၂၈.၁၁.၂၀၁၇ နေ့ တကာတစ်ယောက်ရွှေသင်္ကန်းတစ်ထည်လာလှုတယ်။ အလှုရှင်စိတ်ချမ်းသာအောင် ကိုယ်ပေါ်မှာခန တင်ပြလိုက်တယ် အလှုရှင်ကအဲ့ဓာတ်ပုံကို ဝမ်းမြောက်ဝမ်းသာFACEBOOK မှာတင်လိုက်တယ်.. ပြဿနာစပေါ်ပါလေရော ပုံကိုယူပြီး တချို့က ဝေဖန်တယ်အပြစ်တင်တယ် ကဲ့ရဲ့တယ်..
ဝေဖန်ပါ အပြစ်တင်ပါ. ဒါပေမယ့်အကြောင်းရင်းကိုသေချာလေ့လာပါ. ရွှေငွေကိုအလှုခံရင်ဘာအပြစ်ဖြစ်တယ်ဆိုတာ ပြည်တွင်းပြည်ပ သာသနာပြုဆရာတော် မသိပဲနေပါ့မလား? သံဃစေတိယာဒီနံ အတ္ထာယ ဂဏှန္တဿ ဒုက္ကဋံ- ကိုယ့်အတွက်မပြောနဲ့ သံဃာ စေတီ စသည်တို့အတွက်လက်ခံတောင် ဒုက္ကဋ်သင့်တာ. ( ကင်္ခါ- နှာ၁၇၆) ဒါလောက်တော့ စာသင်တိုက်ပေါင်းများစွာရဲ့ ပဓာနနာယက ဆရာတော်ကြီးသိဒါပေါ့.
သာသနာတော်အတွက်အကျိုးများတဲ့တကာတကာမတွေ လှုဒါန်းလာတဲ့အခါမှာ လုံးဝငြင်းလွှတ်လိုက်ရမလား? ပသန္နာနံ ဘိယျောဘာဝါယ ကလဲရှိသေး အကြောင်းကြောင့်ထောက်စရာတွေကလဲရှိသေး ဘယ်လိုလုပ်မလဲ?
အခြေနေရ ရွှေငွေလှုဒါန်းလာရင်အပ်စပ်အောင်လုပ်လို့ရတဲ့နည်းရှိပါတယ်။ “ သစေ ပန စိတ္တေန သာဒိယတိ၊ ဂဏှိတုကာမော ဟောတိ၊ ကာယေန ဝါ ဝါစာယဝါ “ နယိဒံ ကပ္ပတီ” တိ ပဋိက္ခိပတိ၊ ကာယဝါစာဟိ အပ္ပဋိက္ခိပိတွာ သုဒ္ဓစိတ္တော ဟုတွာ “ နယိဒံ အမှာကံ ကပ္ပတီ” တိ နသာဒိယတိ၊ ဝဋ္ဋတိ။ ( ကင်္ခါအဋ္ဌကထာ- နှာ ၁၇၅) ဒီ အဆိုအရ ရွှေငွေလာလှုတယ် စိတ်ဖြင့်သာယာတယ် , ခံယူလိုတယ်, သို့သော် ကိုယ်ဖြင့် ဖြစ်စေ, နှုတ်ဖြင့် ဖြစ်စေ “ ဒီရွှေငွေသည် မအပ်” ဟု ပယ်မြစ်လျှင်၊
သို့မဟုတ်--- ကိုယ်နှုတ်တို့ဖြင့် မပယ်မြစ်ဘဲ စင်ကြယ်သောစိတ်ရှိသည်ဖြစ်၍ “ ဤရွှေငွေသည် ငါတို့အား မအပ်” ဟု မသာယာလျှင် အပ်ပါသည်၊ အပြစ်မရှိပါ။ ( ကင်္ခါရှင်းတမ်း နှာ -၂၇၇... အရှင်မုနိန္ဒာဘိဝံသ) ဒီတော့ အလှုရှင်၏ စေတနာကိုငဲ့၍ ကိုယ်နှုတ်ဖြင့် မလှုပါနဲ့ မတားပစ်မိသော်လည်း စင်ကြယ်တဲ့စိတ် နဲ့ ဒီရွှေငွေတွေဟာ မအပ်ဟု နှလုံးသွင်းကာ မသာယာလျှင် အပြစ်မဖြစ်ပါ..
ကြားဖူးတဲ့ အဖြစ်ပျက်လေးကို ကိုးကားပါရစေ တဆင့်ကြားသာဖြစ်ကြောင်း ကြိုဝန်ခံပါရစေ.... တနေ့ တိပိဋကဓရ ဓမ္မဘဏ္ဍာဂါရိက ဆရာတော်တစ်ပါးအား တကာမတစ်ယောက်က ကြည်ညိုလို့ ရွှေသောက်ရေခွက်လာလှုတယ်၊ ဆရာတော်ကြီးက မအပ်ဘူးလို့ပြောပြီးအလှုမခံပါဘူး၊ ဒါပေမယ့် သူ့သဒ္ဓါတရားကို ထောက်ပြီး ရွှေခွက်နှင့် ရေတခွက်အကပ်ခံပြီး သောက်ပြလိုက်တယ်. အလှုရှင်ကျေနပ်သွားတယ်.
ဒီလိုပါပဲ အလိုတော်ပြည့် ဆရာတော်ကြီးဟာလဲ တကာတကာမတွေရဲ့ သဒ္ဓါတရားကိုငဲ့ပီး ခနတဖြုတ် ကိုယ်ပေါ်မှာ တင်ပြလိုက်ခြင်းသာဖြစ်သည် အမြဲ ဝတ်ရုံသုံးစွဲ ခြင်းအလျဉ်းမရှိပါ. ပြီးလျှင်ပြီးချင်း အနာမာသ အကပ္ပိယဝတ္ထု အဖြစ် ကပ္ပိယကာရက ကို ညွှန်ပြပြီးဖြစ်ပါကြောင်းဖြေရှင်းအပ်ပါသည်။
အကြောင်းရင်းကို မသိပဲ ပြစ်တင်ဝေဖန်ခြင်းများ နောက်နောင်မပြုလုပ်ဖို့ကိုလဲ အသိပေးအပ်ပါသည်။
ပရဝဇ္ဇာနုပဿိဿ၊ နိစ္စံ ဥဇ္ဈာနသညိနော။
အာသဝါ တဿ ဝဍ္ဎန္တိ၊ အာရာ သော အာသဝက္ခယာ။
( ဓမ္မပဒအဋ္ဌကထာ ဒု -နှာ ၂၃၉)
ကျန်းမာရွှင်လန်းကြပါစေ...
စာချနာယကအဖွဲ့
အလိုတော်ပြည့်ကျောင်းတိုက်
တာမွေ၊ ရန်ကုန်
နေ့စွဲ- ၃၀.၁၁.၂၀၁၇.
No comments:
Post a Comment