အမတ်မင်း စကားကို ပျက်ရယ်ပြုနေသော ပွဲခင်းထဲက ကြက် ကွေး ကျား လောင်းကစား ....

အမတ်မင်း စကားကို ပျက်ရယ်ပြုနေသော ပွဲခင်းထဲက ကြက် ကွေး ကျား လောင်းကစား ....
ဖားကန့်ကျောက်စိမ်းတွင်းဒေသတွင် ဇာတ်ပွဲ နှင့် လောင်းကစားသည် အပ်သွားရာ အပ်ချည်ပါသကဲ့သို့ပင် ဖြစ်နေလေသည် ။ ဖားကန့်မြို့နယ်အတွင်း ကျင်းပပြုလုပ်သော ဇာတ်ပွဲတိုင်းတွင် လောင်းကစားရုံများ မပါသည့် ဇာတ်ပွဲ ဆိုသည်မှာ မရှိသလောက် ရှားပါး လှပါသည် ။
ရှေးယခင်က ဇာတ်သဘင်များကို မြန်မာတိူ့၏ ဓလေ့အတိုင်း ဘာသာရေးပွဲများနှင့် အလှူပွဲများတွင် ပျော်ပွဲရွှင်ပွဲများ အဖြစ် ကျင်းပကြသည် ။ ယခုအခါ ဖားကန့်ကျောက်စိမ်းတွင်းဒေသတွင် ဇာတ်သဘင်ပွဲများကို စီးပွားရေး လုပ်ငန်းကြီးသဖွယ် ခပ်စိပ်စိပ် ကျင်းပနေသည်ကို တွေ့ရှိလာရပါသည် ။ ဘုရားတည် ကျောင်းဆောက် ၊ သာသနိက အဆောက်အဦး ဆောက်လုပ်ရန်အစ ၊ ရပ်ရေးရွာရေးအဆုံး လိုအပ်သော ငွေကြေးများကို ဇာတ်သဘင်နှင့် လောင်းကစားကို အသုံးပြုကာ ရန်ပုံငွေပွဲဟု ခေါင်းစဉ်တပ်ပြီး ခပ်စိပ်စိပ် စီးပွားရှာနေသည်ကို တွေ့နေရပါသည် ။ ဖားကန့် ကျောက်စိမ်းတွင်း ဒေသတွင် ခရစ်ယာန် သာသနာလည်း ထွန်းကားသော အရပ်လည်းဖြစ်ပါသည် ။ ခရစ်ယာန်တို့၏ ဘာသာရေးပွဲမျာတွင် ပျော်ပွဲရွှင်ပွဲများဖြင့် ဖျော်ဖြေမှုများကို မကြာခဏ တွေ့ဘူးပါသည် ။ ဘုရားတိုင်းက မကြိုက် ၊မနှစ်သက်သော လောင်းကစားပွဲများ ထည့်သွင်းလေ့ မရှိပါ ။ အချို့ပွဲများဆိုလျှင် အရက်သေစာ နှင့် ဆေးလိပ်ပင် ရောင်းချခွင် မပြုသည်ကို တွေ့ရဘူးပါသည် ။ ကျနော်တို့ ဗုဒ္ဓဘာသာဝင်များအနေဖြင့် အလွန်ပင် ဆင်ခြင် အတုယူသင့်သည်ဟု မြင်ပါသည် ။ ငွေရဘို့အတွက် ဘာသာတရားကို ခုတုံး မလုပ်သင့်ဟု ယူဆမိပါသည် ။ အဆိုပါ လုပ်ရပ်များကို တားမြစ်ရန် သက်ဆိုင်ရာ ဆရာတော်ကြီးများတွင် တာဝန် လုံးလုံးရှိသည်ဟု ထင်ပါသည် ။ ထိုကဲ့သို့သော ပွဲများကို ဘုရားသာသနာ၏ အဝန်းအဝိုင်းအတွင်း ကျင်းပခွင့် မပြုသင့်သလို ၊အဆိုပါ ပွဲများမှ ရရှိသော မစင်ကြယ်သော ငွေကြေးများဖြင့်လည်း သာသနာ မပြုသင့်ဟု ထင်ပါသည် ။ သက်ဆိုင်ရာ တာဝန်ရှိသူ အဆင့်ဆင့်ဘက်မှလည်း နိုင်ငံတော်မှ ဥပဒေပြဌာန်းကာ တားမြစ်ထားသော ဒုစရိုက် လုပ်ငန်းများကို ပြောင်ပြောင်တင်းတင်း လူမြင်ကွင်းများတွင် ခွင့်ပြုထားသည်မှာ လူကြီးမင်းတို့၏ ဂုသိက္ခာကို အလွန်ကျဆင်းစေသည့် လုပ်ရပ်ဖြစ်ပါသည် ။

၂၆.၉.၂၀၁၇ နေ့တွင်ဖားကန့်မြို့နယ် လုံးခင်းကျေးရွာအုပ်စု ဆန်ခါ ကျေးရွာအနီး မဒဲ့ယန် ( မှော်ပုံ ) ကျေးရွာတွင် “ ရွှေတော်ဝင် ” မန္တလေးဇာတ်ပွဲ ကပြလျှက်ရှိသည် ။ အဆိုပါ ဇာတ်ပွဲသည် ဆယ်ည ကပြမည်ဟု သိရသည် ။ဇာတ်ပွဲတွင် တရားမဝင် ဒုစရိုက် လုပ်ငန်းများဖြစ်သည့်  ခြောက်ကောင် လောင်းကစားခုံ (၅၀) ခန့် နှင့် လေးကောင်ဂျင် ၊တရုတ်ပဲကြားလှော် ဖိုက်ကြူး စသည့် လောင်းကစားလုပ်ငန်းများကို ခွင့်ပြုထားသည်ဟုမျက်မြင်တွေ့ရှိခဲ့သူ ဒေသခံတစ်ဦး၏ ပြောပြချက်အရ သိရှိရပါသည် ။

အဆိုပါ တရားမဝင် လောင်းကစားပွဲများနှင့် ဇာတ်ပွဲကပြရာ မှော်ပုံကျေးရွာသည် ဖားကန့်မြို့နယ် ပြည်သူ့လွှတ်တော် ကိုယ်စားလှယ် ဦးတင့်စိုး နေထိုင်သည့် လုံးခင်းကျေးရွာအုပ်စုတွင် ဖြစ်ပါသည် ။ ဖားကန့်မြို့နယ် ပြည်သူ့လွှတ်တော် ကိုယ်စားလှယ် ဦးတက့်စိုးမှ လောင်းကစား ကိစ္စများကို ဖမ်းဆီးအရေးယူပေးဘို့ ဖားကန့်မြို့နယ်မှူး နှင့် ရဲစခန်းမှူးတို့အား တင်ပြခဲ့ပြီး ဟုဆိုပါသည် ။ “ ဒီလောင်းကစား ကိစ္စ ဖမ်းဆီးအရေးယူပေးဘို့ ကျနော်ကိုယ်တိုင် ဖားကန့် မြို့နယ်မှူးရော ၊ စခန်းမှူးကိုရော ပြောထားတာပဲ ။ ဆိုင်းတောင် ( ဆိပ်မူ) ဘက်မှာဆိုလည်း ငါးမန်းဂိမ်း လောင်းကစားရုံတွေ နဲတာမှ မဟုတ်ပဲ ။ဘာကြောင့် မဖမ်းတာလဲ ငါ့ညီပဲ မေးကြည့်တော့ ။ ခုလည်းကြည့် အကိုနေတဲ့ ရွာနားမှာကြီးကွာ ။ ဒါမဖြစ်သင့်ဘူး ” ဟု ဖားကန့်မြို့နယ် ပြည်သူ့လွှတ်တော် ကိုယ်စားလှယ် ဦးတင့်စိုးက ပြောပါသည် ။

မှော်ပုံကျေးရွာတွင် ကပြလျှက်ရှိသော ဇာတ်ပွဲရှိ လောင်းကစားခုံများနှင့်ပတ်သက်ပြီး လုံးခင်းရဲစခန်းမှူးထံသို့ တယ်လီဖုန်းဖြင့် ဆက်သွယ်မေးမြန်းရာတွင် ဖြေဆိုခဲ့ခြင်း မရှိသလို ၊ တ်ာလီဖုန်း အကြိမ်ကြိမ် ထပ်မံခေါ်ဆိုသော်လည်း ဖုန်းမကိုင်တော့ပါ ။ ဖားကန့်မြို့နယ် ရဲစခန်းမှူး ဦးဝင်းဇော်ဦးအား ဆက်သွယ်လို့မရခဲ့သဖြင့် ဖားကန့်မြို့နယ် ရဲစခန်းသို့ ဆက်သွယ်မေးမြန်းရာတွင် “ ဒီကိစ္စတွေက ကျနော်တို့ အနေဖြင့် မသိရှိရ
” ဟုဖြေဆိုခဲ့ပါသည် ။

ယခုဇာတ်ပွဲနှင့် လောင်းကစားများ ပြုလုပ်လျှက်ရှိသည့် မှော်ပုံကျေးရွာသည် ရေမဆေးကျောက်ရှာဖွေသူ အများအပြားနေထိုင်သောကြောင့် ရာဇဝတ်မှုများ ဖြစ်ပေါ်လာမည်ကို လုံးခင်းကျေးရွာ ရပ်မိရပ်ဖများက စိုးရိမ်နေကြသည်ဟုလည်း သိရပါသည် ။ ဇာတ်ပွဲ ကန်ထရိုက်များသည် ခံဝန်ဂတိ ထိုးထားသည့်အတိုင်း ပွဲကိုမကျင်းပပဲ စာချုပ်ပါ ဂတိများကို ချိုးဖောက်နေသည်ဟု လုံးခင်းကျေးရွာ ဥက္ကဌမှ ပြောပါသည် ။ “ ကျနော်တို့ ရုံးမှာ ပွဲကတာနဲ့ ပတ်သက်ပြီး ခံဝန် ဂတိလက်မှတ် လာထိုးတော့ ပွဲခင်းမှာ လောင်းကစားဝိုင်း လုံးဝ ( လုံးဝ ) မထည့်ပါဘူးဆိုပြီး လက်မှတ်ထိုးထားတာပါ ။ခုက ခံဝန်ဂတိကို ချိုးဖောက်နေပြီ ” လုံးခင်းကျေးရွာအုပ်စု ဥက္ကဌ ဦးလှအောင်က ပြောပါသည် ။

ဖားကန့်ဒေသနေ ပြည်သူများနှင့်လုံးခင်းကျေးရွာရှိ ရပ်မိရပ်ဖများက မူးယစ်ဆေးဝါးများ ပေါများနေသည့်အတွက် စိတ်ဒုက္ခရောက်နေကြရပြီး ယခုကဲ့သို့ ဇာတ်ပွဲများတွင် လောင်းကစားဝိုင်းများ ထည့်သွင်း ကျင်းပခြင်းကြောင့် ရာဇဝတ်မှုများ ထူပြောလာနိုင်ပြီး တပူပေါ် နှစ်ပူဆင့်ကာ စိတ်သောက ရောက်နေကြရပါသည် ။ ပြည်သူများက မဲပေးရွေးချယ်တင်မြှောက်ထားသော ပြည်သူ့လွှတ်တော် ကိုယ်စားလှယ် ကိုယ်တိုင် လောင်းကစားများကို ဖမ်းဆီးအရေးယူပေးဘို့ ပြောဆိုနေသည့်ကြားက ပွဲခင်းထဲမှ ကြက် ကွေး ကျား လောင်းကစားခုံများ လွှတ်တော်ကိုယ်စားလှယ်ကြီး၏ နေအိမ် နှင့် နီးသထက် နီးလာနေသည်မှာ မထီမဲ့မြင် ပြုရာ ကျနေပါသည် ။ ဤပြဿနာသည် ပြည်ထဲရေး နှင့် လွှတ်တော်ကြား အပြန်အလှန် ထိန်းကြောင်းခြင်း အကြောင်းတရားကို ထိခိုက်လာနိုင်မည်လား ဆိုတာ စဉ်းစားစရာ ဖြစ်နေပါတော့သည် ။

စကားချပ် ။ ခြောက်ကောင် လောင်းကစား တစ်ခုံလျှင် နေရာခ တစ်ည တစ်သိန်းပေးရပါသည် ။ အလုပ် လုပ်သော မိန်းကလေးငယ် တစ်ဦးလျှင် အနည်းဆုံး ခုနှစ်ထောင်မှ တသောင်း ကျပ်ထိ ပေးရသည် ။ တစ်ခုံလျှင် မိန်းကလေး သုံးဦး အနည်းဆုံးထားရသည် ။ ခြောက်ကောင်ခုံ တစ်ခု၏ တစ်ည ကုန်ကျစရိတ်သည် တစ်သိန်း သုံးသောင်းခန့်ရှိသည်ဟု သိရသည် ။ ခုံပေါင်း (၅၀ ) ဆိုလျှင် သိန်းပေါင်း ခြောက်ဆယ့်ငါးသိန်း ကျမည် ။တစ်ည၏ ကုန်ကျစရိတ်ဖြစ်သည် ။ ဆယ်ည ဆိုလျှင် သိန်းပေါင်း ခြောရာ့ငါ့ဆယ် ။ ထိုငွေများကို ဘယ်ကရမည်နည်း ။ ပွဲခင်းလာသော ပြည်သူ ရေမဆေးများက ပေးကြရမည့် သဘောပင် မဟုတ်ပါလော ။ ပျော်ရွှင်စရာ ဇာတ်ပွဲသည် ပြည်သူတွေ ဒုနဲ့ မျက်ရည်သုတ် ကျန်ခဲ့ပြီး စီးပွားရေးသမား ဇာတ်ကန်ထရိုက်ကြီးများသာ ငွေထုတ်ပိုက် အိမ်ပြန်မည် ဖြစ်ပါသည် ။
ဇော်မိုးထက် ( ဖားကန့် )
https://www.facebook.com/zawmoehetet.zawmoe/posts/1450316871749810