Latest News

Thursday, July 6, 2017

အရက်ဆီများတွင် အစာအိမ်နှင့် ဦးနှောက်ကို ထိခိုက်စေသော ဓာတ်များလွန်ကဲစွာပါဝင်နေဟုဆို

အရက်ဆီများတွင် အစာအိမ်နှင့် ဦးနှောက်ကို ထိခိုက်စေသော ဓာတ်များလွန်ကဲစွာပါဝင်နေဟုဆို

ပြည်တွင်း၌ ရောင်းချနေသော အရက်ဆီများတွင် အစာအိမ်နှင့် ဦးနှောက်ကို ထိခိုက်စေသော ဓာတ်များလွန်ကဲစွာပါဝင်နေသည်ကို စစ်ဆေးတွေ့ရှိသဖြင့် ထိန်းချုပ်မှုများလုပ်ဆောင်မည်ဟု အစားအသောက်နှင့် ဆေးဝါး ကွပ်ကဲရေးဦးစီးဌာန ညွှန်ကြားရေးမှူးချုပ် ဒေါက်တာသန်းထွဋ်က ပြောသည်။

ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး၏လမ်းညွှန်ချက်ဖြင့် တစ်နိုင်ငံလုံးအတိုင်းအတာဖြင့် ရောင်းချနေသော အရက်အမျိုးအစား ၁၃၀ ကို ယခုနှစ်အတွင်း ဈေးကွက်နမူနာ ကောက်ယူစစ်ဆေးမှုများ ပြုလုပ်ခဲ့သည်။

အဆိုပါအရက်များသည် နိုင်ငံတကာမှ သတ်မှတ်ထားသည့် စံချိန်စံနှုန်းအတိုင်းရှိသော်လည်း အရက်ဆီများသည် Methyl Alcohol နှင့် Fusel Oil သတ်မှတ်ပမာဏထက် များစွာလွန်ကဲနေသည်ကို တွေ့ရှိရ၍ ဈေးကွက်နမူ နာထပ်မံကောက်ယူကာ ဓာတ်ခွဲစစ်ဆေးမည်ဖြစ်သည်။

‘‘အရက်အမျိုးအစား ၁၃၀ မှာ သွားတွေ့တာက နိုင်ငံတကာ လက်ခံတဲ့အတိုင်းပဲရှိတယ်။ တကယ်တမ်းပိုပြီး ပါနေတာက အရက်ဆီတွေမှာ ပိုပြီးတော့ ပါနေတယ်။ အရက်ပြင်းပြင်းသောက်ချင်ရင်တော့ အတိုင်းအဆမရှိ စပ်ပြီးတော့ သောက်ကြတယ်။ ရောင်းကြတယ်။ ဒါကြောင့် အရက်ဆီနဲ့ ပတ်သက်ပြီးတော့ ထိန်းချုပ်မယ်’’ဟု ဒေါက်တာသန်းထွဋ်က ပြောသည်။

Methyl Alcohol နှင့် Fusel Oil လွန်ကဲစွာပါဝင်နေသော အရက်ဆီများကို သောက်သုံးမိပါက အစာအိမ်အနာဖြစ်ခြင်း၊ အစာအိမ်ရောဂါရခြင်း၊ ဦးနှောက်ပျက်စီးခြင်း၊ အသည်းကျွမ်းခြင်း၊ အသည်းပျက်စီးခြင်း စသည့်ရောဂါ များ ဖြစ်ပွားစေနိုင်သည်ဟု ဆိုသည်။

အရက်ဆီ(ချက်အရက်၊ ဘီအီးအရက်)သည် အခြေခံလူတန်းစားများအတွက် အလွယ်တကူ ဝယ်ယူသောက်သုံးနိုင်သော ပြည်တွင်းထုတ်အရက်တစ်မျိုး ဖြစ်သည်။

ယခု တွေ့ရှိချက်များကို သက်ဆိုင်ရာတိုင်းဒေသကြီးနှင့် အစိုးရအဖွဲ့များသို့ ယစ်မျိုးဥပဒေဖြင့် အရေးယူနိုင်ရန် တင်ပြထားပြီး တိုင်းနှင့် ပြည်နယ်အသီးသီးရှိ အစားအသောက်နှင့် ဆေးဝါးကွပ်ကဲရေးဦးစီးဌာနခွဲများသို့ အကြောင်းကြားကာ ထိန်းချုပ်မှုများ ပြုလုပ်ထားကြောင်း ဒေါက်တာသန်းထွဋ်က ပြောသည်။

မြန်မာနိုင်ငံ၌ လူဦးရေ ၁,၀၀၀ တွင် ၂၃ ဦးသည် အရက်စွဲနေကြောင်း ကမ္ဘာ့ကျန်းမာရေးအဖွဲ့က ပြောဆိုထားပြီး ကမ္ဘာပေါ်တွင် အရက်အလွန်အကျွံ သောက်သုံးမှုနှင့် ပတ်သက်သည့် ပြဿနာကြောင့် နှစ်စဉ် လူပေါင်း ၃ ဒသမ ၃ သန်းခန့် သေဆုံးနေရသည်။ အရက်ကြောင့် သေဆုံးမှုသည် HIV/AIDS ရောဂါ၊ တီဘီရောဂါတို့ဖြင့် သေဆုံးခြင်းထက် ပိုမိုမြင့်မားနေသည်။
7Day News

No comments:

Post a Comment

Blog Archive