ဒေါ်အောင်ဆန်းစုကြည် ရှိနေသရွှေ့ NLD မျှော်လင့်ချက် ရှိတယ်လို့ ဗိုလ်တထောင် အမတ်ပြော
အမျိုးသား
ဒီမိုကရေစီ အဖွဲ့ချုပ် ဥက္ကဋ္ဌ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ရှိနေသရွှေ့ ပြည်သူတွေ အနေဖြင့် NLD အပေါ် မျှော်လင့်ချက် ဆက်ရှိ နေဦးမည် ဟု ဗိုလ်တစ်ထောင်မြို့နယ် ပြည်သူ့လွှတ်တော် ကိုယ်စားလှယ် ဒေါ်မြင့်မြင့်စိုး က ၎င်း၏ အမြင်ကို ပြောကြားလိုက်သည်။
"ကျွန်မတို့ရဲ့ ခေါင်းဆောင် ဒေါ်အောင်ဆန်းစုကြည် ရှိနေသရွှေ့ လူတွေရဲ့ မျှော်လင့်ချက်က NLD ပေါ်မှာပဲ မျှော်လင့်နေတုန်း ရှိပါသေးတယ်" ဟု ဒေါ်မြင့်မြင့်စိုး က ကြားဖြတ် ရွေးကောက်ပွဲ အတွက် ဒဂုံမြို့သစ် (ဆိပ်ကမ်း) မှာ မဲလာရောက် ပေးစဉ် ပြောကြားခဲ့တာ ဖြစ်သည်။
NLD အစိုးရ အနေဖြင့် အစိုးရ သက်တမ်း တစ်နှစ် အတွင်းမှာ ပြည်သူလူထု မျှော်လင့်ထား သကဲ့သို့ အားရ ကျေနပ်မှု မရှိသော်လည်း ပြည်သူများ အနေဖြင့် မျှော်လင့်ချက် ရှိသေးကြောင်း ၎င်းက ဆက်လက် ပြောသည်။
"ကြားဖြတ် ရွေးကောက်ပွဲမှာ NLD အနေနဲ့ အပြတ်သတ်နိုင်ဖို့ အရေးကြီးတယ်။ ဒါမှလည်း လွှတ်တော်ထဲမှာ အင်အားတောင့်မှာ" ဟု ဗိုလ်တစ်ထောင်မြို့နယ် ပြည်သူ့လွှတ်တော် ကိုယ်စားလှယ် ဒေါ်မြင့်မြင့်စိုး က ပြောသည်။
လက်ရှိ ကျင်းပနေသည့် ကြားဖြတ် ရွေးကောက်ပွဲတွင် လစ်လပ် မဲဆန္ဒနယ် ၁၉ နေရာ အတွက် အမျိုးသား ဒီမိုကရေစီ အဖွဲ့ချုပ်က ပြည်သူ့လွှတ်တော် ကိုယ်စားလှယ် ၉ ဦး အမျိုးသား လွှတ်တော် ကိုယ်စားလှယ် ၃ ဦးနှင့် တိုင်းနှင့်ပြည်နယ် အတွက် ၆ ဦး စုစုပေါင်း ၁၈ ဦး ဝင်ရောက်ယှဉ်ပြိုင်နေခြင်း ဖြစ်သည်။ မဇ္ဈိမ
Subscribe to:
Post Comments (Atom)
No comments:
Post a Comment