ထာဝရလဲနေခြင်းမဟုတ်ကြောင်း ကြံ့ဖွတ် ပါတီဥက္ကဋ္ဌ ပြော
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် ခလုတ်တိုက်လဲ
သည့်အဆင့်သာရှိပြီး ထာဝရလဲနေခြင်းမဟုသဖြင့် ထိုသို့မခံယူဘဲ ကြိုးစားကြရန် ပါတီဥက္ကဋ္ဌ ဦးသန်းဌေးက ပြောသည်။
အောက်တိုဘာ ၂၆ ရက်က ကျင်းပသည့် ဧရာဝတီတိုင်းဒေသကြီး ဟင်္သာတခရိုင် မြို့နယ်ပါတီဝင်များ၊ မြို့မိမြို့ဖများနှင့်တွေ့ဆုံပွဲတွင် ယင်းသို့ပြောကြားခဲ့ခြင်းဖြစ်သည်။
“ ပြည်ခိုင်ဖြိုးပါတီ ခလုတ်တိုက်သွားတဲ့အဆင့်ပဲ ရှိပါတယ်။ လောကကြီးဟာ သင်္ခါရပါ။ နိုင်ပြီဆိုပြီး တစ်သက်လုံးနိုင်ပြီ
ထင်ရင်လည်း ဒုက္ခရောက်မယ်။ တစ်ကြိမ်တစ်ခါ ခလုတ်တိုက်လဲ
သွားတာကို ထာဝရလို့ ထင်နေရင် အဲဒီတော့မှ တကယ်လဲမှာပါ” ဟု ဦးသန်းဌေးက ပြောသည်။
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် တစ်ခဏ ရှုံးသွားခြင်းဖြစ်ပြီး ထာဝရရှုံးသွားခြင်းဟု လူအချို့ဝေဖန်သည်မှာ မဟုတ်ကြောင်း၊ ၂၀၁၇ ခုနှစ် ကြားဖြတ်ရွေးကောက်ပွဲတွင် ပါတီက ၇ နေရာ နိုင်ထားကြောင်း ၎င်းက ပြောသည်။
“ ကျွန်တော်တို့ပါတီဟာ အာဏာမရှိဘူး၊ အဲဒီတော့ ဘယ်သူ့ကမှ ခြိမ်းခြောက်စရာလည်းမရှိဘူး။ ပါတီဝင်လာတဲ့သူတွေဟာ သူတို့ဆန္ဒ သူတို့သဘောထားယုံကြည်ချက်အရ ဝင်လာတာဖြစ်တယ်” ဟု ဦးသန်းဌေးက ဆိုသည်။
အကုန်သိ
No comments:
Post a Comment