယ်မြေမှုးဦးဌေးဝင်းအားမေးမြန်းကြည့်ရာအင်္ဂလန်ကျားဖေါင်(၁၃)ဖေါင်နှင့်အလုပ်သမား(၃၉)ဦးစလုံးပြန်လည်တွေ့ရှိကယ်ဆယ်နိုင်ခဲ့ပြီဖြစ်ကြောင်းသိရှိရပါသည်။
ဖြစ်စဉ်မှာဒီဇင်ဘာလ(၁၉)ရက်နေ့နှင့်(၂၀)ရက်နေ့အရှေ့ဖက်မှလာသောလေပြင်းတိုက်ခတ်မှုကြောင့်ခါးပြတ်ကျေးရွာမှရေလုပ်ငန်းလုပ်ကိုင်နေသောဦးအောင်ခင်(ခ)အညာသား(ရွှေစင်ဖြိုး-အလုပ်ရုံ)ပိုင်ဆိုင်သည့်ပင်လယ်ပြင်တွင်ငါးပုဇွန်များဖမ်းဆီးသည့်အင်္ဂလန်ကျားဖေါင်(၁၃)ဖေါင်နှင့်ဖေါင်ပေါ်တွင်အလုပ်လုပ်ကိုင်နေသည့်လူ(၃၉)ဦးကြိုးပြတ်ပြီးပင်လယ်ထဲမျောပါခဲ့ကြောင်းသိရှိသည်နှင့်ခါးပြတ်ကျေးရွာတာဝန်ရှိသူများရေလုပ်ငန်းရှင်အသင်းမှတာဝန်ရှိသူများလုပ်ငန်းတူအပေါင်းအသင်းများမှပင်လယ်ပြင်တွင်သင်္ဘောများဖြင့်ဝိုင်းဝန်းရှာဖွေခဲ့ရာဒီဇင်ဘာလ(၂၁)ရက်ညနေ(၆)နာရီ(၅၅)မိနစ်တွင်ဖေါင်(၇)ဖေါင်နှင့်လူ(၂၁)ယောက်အားပြန်လည်တွေ့ရှိကယ်ဆယ်နိုင်ခဲ့ကြောင်းသိရသည်။ဒီဇင်ဘာလ(၂၂)ရက်နံနက်ပိုင်းတွင်ဖေါင်(၄)ဖေါင်နှင့်လူ(၁၂)ဦးအား၎င်းအခြားရှာဖွေနေသောအဖွဲ့တစ်ဖွဲ့မှပင်လယ်ပြင်တွင်ဖေါင်(၂)ဖေါင်နှင့်လူ(၆)ဦးအားတွေ့ရှိကယ်ဆယ်နိုင်ခဲ့ပြီးယခုအခါကြိုးပြတ်မျောနေသောအင်္ဂလန်ကျားဖေါင်(၁၃)ဖေါင်နှင့်လူ(၃၉)ဦးစလုံးပြန်လည်တွေ့ရှိကယ်ဆယ်နိုင်ပြီဖြစ်ကြောင်းသိရှိရပါသည်။
ဝင်းမြင့်အောင်(MMAL)
No comments:
Post a Comment