Latest News

Monday, July 10, 2017

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ဂယာမြို့ရှိ သမိုင်းဝင် ဗုဒ္ဓဝင်အထိမ်းအမှတ်နေရာများအား ဖူးမြော်

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်
ဂယာမြို့ရှိ သမိုင်းဝင် ဗုဒ္ဓဝင်အထိမ်းအမှတ်နေရာများအား ဖူးမြော်

နေပြည်တော် ဇူလိုင် ၉

အိန္ဒိယသမ္မတနိုင်ငံ ဂယာမြို့၌ ချစ်ကြည်ရေးခရီးရောက်ရှိနေသည့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဇနီးဒေါ်ကြူကြူလှနှင့် အဖွဲ့ဝင်များသည် ဇူလိုင် ၈ ရက် မွန်းလွဲပိုင်းတွင် ဂယာမြို့အတွင်းရှိ ဗုဒ္ဓမြတ်စွာဘုရားရှင်၏ အထိမ်းအမှတ်နေရာများ၊ ဘုရားကျောင်းဆောင်များနှင့် စေတီတော်များအား လှည့်လည် ဖူးမြော်ကြည်ညိုကြသည်။

ယနေ့နံနက်ပိုင်းတွင် တပ်မတော်ကာကွယ်ရေးဦးစီးချုပ်နှင့် ဇနီးသည်  ဂယာမြို့ရှိ ဂျပန်နိုင်ငံမှ တည်ထား ကိုးကွယ်သော ဂျပန်ဘုရားကြီးသို့ သွားရောက်ဖူးမြော်ကြည်ညိုကြသည်။

တပ်မတော်ကာကွယ်ရေးဦးစီးချုပ်နှင့်အဖွဲ့သည် မွန်းလွဲပိုင်းတွင် ဂယာမြို့မှ အာမက်ဒါဘတ်မြို့သို့ အိန္ဒိယ တပ်မတော်အထူးလေယာဉ်ဖြင့် ဆက်လက်ထွက်ခွာကြပြီး ဒေသစံတော်ချိန် ညနေ ၄ နာရီ ၁၅ မိနစ်တွင် အာမက်ဒါဘတ်မြို့လေဆိပ်သို့ ရောက်ရှိကြရာ လေဆိပ်တွင် အမှတ်(၁၁)တပ်မမှူး Maj. Gen. ANIL PURI နှင့်ဇနီး၊ တာဝန်ရှိသူများက ကြိုဆိုနှုတ်ဆက်ကြကြောင်း သတင်းရရှိသည်။                                    

(သတင်းစဉ်)

No comments:

Post a Comment