Latest News

Saturday, September 23, 2017

ကလေးငယ်များအား ဘောင်းဘီချွတ်၍ အပြစ်ပေးခဲ့သည့် ဆရာမအား စတင် စစ်ဆေးနေပြီ

ကလေးငယ်များအား ဘောင်းဘီချွတ်၍ အပြစ်ပေးခဲ့သည့် ဆရာမအား စတင် စစ်ဆေးနေပြီ

ရန်ကုန်၊ စက်တင်ဘာလ ၂၃ ။           ။ လူမှုကွန်ရက် စာမျက်နှာတွင် ပျံ့နှံ့နေသည့် ပဲခူးတိုင်း ဒေသကြီး၊ တောင်ငူခရိုင်၊ ရေတာရှည်မြို့နယ်၊ ကူးတို့ ဆိပ်ကျောင်း၊ ဒုတိယတန်း ကျောင်းသူ၊   ကျောင်းသား လေးများအား ဘောင်းဘီချွတ် အပြစ် ပေးခဲ့သော ဆရာမ အား ခရိုင် ပညာရေးမှူး ဦးဆောင်ပြီး ဘုတ်အဖွဲ့ ဖွဲ့ကာ ယနေ့ စတင် စစ်ဆေးနေပြီ ဖြစ်သည်။

စက်တင်ဘာလ ၂၁ ရက်နေ့က တောင်ငူခရိုင်၊ ရေတာရှည်မြို့နယ်၊ ကူးတို့ဆိပ်ကျောင်း၊ ဒုတိယတန်းတွင် ကျောင်းသူ၊ ကျောင်းသားလေး များအား စာကျက်မလာ၍ ဆိုကာ ဆရာမက စာသင်ခန်းရှေ့တွင် ဘောင်း ဘီချွတ် အပြစ်ပေးခဲ့ခြင်း ဖြစ်ပွားခဲ့သည်။

“ ကိုယ်ကတော့ မနက်ကတော့ ဘုတ်အဖွဲ့ကိုလည်း ဒါကို ပြတ်ပြတ် သားသား မှန်မှန် ကန်ကန် စစ်ပေးဖို့ သွား ပြောခဲ့ပြီ။ ကိုယ်တို့ အနေနဲ့ကတော့ လုံးဝ လက်မခံနိုင်ဘူး ။ အခြေအနေက မနက်က အဲ့ဒီ ဆရာမ ကို မေးတဲ့ အခါ ကျတော့ သူအတန်းထဲ ရောက်တော့ စာကျက် ခိုင်းထားတာ မကျက်ဘူးတဲ့။ စာရဘူး ပေါ့ကွယ် ရှင်းရှင်း ပြောရရင်တော့။ အဲ့ဒီတော့ သူက အဲ့ဒီ အပြစ်ကို ပေးတယ်ပေါ့။ ဒီတော့ နိုင်ငံတော်က အဲ့ဒီလို လုပ်ခိုင်းလား ဆိုတော့ သူက ကြောင်ငမ်ငမ်း လုပ်နေရော” ဟု ရေတာရှည်မြို့နယ်၊ တိုင်းဒေသကြီး လွှတ်တော် ကိုယ်စားလှယ် ဒေါက်တာ ကျော်ကျော်က မဇ္ဈိမသို့ ပြောသည်။

ယမန်နေ့ စက်တင်ဘာလ ၂၂ ရက် ညပိုင်းမှ စတင်ကာ အဆိုပါ အပြစ်ပေးနေသော ပုံများသည်  အွန်လိုင်း စာမျက်နှာ များတွင် ပျံ့နှံ့လာပြီး လူအများက ဝေဖန်ခဲ့ကြသည်။

ယင်းဖြစ်ရပ်သည် လူ့ဂုဏ်သိက္ခာကို ညှိုးနွမ်းစေပြီး မဖြစ်သင့်သော ကိစ္စဟု တိုင်းဒေသကြီး လွှတ်တော် ကိုယ်စားလှယ် ဒေါက်တာ ကျော်ကျော်က ဆိုသည်။

“ ဒါက လူ့ဂုဏ်သိက္ခာကို ညှိုးနွမ်းစေတဲ့ အပိုင်း ဖြစ်သွားပြီလေ။ အဲ့ဒါမျိုးကို ဆရာမ တို့ကို ပညာရေး ဌာနက သင်ပေးထားလားလို့ မေးလိုက်တယ်။ ခရိုင် ပညာရေးမှူး ကတော့ ဒီလိုအပြစ် ပေးတဲ့ ကိစ္စကို တော်တော်လေးကို ဒေါသဖြစ်နေတယ်။ ဒီကိစ္စနဲ့ ပတ်သက်ပြီး။ ဒါကြီးကတော့ မဖြစ်သင့် မဖြစ် ထိုက်တဲ့ ကိစ္စကြီး ဖြစ်သွားတာပဲ လေ။ ပြီးတော့ ကိုယ်တွေ မြို့နယ်မှာ လာဖြစ်တယ် ဆိုတော့ ကြားလို့လဲ မကောင်းဘူးလေ။ ဒါကြောင့် ပြတ်ပြတ် သားသား၊ မှန်မှန် ကန်ကန် ဆောင်ရွက်ပေးဖို့ ကိုယ်ကတော့ ပြောခဲ့တယ်” ဟု ဒေါက်တာ ကျော်ကျော်က ဖြစ်စဉ်ကို ပြောသည်။

လက်ရှိတွင် အဆိုပါ ကလေးငယ်များကို ဘောင်းဘီချွတ် အပြစ်ပေးခဲ့သည့် ဆရာမအား တောင်ငူခရိုင် ပညာရေးမှူး ဦးဆောင်ပြီး မြို့နယ် ပညာရေးမှူး၊ လက်ထောက် ပညာရေးမှူး၊ ရေတာရှည်မြို့ပေါ်မှ ကျောင်းအုပ်ကြီး များနှင့် ယင်းကျောင်းမှ ကျောင်းအုပ်ကြီးတို့ ပါဝင်သော ဘုတ်အဖွဲ့ ဖွဲ့ကာ ယနေ့ စက်တင်ဘာလ ၂၃ ရက်တွင် စစ်ဆေးနေခြင်း ဖြစ်သည်။

Mizzima

No comments:

Post a Comment

Blog Archive