မြဝတီ ဇူလိုင် ၁
ကရင်ပြည်နယ် မြဝတီခရိုင် မြဝတီမြို့နယ်အတွင်း ရှိ ရွှေဆိုင်များအားလုံး ရွှေထည်နှင့်လက်ဝတ် ရတနာဝယ်ယူသူများအတွက် ကျသင့်အခွန်နှင့် ညီမျှသည့် တန်ဖိုးအတိုင်းကပ်နှိပ်ထုတ်ပေးသည့်အစီအစဉ်ကို ယနေ့ ဇူလိုင် ၁ ရက်မှစတင် ဆောင်ရွက်နေပြီဖြစ်ကြောင်း သိရသည်။
''ရွှေထည်ပစ္စည်းဝယ်ယူတဲ့သူတွေကို ဝယ်ယူ မယ့် တန်ဖိုးပေါ်မှာ ကုန်သွယ်ခွန် ၁ ရာခိုင်နှုန်း ကောက်ခံမှာပါ။ အဲ့ဒီ ရွှေထည်မှာ ကျောက်မျက် ရတနာပါဝင်ပါက ကျောက်မျက်ရတနာအတွက် ကုန်သွယ်ခွန် ၅ ရာခိုင်နှုန်း ပေးဆောင်ရမှာပါ''ဟု ရတနာထွန်းဆိုင်ပိုင်ရှင်က ပြောကြားသည်။
ရွှေထည်ဝယ်ယူသူများအနေဖြင့် ရွှေထည် အတွက် ၁ ရာခိုင်နှုန်းကို အဆင်ပြေလက်ခံနိုင် သော်လည်း ကျောက်မျက်ရတနာအတွက် ၅ ရာခိုင်နှုန်းကောက်ခံခြင်းကို လျှော့ချပေးဖို့ လိုလားလျက်ရှိပြီး မြဝတီမြို့နယ်အတွင်း ရွှေဆိုင် ပေါင်း ၃ဝ ခန့်ရှိကြောင်းသိရသည်။ ထိန်လင်းအောင်(ပြန်/ဆက်)
No comments:
Post a Comment