သားသတ်ရုံမှာ အသတ်ခံရတော့မယ့် ဦးခေါင်း ၂ လုံးပါ ထူးဆန်းတဲ့ ဝက်ကလေးတကောင်ကို ကြင်နာတတ်တဲ့ လယ်သမားတဦးက မွေးစားဖို့ရည်ရွယ်ချက်နဲ့ ကယ်တင်ခဲ့ပါတယ်။
ဒီအဖြစ်အပျက်ဟာ တရုတ်နိုင်ငံမှာ ဖြစ်ခဲ့တာဖြစ်ပြီး ဦးခေါင်း ၂ လုံးနဲ့ ထူးဆန်းတဲ့ ဝက်ကလေးဟာ တခြား သူ့ရဲ့ မွေးဘက်တွေနဲ့ သီးခြားဖယ်ထားခံခဲ့ရတာပါ။
ရုပ်သံဗွီဒီယိုဖိုင်ထဲမှာတော့ အဲဒီ ထူးဆန်းတဲ့ဝက်ကလေးဟာ သူ့ဘာသာ လမ်းကောင်းကောင်းလျှောက်နိုင်တာကို တွေ့ရပါတယ်။
ဦးခေါင်း ၂ လုံးနဲ့ ပါးစပ် ၂ ပေါက်ပါရှိတဲ့ ဝက်ကလေးဟာ အစာကောင်းကောင်း စားနိုင်ပြီး ဘယ်ပါးစပ်က စားတယ်ဆိုတာကိုတော့ မသိနိုင်ဘူးလို့ ဆိုပါတယ်။
ဒီဝက်ကလေးဟာ မျိုးဗီဇပြောင်းလဲမှုဆိုင်ရာ ရောဂါတခုကြောင့် ခုလို ဦးခေါင်း ၂ လုံးနဲ့ မွေးဖွားလာခဲ့တာဖြစ်ပြီး အရွယ်ရောက်တဲ့ထိ အသက်ဆက်ရှင်နိုင်မယ်၊ မရှင်နိုင်ဘူး ဆိုတာကိုတော့ ဆရာဝန်တွေက မပြောနိုင်ကြပါဘူး။
ဒါပေမယ့် ကြင်နာတတ်တဲ့ လယ်သမားဟာ ဝက်ပေါက်ကလေးကို နောက်တကြိမ် သားသတ်ရုံကို ရောင်းချတာမျိုး လုပ်မှာမဟုတ်ဘူးလို့ ဆိုပါတယ်။
DVB
No comments:
Post a Comment