အလုပ်ကမ်းလှမ်းမှုများကို ချိန်ဆခြင်း
အလုပ်ကို လက်ခံရရှိကြောင်းစာ လက်ခံမရရှိသရွေ့ ဘာတစ်ခုမှ မလှုပ်ရှားပါနဲ့ဦး။ ဥပမာ အလုပ်ထွက်တော့မယ်ဆိုပြီး လက်ရှိလုပ်နေတဲ့ရုံးမှာ ကြော်ငြာတာမျိုးပါ။
စာလုံးသေးသေးလေးတွေကို ဖတ်ပါ
အလုပ်ကမ်းလှမ်းမှုတွေဟာ များသောအားဖြင့် အသေးစိတ်ကျပြီး အလုပ်အကြောင်းဖော်ပြချက်၊ အလုပ်ခန့်ထားခြင်း စံနမူနာသတ်မှတ်ချက်၊ ပင်စင်နဲ့ ကုမဏီကားလိုမျိုး ခံစားခွင့်တွေအကြောင်းကို သက်ဆိုင်ရာ စာရွက်စာတမ်းတွေနဲ့ ဖော်ပြလေ့ရှိပါတယ်။ အဲသည်စာရွက်စာတမ်းအားလုံးကို သေချာစွာဖတ်ကြည့်ပြီး မှတ်စုတွေ ထုတ်ထားပါ။
ရှင်းရှင်းလင်းလင်းသိချင်တဲ့ အချက်အလက်မှန်သမျှကို မှတ်ထားပါ။
အင်တာဗျူးတုန်းက ကိုယ့်ကိုပြောထားတဲ့ အချက်အလက်တွေနဲ့ ကွဲလွဲတာမှန်သမျှကို မှတ်ထားပါ။
ချန်လှပ်ထားဟန်တူတဲ့ အချက်မှန်သမျှကို မှတ်ထားပါ။
သည်နေရာမှာ အခုလိုလုပ်တာက ဆိုးသွမ်းတဲ့အလုပ်ရှင်တွေထက် အတွေ့အကြုံမရှိတဲ့ အလုပ်ရှင်တွေကိုပါ အသိပေးဖို့ပါ။ အတွေ့အကြုံမရှိတာကြောင့် သူတို့ဟာ ကိုယ့်အတွက် အရေးကြီးတဲ့အချက်တွေကို ချန်လှပ်ခဲ့တာဖြစ်နိုင်ပါတယ်။
လိုအပ်တဲ့ အချက်အလက်အားလုံးကို ရယူပါ
သည်နေရာမှာလည်း ပြောဖို့မလိုပေမဲ့ လိုအပ်တဲ့ အချက်အလက်အားလုံးကို မရမချင်း အလုပ်မှန်သမျှကို လက်မခံပါနဲ့။ ဖြစ်ရပ်အများစုမှာ ကိုယ့်ကိုကမ်းလှမ်းတဲ့သူက ဖုန်းတစ်ခါဆက်ပြီး အလုပ်ခန့် ကြောင်းပြောတာဖြစ်ပါလိမ့်မယ်။ ဒါပေမဲ့ တကယ်အရေးကြီးတဲ့ ဘယ်အချိန်မှာ လစာစရမလဲဆိုတဲ့အချက်တွေကို စာနဲ့ရရှိရင် အကောင်းဆုံးပါပဲ။ အဲသည်လိုလုပ်ဖို့ တွန့်ဆုတ်နေတဲ့ အလုပ်ရှင်မှန်သမျှကို သံသယရှိစရာအဖြစ် ရှုမြင်နိုင်ပါတယ်။
မိမိပစ်မှတ်ထားတဲ့အချက်တွေကို တစ်ခေါက်ပြန်ကြည့်ပါ
ဒါက နောက်ဆုံးအကြိမ် ပြန်လည်စစ်ဆေးခြင်းဖြစ်ပါတယ်။ မိမိကမ်းလှမ်းခံရတာဟာ အလုပ်ဈေးကွက်ထဲမှာ မိမိမျှော်မှန်းခဲ့တဲ့ သတ်မှတ်ချက်တွေနဲ့ ကိုက်ညီရဲ့လား၊ ဒါမှမဟုတ် သိသိသာသာ လျော့ကျနေသလား။ သည်မေးခွန်းတွေကို ကိုယ့်ကိုယ်ကို မေးမြန်းခြင်းဖြင့် အန္တရာယ် ဖြစ်နိုင်တဲ့ အချက်သုံးချက်ကို တွေ့ရပါမယ်။
မိမိဟာ အလုပ်ကို ကြေး (ဂျီး) သိပ်မများတော့ဘဲ လုပ်လိုက်တာ ဖြစ်နိုင်တယ် (ဒါဟာ အလုပ်မရဘဲ အချိန်အကြာကြီး ဝေ့လည်နေသူတွေ ကြုံရတတ်ပါတယ်)။ ကိုယ်တိုင်မသိလိုက်ဘဲ ကိုယ့်မျှော်မှန်းချက်တွေကို လျှော့ချလိုက်တာပါ။
လက်ရှိအလုပ်ထက်သာတဲ့အပိုင်းတွေကို တွေ့တာကြောင့် သည်အလုပ်ဟာ သိပ်ကောင်းတယ်လို့ ထင်မြင်ယူဆမိတာပါ။
ဆွဲဆောင်စည်းရုံးမှုအပေါ် ကိုယ်က လုံးဝကျသွားတာပါ။
ပြီးပြည့်စုံတဲ့အလုပ်လား
ပြီးပြည့်စုံတဲ့ အလုပ်ဆိုတာ မရှိပါဘူး။ ဒါဆိုရင် အလုပ်ကမ်းလှမ်းမှုတွေကို ကြည့်တဲ့အခါ စာအုပ်ကြီးအတိုင်း လုပ်လိုက်တာမျိုးကို ရှောင်နိုင်မယ်။
အရေးမပါတဲ့ အချက်တချို့က ကိုယ့်မျှော်မှန်းချက်နဲ့ မကိုက်ညီတာနဲ့ ကောင်းမွန်တဲ့အလုပ်တွေကို လက်လွှတ်လိုက်တာမျိုးကို ရှောင်နိုင်မယ်။
အကြံပြုချက်
အလုပ်ကမ်းလှမ်းချက်တွေကို အားလုံးခြုံငုံသုံးသပ်ပါ။ ဥပမာ လစာက ကိုယ်မှန်းတာထက် အများကြီးများနေတာဟာ အားလပ်ရက်နည်းနည်းလျော့သွားတာ၊ ဒါမှမဟုတ် ကုမဏီကားသိပ်မကောင်းတာကို ကာမိစေပါတယ်။
ဆွဲဆောင်မှု
အလုပ်ရှင်တချို့က ရှားပါးတဲ့ ဒါမှ မဟုတ် ထူးချွန်ထက်မြက်တဲ့ အရည်အသွေးရှိသူတွေကို အသည်းအသန်လိုချင်တဲ့အတွက် အဲသည်လိုလူတွေကို လက်လွတ်မသွားစေဖို့အတွက် အထူးစည်းရုံးသိမ်းသွင်းတတ်တာကြောင့် သိမ်းသွင်းခံရသူဟာ ငြင်းဆန်ဖို့ခက်ခဲပါတယ်။
ဆွဲဆောင်မှုဟာ လူတွေ မှားယွင်းတဲ့ ခြေလှမ်းလှမ်းဖို့အတွက် အတွေ့ရအများဆုံး အကြောင်းရင်းဖြစ်ပါတယ်။ “ဒါအမှားမှန်း သိပါတယ်၊ ဒါပေမဲ့ စားပွဲပေါ်မှာရှိတဲ့အရာတွေကို မြင်ရတော့ ကျွန်တော်ဘယ်လိုလုပ်ငြင်းနိုင်မှာလဲ˘ လို့ ပြောတတ် ကြပါ တယ်။
ဆွဲဆောင်မှုဟာ ပုံစံအမျိုးမျိုးဖြစ်နိုင်ပါတယ်။ လစာ၊ အကျိုးခံစားခွင့်နဲ့ ငွေပုံကြီးပုံပေးတာတွေအပြင် လူကြီးမင်းတွေရဲ့ အသိအမှတ်ပြုခံရတာတွေလည်း ဖြစ်နိုင်ပါတယ်။
ကမ်းလှမ်းမှုမှန်သမျှ ငြင်းပယ်လို့ရတယ်
မက်လောက်စရာလစာနဲ့ ဖိတ်ဖိတ်တောက်တဲ့ ရုံးကားပေးတဲ့အလုပ်ဟာ ခြောက်လလောက်ပဲခံမယ်ဆိုရင် မတန်ဘူးဆိုတာ ပြောစရာမလိုပါဘူး။ အဲဒါ ကြောင့် ငြင်းဆန်မရနိုင်တဲ့ အခွင့်အရေးတွေပေးနေရင် သတိပြုပါ။ ဒါဆိုရင် ရတ နာပုံဆိုက်တာဖြစ်ပေမဲ့ ကိုယ်နဲ့ညှိနှိုင်းနေ တဲ့အလုပ်ရှင်ဟာ ကိုယ့်ကို သည်အလုပ်ထဲ မဝင်ဝင်အောင် ကျုံးသွင်းနေတာကိုလည်း သတိပြုပါ။ သည်တော့ သတိထားပါ။ အလုပ်ရှာဖွေရာမှာ ဝါဝါမြင်တိုင်း ရွှေမဟုတ်ပါဘူး။
အနှစ်ချုပ်
သည်နေ့ စာဖတ်သူလေ့လာခဲ့တာက အလုပ်တောနက်ဟာ အန္တရာယ်တွေ အ ပြည့်ဖြစ်ပြီး အထူးသဖြင့် သတိမထားရင် ပိုပြီး ဆူးငြောင့်ခလုတ်ကြုံနိုင်ပါတယ်။ စာဖတ်သူတွေ့ကြုံရမယ့်သူတချို့ဟာ အပြင်ပန်းက ဖော်ရွေပမဲ့ အနီးကပ်ပေါင်းကြည့်ရင် အတွင်းစိတ်နဲ့ အပြင်စိတ်ကွာခြားကြောင်း တွေ့ရပါလိမ့်မယ်။
သည်နေ့ စာဖတ်သူက ကိုယ့်ကို အန္တရာယ်ပေးနိုင်သူတွေကို ဘယ်လိုခွဲခြားသိရှိမယ်ဆိုတာ လေ့လာသိရှိရမှာ ဖြစ်ပါတယ်။ ဒါပေမဲ့ တစ်ချိန်တည်းမှာ အင်တာဗျူးညံ့တဲ့၊ ဒါမှမဟုတ် သိချင်တဲ့အချက်အ လက်ကို အပြည့်အဝမပေးနိုင်တဲ့ အလုပ် ရှင်တွေကို ဘေးဖယ်မထားဖို့လည်း လိုပါတယ်။ သူတို့ဟာ အတွေ့အကြုံနည်းပါး လို့၊ ဒါမှမဟုတ် စိတ်ဖိစီးနေလို့ သည်လို ဖြစ်ကြတာဖြစ်နိုင်ပါတယ်။ အလုပ်နဲ့ပတ်သက်တဲ့ အချက်အလက်အပြည့်အစုံမရ တိုင်း သည်အလုပ်ကို မလုပ်သင့်ဘူးလို့ မဆုံးဖြတ်ပါနဲ့။ မေးပါ။
အရေးကြီးဆုံးက သည်နေ့မှာ အလုပ်ပြောင်းရာမှာ စွန့်စားမှုက အမြဲတွဲပါနေတာကြောင့် စွန့်စားရခြင်းရဲ့ ကောင်းကျိုး ဆိုးကျိုးတွေကို ချိန်ဆရမှာဖြစ်ပါတယ်။ တကယ်လို့ ကောင်းကျိုးက ဆိုးကျိုးထက်များနေရင် စိတ်ဒုက္ခခံမနေတော့ဘဲ အလုပ်လက်ခံလွှာကို ပို့လိုက်ပါတော့။
Kumudra
No comments:
Post a Comment