ပြည်သူ့အတွက် YBS - ဆောင်းပါး

ပြည်သူ့အတွက် YBS - ဆောင်းပါး

ရန်ကုန်တိုင်းဒေသကြီးအစိုးရအဖွဲ့၏ လမ်းညွှန်မှုဖြင့် ၂ဝ၁၇ ခုနှစ် ဇန်နဝါရီ ၁၆ ရက်နေ့မှစပြီး မော်တော်ယာဉ် လိုင်းပေါင်းစုံထိန်းသိမ်းရေးကော်မတီ (မထသ) ကို ဖျက်သိမ်းပြီး အများပိုင်ယာဉ်လိုင်း (YBS)များ စတင် ပြေးဆွဲခြင်းကို အကောင်အထည်ဖော်ဆောင်ရွက်ခဲ့ပေသည်။

ယာဉ်မောင်းနှင့် ယာဉ်နောက်လိုက်များ၏ ချိုသာသောစကား၊ နွေးထွေးစွာ ကြိုဆိုခေါ်ယူခြင်းများ၊ အချို့ကားများတွင်ယာဉ်နောက်လိုက်မပါဘဲ ယာဉ်မောင်း တစ်ဦးတည်းကသာ ယာဉ်မောင်းတာဝန်နှင့် ယာဉ်နောက်လိုက် တာဝန်ကိုပါပူးတွဲ တာဝန်ထမ်းဆောင်နေသည် ''ကားခလေးတွေ ပုံးထဲထည့်ခဲ့ကြပါ၊ ဆင်းမည့် မှတ်တိုင် ကြိုပြီးဘဲလ် နှိပ်ပေးကြပါ၊ ကျေးဇူးတင်ပါတယ်'' ဟူသော ယာဉ်မောင်း၏ ချိုသာစွာပြောဆိုလိုက်သည့် စကားကြောင့်ခရီးသည်များ စိတ်ချမ်းသာခဲ့ကြရသည်။

ယာဉ်နောက်လိုက်ပါသည့် ကားများတွင်လည်းတူ ညီသော ဝတ်စုံလည်ကတုံးအင်္ကျီဖြူ၊ လုံချည်ဆင်တူတို့ဖြင့် သပ်ရပ်ခံ့ညားစွာကြည့်ကောင်းနေသည်။ ခရီးသည် များကိုလည်း အတင်းဆွဲတင်၊ ဆွဲချခြင်းများမရှိတော့၊ အားလုံးပြောင်းလဲကုန်ပြီဖြစ်သည်၊ ပြောင်းလဲချိန်တန်ပြီ ဆိုသည်နှင့်အညီ ပြောင်းလဲလာသဖြင့် ဝမ်းသာပီတိဖြစ် ခဲ့ရသည်။ သို့ကြောင့်လည်း ပြည်သူတွေအားကိုးရသည့် ပြည်သူ့အတွက် YBS ဖြစ်လာရသည်။

အဆိုပါကားများကိုစီးရသည်မှာ ခရီးသွားပြည်သူ များအဖို့ စိတ်ချမ်းသာနေကြသည်။ အထူးသဖြင့် ဆူးလေ- ထောက်ကြံ့ပြေးဆွဲနေသော ယခင် BRT ယခု YBS ယာဉ်လိုင်းသည် ရန်ကုန်(ဆူးလေ) ထောက်ကြံ့ခရီးစဉ်ကို ခရီးမိုင်ဝေးသော်လည်း Air Con ပါသည့်အပြင်ကားခ ငွေကျပ် ၂ဝဝ သာပေးစီးရသော ယာဉ်လိုင်းတစ်လိုင်းဟုဆိုရပေမည်။ ထို့အပြင် ပုဇွန်တောင်လမ်း (၅ဝ) မှတ်တိုင်မှ မော်တင်ဂိတ်ထိ စီးခဲ့ရသောအမှတ် (၅၈) YBS သည်လည်း ယာဉ်စီးခ ငွေကျပ် ၁ဝဝ သာပေးစီးရသဖြင့် သွားပျော်၊ လာပျော်သော ခရီးစဉ်တစ်ခုလည်းဖြစ်ပေသည်။

YBS ယာဉ်လိုင်းများ ယာဉ်စီးခကောက်ခံရာတွင် ခရီးစဉ်အပိုင်းအလိုက် ယာဉ်စီးခများကို ငွေကျပ် ၁ဝဝ ဂိတ်ဆုံး ငွေကျပ် ၂ဝဝ ဖြင့်သာ ကောက်ခံသင့်ပေသည်၊ ယခင်က ငွေကျပ် ၅ဝ ပေးစီးရသော ခရီးစဉ်များတစ်စတစ် စပျောက်ကွယ်သွားခဲ့သည်ကို ခရီးသွားပြည်သူများ အနေဖြင့် မပြောလိုတော့သော်လည်း ခရီးစဉ်အနီးအဝေး ကိုလိုက်၍ ယာဉ်စီးခကောက်ခံသွားမည်ဆိုပါက ခရီးသွားပြည်သူများ ကျေနပ်ကြမည်မှာ အမှန်ပင်ဖြစ်သည်။ ယာဉ်စီးခနှုန်းထားများကို ခရီးစဉ်အပိုင်းလိုက် မော်တော်ယာဉ်များပေါ်တွင် ချိတ်ဆွဲပြသထားမည်ဆိုပါက  ခရီးသွားပြည်သူများက  မိမိတို့ YBS  အပေါ် ယုံကြည်မှုများရှိလာကြမည်။ စီးချင်လာကြမည်ဖြစ်သည်။ ထို့အပြင် လက်ရှိပြေးဆွဲနေသော YBS  ယာဉ် အချို့အဘယ့်ကြောင့် လုမောင်း၊ ကျော်တက်နေကြရသည်ကို ပြန်လည်စိစစ်အဖြေရှာဖို့လိုပေသည်။

ရန်ကုန်တိုင်းဒေသကြီးအစိုးရအဖွဲ့၏စီစဉ်မှုဖြင့် တရုတ်နိုင်ငံရှိ Yulong နှင့် Am kai ကားကုမ္ပဏီတို့မှ ဝယ်ယူထားသည့်ဘတ်စ်ကားအစီး ၁ဝဝဝ လည်း ရန်ကုန်မြို့သို့ ရောက်ရှိနေပြီး ပုဂ္ဂလိက ကုမ္ပဏီဖြစ်သော Omni Focus ကုမ္ပဏီမှဝယ်ယူထားသော အစီး ၁ဝဝဝ အနက် အစီး ၄ဝဝ လည်းရန်ကုန်မြို့ကို ရောက်ရှိနေပြီ ဖြစ်၍ ယာဉ်စီးရေလိုအပ်ချက်ဖြစ်ပေါ်နေသော YBS ဘတ်စ်ကားသယ်ယူပို့ဆောင်ရေးစနစ်တွင် အမြန်ဆုံး ဖြည့်ဆည်းဆောင်ရွက်ပေးရန် ရန်ကုန်တိုင်းဒေသကြီး သယ်ယူပို့ဆောင်ရေးကြီးကြပ်ကွပ်ကဲရေး အာဏာပိုင် အဖွဲ့များက ဆောင်ရွက်နေကြပြီဖြစ်သည်။ ထို့အပြင် Power Eleven အများပိုင်ဘတ်စ်ကား ကုမ္ပဏီကလည်း YBS ယာဉ်လိုင်း(၂၁) တွင် ယာဉ်ဟောင်း (၇၁)စီးဖြင့် ပြေးဆွဲနေရာမှ  ယာဉ်သစ်များဖြင့် ဆောင်ရွက်နေပြီဖြစ်သည်။

ယခုအခါပြည်ပမှ တင်သွင်းလာသော Foton ဘတ်စ်ကားသစ်များဖြင့် YBS (၈၃) ယာဉ်လိုင်းသစ်များဖြင့် လှိုင်သာယာမြို့နယ် ဒဂုံဧရာအဝေးပြေးမှ ဘုရင့်နောင် လမ်းဆုံ၊ သမိုင်း၊ ရှစ်မိုင်ယင်းမှတစ်ဆင့် ဧရာဝဏ်လမ်း၊ ဒဂုံမြို့သစ် ဆိပ်ကမ်းမြို့နယ်များသို့ ပြေးဆွဲပေးနေသည့် အပြင် ယာဉ်လိုင်းအမှတ်(၅၆)နှင့် ယာဉ်လိုင်းအမှတ်(၂ဝ)တို့တွင်လည်း Foton ဘတ်စ်ကားသစ်များ ပြေးဆွဲပေးနေသဖြင့်ခရီးသွား ပြည်သူများသွားလာရေး အဆင်ပြေနေသည်ကို တွေ့နေရပေသည်။

နောက်ပိုင်းတွင် မြို့တွင်းပြေးဆွဲနေသော မီနီဘတ်စ်ယာဉ်လိုင်းများနေရာတွင် စီးတီးဘတ်စ်ယာဉ်ကြီးများဖြင့် ပြေးဆွဲပေးသွားမည်ဖြစ်သဖြင့် အနာဂတ်ရန်ကုန်မြို့ပြ သယ်ယူပို့ဆောင်ရေးကဏ္ဍသည် တိုးတက်ပြောင်းလဲလာ တော့မည်ဖြစ်သည်။

စာရေးသူအလုပ်ကိစ္စတစ်ခုဖြင့် ရွှေဂုံတိုင်မှ ကြည့်မြင် တိုင်သို့ YBS (၂ဝ)ဘတ်စ်ကားစီး၍ သွားခဲ့ရာယာဉ် နောက်လိုက်မပါဘဲယာဉ်မောင်းတစ်ဦးတည်းသာပါရှိပြီး ခရီးသွားပြည်သူများကိုအသံသွင်းထားသော သာယာနာပျော်ဖွယ်နားဝင်ချိုသံကလေးဖြင့်''ကျေးဇူးပြု၍ နားဆင်ပါရှင် သတ်မှတ်ထားသောနေရာများမှ စောင့်၍ စီးကြပါရန် ယာဉ်ပေါ်တက်ရာတွင် ယာဉ်စီးခများကို အသင့်ဆောင်ထားကြပြီး ကိုယ်တိုင် Cash Box  ပိုက်ဆံ ပုံးထဲသို့ တိတိကျကျ ထည့်ပေးကြပါရှင် မိမိတို့ ဆင်းမည့် မှတ်တိုင်များကိုလည်း ကြိုတင်ဘဲလ်နှိပ်၍ အသိပေးကြပါရန်နှင့် ယာဉ်ပေါ်တွင်ဆေးလိပ်သောက်ခြင်း၊ ကွမ်းတံ တွေးထွေးခြင်းများကိုလည်း မပြုလုပ်ကြပါရန် မေတ္တာ ရပ်ခံအပ်ပါသည်ရှင် ကျေးဇူးတင်ပါသည်ရှင်'' စသည့် အသံ သာသာယာယာအသံကလေးဖြင့်  စပီကာဆောင်း ဘောက်စ်မှ လွှင့်ပေးနေသည်ကိုလည်း ကြားခဲ့ရသဖြင့် စာရေးသူ အပါအဝင် ခရီးသွားပြည်သူများက ကျေနပ် အားရမိနေပါတော့သည်။

စပယ်ယာမပါသော်လည်း ခရီးသွားပြည်သူ  အချင်းချင်းကိုယ်ချင်းစာနားလည် သဘောပေါက်ကြကာ  ရှေ့ပေါက်မှ   တက်ကာ နောက်ပေါက်မှဆင်းခြင်း ယာဉ်စီးခများကိုလည်း တိကျ မှန်ကန်စွာတုံ့ပြန်စေတနာမှန်ဖြင့် ထည့်ဝင်ကာ စီးကြမည်ဆိုလျှင် YBS ယာဉ်များစီးရခြင်းသည် ခရီးသွားပြည်သူတွေ အတွက်စီးပျော်သွားပျော်ကောင်းသည့် ပို့ဆောင်ရေးလိုင်းများဖြစ်လာပေမည်။

သို့ပါ၍ရန်ကုန်မြို့တော်ကြီးအတွင်း ခရီးသွားပြည် သူအပေါင်းနှင့် ဝန်ထမ်းများနေ့စဉ် ရုံးသွား/ရုံးပြန် အဆင်ပြေစေရန်အတွက် ရန်ကုန်တိုင်းဒေသကြီးအစိုးရ အဖွဲ့မှ  အာဏာပိုင်များနှင့် ရန်ကုန်တိုင်းဒေသကြီး သယ်ယူပို့ဆောင်ရေးကြီးကြပ်ကွပ်ကဲမှု အာဏာပိုင်အဖွဲ့များက ဘက်ပေါင်းစုံမှ လိုအပ်သည်များ ထောက်ပံ့ဖြည့် ဆည်းပေးနေပြီဖြစ်ရာ YBS ယာဉ်လိုင်းအသီးသီးမှ တာဝန်ရှိသူအဆင့်ဆင့်ကအနီးကပ် ကြီးကြပ်မှုပေးကာ ယာဉ်မောင်း၊ ယာဉ်နောက်လိုက်များအားလုံးက YBS  ယာဉ်လိုင်း စတင်ပြေးဆွဲချိန်ကပြုကျင့်ခဲ့သည့် စံနမူနာကောင်း၊ အကျင့်ကောင်းလေးများကိုသာ ဆက်လက် ကျင့်သုံးကာလိုက်နာ ဆောင်ရွက်သွားကြမည်ဆိုလျှင် ''ပြည်သူ့အတွက် YBS'' ဧကန်မုချဖြစ်လာမှာ ဖြစ်ကြောင်း   စေတနာကောင်းဖြင့်ရေးသား    လိုက်ရပါသည်။

အေးသန်း (စိန်တုံးကြီး)
The Mirror Daily