လုပ်ကွက်စောင့် ရဲတပ်ရင်း နှင့်ရေမဆေးများ ပြဿနာ ဖြစ်ရာမှ ရဲများ၏တိုက်ခိုက်မှုကြောင့် ရေမဆေး
ကျောက်ရှာသူ (၅) ပွဲချင်းပြီး သေဆုံးပြီး (၂၀)ဦး ဒဏ်ရာရခဲ့သည် ။ ရေမဆေး (၉) ဦးသည် အသက်
အန္တရာယ် စိုးရိမ်ရသည့်အနေအထား ရှိသည်ဟု မျက်မြင်တစ်ဦး၏ ပြောပြချက်အရ ကနဦး သိရှိရသည်။
၁၈.၁၀.၂၀၁၇နေ့ ည ဆယ်နာရီ ခန့်တွင် ကချင်ပြည်နယ် ဖားကန့်ကျောက်စိမ်းတွင်းဒေသ ဖားကန့် မြို့နယ် လုံးခင်းကျေးရွာအုပ်စု ဆန်ခါကျေးရွာအနီး ငိုးပင်း ၊ဖဝါမှော်ရှိ တစ်သုံးလုံး ကျောက်စိမ်းတူးဖော်ရေး ကုမ္မဏီ လုပ်ကွက်အတွင်း ရေမဆေးကျောက်ရှာဖွေသူ( ရေမဆေး) များနှင့် လုပ်ကွက် လုံခြုံရေး စောင့်ပေးသော ရဲတပ်ရင်း (၁၄) မှ ရဲမှူး ဦးကျော်ဝင်းလှိုင် ခေါင်းဆောင်သော ရဲအင်အား (၃၀) ခန့်တို့ ပြဿနာဖြစ်ပွားခဲ့သည် ။ ည ၉:၃၀ ချိန်ခန့် တွင် လုပ်ကွက်အတွင်းကို ရေမဆေးများက တရားမဝင် ကျောက်စိမ်း ဝင်ရောက်ရှာဖွေမှုကို တားဆီးရာမှ အပြန်အလှန် ခိုက်ရန် ဖြစ်ပွားခဲ့သည်ဟု သိရသည် ။ ည ၁၀း၃၀ ခန့်တွင် ရေမဆေးအင် (၆၀၀) ခန့်မှ ဒုတ်ဓါး လက်နက်များဖြင့် ပြန်ရောက်လာရာ ရဲတပ်ရင်း (၃၅) မှ အင်အာဖြည့် ထပ်မံ
ပူးပေါင်းကာ တိုက်ခိုက်ခဲ့သည်ဟု ရဲသတင်းများ၏ အဆိုအရ သိရပါသည် ။ ရဲများ၏ လက်နက်ခဲယမ်း
များဖြင့် ပစ်ခတ်တိုက်ခိုက်မှုကြောင့် ရေမဆေးကျောက်ရှာသူ ( ၅) ဦး ပွဲချင်းပြီး သေဆုံးခဲ့ပြီး (၂၀) ဦးခန့်
ဒဏ်ရာရရှိကာ (၉) ဦးမှာ အသက်အန္တရာယ် စိုးရိမ်ရသည်ဟု သိရသည် ။
ရေမဆေးရှာဖွေသူများမှ ရဲတပ်ရင်းမှ လုံခြုံရေးရဲတပ်ဖွဲ့ဝင်တစ်ချို့ကို ကျောက်ခဲများဖြင့် ပစ်ပေါက်ခြင်း ဖမ်းဆီးရိုက်နှက်ခြင်း ၊ ကုမ္မဏီပိုင် ဘက်ဟိုးတစ်စီးအား မီရှို့ဖျက်ဆီးခြင်း ပြုလုပ်ခဲ့သည်ဟု ရဲများထံမှ သိရပါ
သည် ။ ရဲမှူး ဦးကျော်ဝင်းလှိုင်အပါအဝင် ရံတပ်ဖွဲ့အချို့ ဒဏ်ရာအနည်းငယ်ရှိခဲ့သော်လည်း ရဲတပ်ဖွဲ့ဝင်များဘက်မှ သေဆုံးသူမရှိဟု သိရပါသည် ။
ဆက်လက်ဖော်ပြပါမည် ။
ဇော်မိုးထက် ( ဖားကန့် )
ဓါတ်ပုံ-SKTL
No comments:
Post a Comment