MNA လေယာဉ်၁၅မိနစ်ခန့်ပျံသန်းပြီးမှစစ်တွေလေယာဉ်ကွင်းသို့ပြန်ဆင်းသက်ခဲ့ရ
စစ်တွေ\အောက်တိုဘာ၂၇
အောက်တိုဘာ၂၆ရက်ညနေ၅နာရီခန့်တွင်စစ်တွေလေယာဉ်ကွင်းမှရန်ကုန်သို့ပြန်ရန်ပျံတက်ခဲ့သည့်MNAမြန်မာအမျိုးသားလေကြောင်းလိုင်းလေယာဉ်သည်၁၅မိနစ်ကြာကောင်းကင်ပေါ်ပျံတက်ပြီးနောက်အရေးပေါ်စစ်တွေလေယာဉ်ကွင်းသို့ပြန်လည်ဆင်းသက်ခဲ့ရသည်ဟုသိရသည်။ လေယာဉ်အမှတ်UB206သည်အောက်တိုဘာ၂၆ရက်နေ့၅နာရီ၁၅မိနစ်ခန့်ကခရီးသည်၉၇ဦးတင်ဆောင်၍စစ်တွေမှရန်ကုန်သို့ပျံသန်းစဉ်လေယာဉ်မောင်းအခန်းအတွင်းသို့လေ၀င်ကြောင်းသိရသဖြင့်စစ်တွေလေဆိပ်သို့၅နာရီ၅၅မိနစ်အချိန်တွင်အရေးပေါ်ပြန်လည်ဆင်းသက်ခဲ့ရခြင်းဖြစ်ကြောင်းစစ်တွေလေဆိပ်မှတာဝန်ရှိသူတစ်ဦးကအတည်ပြုသတင်းမီဒီယာကိုပြောသည်။ 'ဒီဖြစ်စဉ်ကြောင့်ခရီးသည်တွေနဲ့လေယာဉ်ထိခိုက်မှုမရှိခဲ့ပါဘူး'ဟုအဆိုပါတာဝန်ရှိသူကပြောသည်။ ယင်းနောက်စစ်တွေလေဆိပ်သို့ဆက်သွယ်ရာလေယာဉ်ဝန်ထမ်းတစ်ဦးကလေယာဉ်ဆင်းသက်ခဲ့ရသည်မှာဟုတ်မှန်ကြောင်းပြင်ဆင်ပြီးနောက်ည၉နာရီ၁၇မိနစ်အချိန်တွင်ရန်ကုန်သို့ပြန်လည်ထွက်ခွာသွားပြီဟုသိရသည်။ ယင်းသို့ပြန်လည်ထွက်ခွာရာတွင်ခရီးသည်၆၃ဦးသာလိုက်ပါသွားပြီးကျန်ခရီးသည်၃၄ဦးမှာမိမိသဘောဆန္ဒအရလိုက်ပါသွားခြင်းမရှိခဲ့ကြောင်းသိရသည်။ အဆိုပါလေယာဉ်သည်ရန်ကုန်အပြည်ပြည်ဆိုင်ရာလေဆိပ်သို့အောက်တိုဘာ၂၆ည၁၀နာရီ၁၈မိနစ်အချိန်တွင်အောင်မြင်စွာရောက်ခဲ့ကြောင်းသိရသည်။
ကျော်လင်းနိုင်
Subscribe to:
Post Comments (Atom)
No comments:
Post a Comment