Latest News

Monday, July 3, 2017

တရားမဝင် အလုပ်သမားတွေ ခြောက်သောင်းကျော် ဌာနေပြန်

တရားမဝင် အလုပ်သမားတွေ ခြောက်သောင်းကျော် ဌာနေပြန်

ထိုင်းနိုင်ငံမှာ တရားမဝင် နိင်ငံခြားသား အလုပ်သမားတွေကို တင်းကြပ်စွာ အရေးယူသွားမယ်လို့ အစိုးရက ကြေညာထားတာကြောင့် အခုသီတင်းပတ်အတွင်း အိမ်နီးချင်းနိုင်ငံတွေက အလုပ်သမားတွေ ခြောက်သောင်းကျော် ထွက်ခွာခဲ့တယ်လို့ ရိုက်တာသတင်းဌာနက ဖေါ်ပြထားပါတယ်။

အဲဒီလို ပြန်ကြတဲ့အထဲမှာ မြန်မာတွေ အများဆုံးဖြစ်ပြီး မဲဆောက်မြို့က ပြန်သူချည်းပဲ သောင်းဂဏန်းရှိတဲ့အပြင် တခြားနယ်စပ်ဝင်ပေါက်တွေက ပြန်သွားသူတွေလဲ အများအပြားရှိတယ်လို့ ထိုင်း လူဝင်မှုကြီးကြပ်ရေးအရာရှိတစ်ဦးက ပြောပါတယ်။

ကမ္ဘောဒီးယားစစ်တပ် နယ်စပ်ရေးရာ အကြီးအကဲတစ်ယောက်ကလည်း ပြီးခဲ့တဲ့ သီတင်းပတ်မှာ အလုပ်သမား ၅၀၀ ကျော် ဌာနေပြန်လာတယ်လို့ ပြောပါတယ်။

မြန်မာ၊ ကမ္ဘောဒီးယားနဲ့ လာအိုနိုင်ငံတို့က အလုပ်သမားတွေ အခုလို အစုအပြုံလိုက် ပြန်ကြတဲ့အတွက် ထိုင်းနိုင်ငံ ဆောက်လုပ်ရေးနဲ့ ငါးဖမ်းလုပ်ငန်း ရေထွက်ပစ္စည်း ထုတ်လုပ်ရေးလုပ်ငန်းတွေမှာ အများအပြား ထိခိုက်နစ်နာမှုတွေ ရှိမယ်လို့လည်း ထိုင်းစီးပွားရေး လုပ်ငန်းရှင်တွေက ပြောပါတယ်။

 Photo: Kyaw Lwin Oo/ RFA

No comments:

Post a Comment