Latest News

Wednesday, July 12, 2017

မြစ်ရေကြီးမှုကြောင့် စာသင်ကျောင်း ၁၈ဝ ကျော်ပိတ်ထားရ၊ လူဦးရေ တစ်သောင်းကျော် ရေဘေးဒဏ်ခံနေရ

မြစ်ရေကြီးမှုကြောင့် စာသင်ကျောင်း ၁၈ဝ ကျော်ပိတ်ထားရ၊ လူဦးရေ တစ်သောင်းကျော် ရေဘေးဒဏ်ခံနေရ

ချင်းတွင်းမြစ်ရေ မြင့်တက်မှုကြောင့် စစ်ကိုင်းတိုင်းဒေသကြီးအတွင်း ရေကြီးရေလျှံမှုတွေဖြစ်နေတဲ့ မြို့နယ် ၇ မြို့နယ်က စာသင်ကျောင်း ၁၈ဝ ကျော် ပိတ်ထားရပြီး လူဦးရေ ၁ သောင်း ၁ ထောင်ကျော် ရေဘေးလွတ်ရာကို ပြောင်းရွှေ့နေကြရပါတယ်။

ရေကြီးရေလျှံမှုတွေကြောင့် ခန္တီး၊ ဟုမ္မလင်း၊ ဖောင်းပြင်၊ မော်လိုက်၊ မင်းကင်း၊ ကလေးဝ နဲ့ မုံရွာ စတဲ့မြို့နယ်တွေက ကျောင်းတွေပိတ်ထားရပြီး ပြောင်းရွှေ့ရတဲ့ အိမ်ထောင်စု ၂၅ဝဝ ကျော်သွားပြီလို့ စစ်ကိုင်းတိုင်း ဒေသကြီး၊ ကယ်ဆယ်ရေးနဲ့ပြန်လည်နေရာချထားရေးဦးစီးဌာနမှူး ဦးစ၀ဝလီဖရန့်စ် က ပြောပါတယ်။

" အဲဒီရေကြောင့် ကျောင်းပိတ်ထားတာ၊ ခန္တီး ၁၅ ကျောင်း၊ ဟုမ္မလင်း ၃၆ ကျောင်း၊ ဖောင်းပြင် ၃၃ ကျောင်း၊ မော်လိုက် ၁၅ ကျောင်း၊ မင်းကင်း ၆၂ ကျောင်း၊ ကလေးဝ ၅ ကျောင်း နဲ့ မုံရွာ ၁၅ ကျောင်း လူဦးရေက ၁ သောင်း ၁ ထောင်ကျော်သွားပြီ၊ အိမ်ထောင်စုလည်း ၂၅၀၀ ကျော်ပြီပေါ့။ "

ရေဘေးဒဏ်ခံနေရတဲ့ အဲဒီမြို့နယ် ၇ မြို့နယ်မှာ ကယ်ဆယ်ရေးစခန်း ၅ဝ လောက် ဖွင့်ထားရတယ် လို့လည်း သိရပါတယ်။

ချင်းတွင်းမြစ်ရေ မြင့်တက်လာတာကြောင့် ဇူလိုင် ၆ ရက်ကနေ ဇူလိုင် ၁၁ ရက်နေ့အထိ  လူစီးအမြန် ရေယာဉ်အပါအဝင် ကုန်သယ်ရေယာဉ်တွေကို စစ်ကိုင်းတိုင်းအစိုးရက မောင်းနှင်ခွင့်တွေ ယာယီပိတ်ထားပါတယ်။

ခန္တီးနဲ့ ဟုမ္မလင်းမြို့နယ်တွေမှာ ချင်းတွင်းမြစ်ရေဟာ ပြန်ကျနေပြီဖြစ်ပေမယ့် ဖောင်းပြင်၊ မော်လိုက်၊ ကလေးဝ၊ မင်းကင်း၊ ကနီ နဲ့ မုံရွာမြို့နယ်တွေမှာ စိုးရိမ်ရေမှတ်အထက်မှာ ဆက်လက်တည်ရှိနေ တယ်လို့ မိုးလေဝသနဲ့ ဇလဗေဒ ညွှန်ကြားမှုဦးစီးဌာန က ထုတ်ပြန်ပါတယ်။

မိုးရွာသွန်းမှုအနေနဲ့ မွန်၊ ကရင်၊ တနင်္သာရီ၊ ပဲခူး၊ ဧရာဝတီ၊ ရန်ကုန်၊ မကွေး နဲ့ စစ်ကိုင်း စတဲ့ပြည်နယ်နဲ့ တိုင်းဒေသကြီးတွေ နောက် ၃ ရက်ဆက်တိုက် မိုးကြီးနိုင်တယ်လို့လည်း မိုးလေဝသနဲ့ ဇလဗေဒ ညွှန်ကြားမှုဦးစီးဌာနက သိရပါတယ်။

Photo: Myanmar Fire Services Department Facebook/RFA

No comments:

Post a Comment

Blog Archive