အမေရိကန် အစိုးရ ကက်ဘိနက် ဝန်ကြီးများသို့ ပေးစာ

အမေရိကန် အစိုးရ ကက်ဘိနက် ဝန်ကြီးများသို့ ပေးစာ

အမေရိကန် ဒီမိုကရေစီစနစ်တွင် ခေါင်းဆောင်ကြီး လမ်းလွဲနေသည်ကို သတင်းစာများက သတိတရား ရအောင် သတိပေး ရေးသားနိုင်ခွင့် ရှိကြပါသည်။ ခေါင်းဆောင်ကြီးကို ဝေဖန် အပုပ်ချထားသည့်တိုင် စာရေးသူတွင် ဥပဒ်အန္တရာယ်ဖြစ်လာရန် မရှိပါ၊ စောင်ရေ သန်းချီ၍ ပုံနှိပ်နေသော သတင်းစာကြီးကို သမ္မတလုပ်သူတွေ့ရ၊ ဖတ်ရမည်မှာ မလွဲပါ။

မတ်လ ၂၃ ရက်ထုတ် နယူးယောက်တိုင်း သတင်းစာကြီးတွင် အမေရိကန်သမ္မတ ဒေါ်နယ်ထရမ့်၏ အစိုးရအဖွဲ့မှ ဝန်ကြီး ငါးဦးသို့ လိပ်မူ၍ ရေးထားသော သောမတ်စ်ဖရီးမင်း (Thomas Friedman) ၏ စာတစ်စောင်ကို ဖတ်လိုက်ရပါသည်။ သူက ကာကွယ်ရေးဝန်ကြီး မားတစ်စ် (Jim Mattis)၊ နိုင်ငံတော် လုံခြုံရေးအရာရှိ မက်မာစတား (McMaster)၊ ပြည်တွင်း လုံခြုံရေးအရာရှိ ပွန်ပီယို (Mike Pompeo)၊ နိုင်ငံခြားရေးရာ ဝန်ကြီး တီလာဆန် (Rex Tillerson) တို့ထံသို့ စာရေးသားထားခြင်း ဖြစ်ပါသည်။

သူ စာရေးလိုက်ရခြင်း အကြောင်းမှာ ထရမ့်အစိုးရအဖွဲ့အတွင်း အထက်မှအောက်ခြေအထိ ပျက်စီး ယိုယွင်းနေခြင်းများကို ကာကွယ် ထိန်းသိမ်းနိုင်ရန် ဖြစ်ပါသည်ဟု ဆိုသည်။ သူ့စာတွင် ယခင် ရီပတ်ဘလီကန် သမ္မတနစ်ဆင် လက်ထက် အစိုးရအဖွဲ့ ပြဿနာ တက်ခဲ့စဉ်က တိုင်းပြည်အရေးသည် ပါတီအရေးထက် အရေးကြီးကြောင်း ကောင်းစွာ သဘောပေါက်ကြသော ပါတီလူကြီးပိုင်းက အမှန်တရားကို ပေါ်ပေါက်စေပြီး သမ္မတကို ရာထူးမှ ဖယ်ရှားပေးခဲ့ကြဖူးပါသည်ဟု အစချီထား၏။

ယနေ့ ပါတီဝင် လူကြီးများ၏ အပြုအမူများမှာ အများ ရိုသေလေးစားခဲ့ကြသည့် ရှေးယခင်များနှင့် မနှိုင်းယှဉ်နိုင်ဘဲ (ခြွင်းချက်အချို့မှတစ်ပါး) စိတ်ဓာတ် ယိုယွင်းပျက်စီးမှုကို ပြသနေကြပါသည်၊ သမ္မတ လုပ်သမျှ ပြောသမျှ အားလုံးကို လက်ခံနေကြပြီး သမ္မတကြီးကို စည်းမျဉ်းစည်းကမ်း ဘောင်မှ မကျော်အောင် ဘယ်သူမျှ အတိုက်အခံ မလုပ်ရဲသကဲ့သို့ ဖြစ်နေပါသည်။

သူတို့၏ သမ္မတကြီးက မစ္စတာ အိုဘားမားသည် သူ၏တယ်လီဖုန်းကို ခိုးပြီး နားထောင်ရန် အမိန့်ပေးခဲ့သည်ဟု စွပ်စွဲခဲ့သည်။ ရက်သတ္တပတ် အနည်းငယ်အတွင်း သူ့စွပ်စွဲချက်မှာ အခြေအမြစ် မရှိကြောင်း ပေါ်ပေါက်ခဲ့သည်။ ထိုကိစ္စကို သည်အတိုင်း လျစ်လျူရှုထား၍ ရသလားဟု ဂုဏ်သရေရှိ တပ်မတော် အရာရှိဟောင်းကြီးများကို မေးလိုက်ပါသည်။ Exxomobil ကုမ္ပဏီ၏ စီအီးအိုဖြစ်ခဲ့ဖူးသူ မစ္စတာ တီလာဆန်ကိုမူ ကော်ပိုရိတ် ခေါင်းဆောင်ကြီးတစ်ဦးက “ယခုလို မဟုတ်မဟတ်တွေ ပြောနေလျှင် ဘယ်လို ဆောင်ရွက်ကြမလဲ”ဟု မေးထားပါသည်။

“ကျုပ်တို့က သေနတ်ပဲ ပစ်တတ်တာပါဟုလည်းကောင်း၊ ကျုပ်တို့က သံတမန်ရေးပဲလေ”ဟုလည်းကောင်း ကိုယ်နှင့်မဆိုင်သလို နေကြတော့မှာလားဟု မေးခွန်းထုတ်ခဲ့ပါသည်။

မစ္စတာထရမ့်က ထိုသို့မဟုတ်မမှန် စွပ်စွဲပြောဆိုခဲ့သည့်တိုင် သူ၏ ပါတီ၊ သူ့သားသမီးများ၊ သမက်ဖြစ်သူနှင့် အကြံပေး ပုဂ္ဂိုလ်ကြီးများက ဘာမှမဖြစ်ခဲ့သလို ဆက်လက် ချီတက်လိုကြပါသည်။ သူခန့်အပ်ခဲ့သော ရှေ့နေချုပ်ကြီးကလည်း ဒီကိစ္စတွေနဲ့ မပတ်သက်လိုပါဟု သူ့ကိုသူ တာဝန်ရှောင် (Recuse) သွားခဲ့ပါပြီ။

သို့ပါ၍ လူကြီးမင်းတို့အား ပန်ကြားလိုသည်မှာ ရာထူးမှ နုတ်ထွက်ကြရန် မဟုတ်ပါ။ တစ်ဦးချင်းဖြစ်စေ၊ အုပ်စုလိုက်ဖြစ်စေ သမ္မတကြီးကို ဤပုံစံဖြင့် ဘာမှမဖြစ်သလို ဆက်နေ၍ မဖြစ်နိုင်ကြောင်း သမ္မတဟောင်း အိုးဘားမားကို လူသိရှင်ကြား တောင်းပန်ရန် လိုအပ်ကြောင်း၊ သမ္မတ၏ အခွန်ဆောင်မှု မှတ်တမ်း (Tax Return) ကို လူသိရှင်ကြား ထုတ်ပြန် ကြေညာရန်လိုကြောင်း၊ အက်ဖ်ဘီအိုင်၏ ရှစ်လကျော်လာပြီဖြစ်သည့် ရုရှားနိုင်ငံ၏ အမေရိကန် ရွေးကောက်ပွဲကာလ အရှုပ်တော်ပုံကို သူသိသမျှ ရှင်းပြရန်လိုကြောင်းတို့ကို တောင်းဆိုကြပါဟု ဆော်ဩလိုက်ပါသည်။

အမေရိကန်သမ္မတ ဖြစ်နေ၍ လိမ်လည်ခြင်း၊ သတင်းထိမ်ချန်ခြင်း၊ မီဒီယာ သတင်းဌာနများကို အပုပ်ချခြင်း၊ အတိုက်အခံများကို သွားပုပ် လေလွင့် ပြောဆိုခြင်းများကို ခွင့်လွှတ်ရမည်ဆိုလျှင် တစ်ကမ္ဘာလုံးရှိ ခေါင်းဆောင်များက အထူးသဖြင့် တူရကီ၊ ရုရှားနိုင်ငံ ခေါင်းဆောင်များက “အမေရိကန် သမ္မတလည်း ဒီလိုလုပ်တာပဲ၊ တို့လည်း လုပ်ပိုင်ခွင့်ရှိတယ်”ဟု ဆိုကြပါလိမ့်မည်။

ဂျာမနီတွင် လွန်ခဲ့သော နိုဝင်ဘာလက ကောက်ယူခဲ့သော စစ်တမ်းတစ်ခုက “အမေရိကန်တို့သည် စိတ်ချရသော မိတ်ဆွေကောင်း ဖြစ်သည်” ဆိုသော မေးခွန်းကို ထောက်ခံသူ ၅၉ ရာခိုင်နှုန်း ရှိခဲ့ရာမှ ယခုနှစ် ဖေဖော်ဝါရီလ အရောက်တွင် ၂၂ ရာခိုင်နှုန်းသာ ရှိတော့သည်ဟု ဆိုပါသည်။

မစ္စတာထရမ့် တက်ရောက်လာချိန်တွင် ကမ္ဘာကြီးမှာ ပြဿနာမရှိ မဟုတ် ပြဿနာတွေ ရှိပါသည်။ သို့ပါသော်လည်း သူ၏ပထမ နှစ်လအတွင်း လုပ်ရပ်များမှာ ထိုပြဿနာများကို ပို၍သာ ရှုပ်ထွေးစေပါသည်။ လူများ အလုပ်လက်မဲ့ ဖြစ်ရခြင်းမှာ စက်ပစ္စည်း ကိရိယာများဖြင့် အစားထိုးလာကြသောကြောင့် ဆိုခြင်းကို မသိကျိုးကျွန်ပြုပြီး နိုင်ငံခြားသားများကြောင့်ဟု ပုံချနေပါသည်။

သားသမီးရှိသော ဖခင်များအနေနှင့် မိမိသားသမီးများက မရိုးမသား လုပ်ခဲ့ပြီး မသိကျိုးကျွန်လုပ်နေလျှင် ဖော်ထုတ် အပြစ်ပေးကြရသည် မဟုတ်ပါလော။ ယခု သမ္မတကြီးက သိက္ခာမဲ့ လုပ်နေခြင်းများကို သူသိအောင် ပြောကြရမည်မှာ လူကြီးမင်းတို့ ငါးဦးကိုသာ မြင်မိပါသည်ဟု စာရေးသူက တောင်းပန်ထားသည်။ စစ်ဗိုလ်ချုပ်ကြီးများမှာ ဝက်စ်ပွိုင့်စစ်တက္ကသိုလ်မှ ရွှေတံဆိပ်ဆု ရခဲ့သူများ ပါဝင်ပြီး စစ်မှုထမ်း လက်မှတ်ကောင်းရဖူးသူတွေချည်း ဖြစ်သည်။ ထိုလူကြီးများကို တိုင်းပြည် အကျိုးစီးပွားအတွက် “ခင်ဗျားတို့ သမ္မတကြီးကို ပြောကြပါ”ဟု ဆော်ဩလိုက်ခြင်းလည်းဖြစ်ပါသည်။

လူကြီးမင်းတို့က ဘာမှမလုပ်လျှင် အမေရိကန် နိုင်ငံအဖို့ ဂုဏ်သိက္ခာ ကျဆင်းရပါလိမ့်မည်။ ကမ္ဘာကြီးကို ဦးဆောင်နေရာမှ အဆင့်လျောကျ သွားရပါလိမ့်မည်။ ဥပဒေစိုးမိုးခြင်း၊ ဒီမိုကရေစီနှင့် လူ့အခွင့်အရေးတို့၏ အဓိပ္ပာယ်သည်လည်း ယုတ်လျော့သွားကြရပါလိမ့်မည်။ အကျိုးဆက်အဖြစ် ကမ္ဘာကြီးမှာ အန္တရာယ် ပိုများလာပါမည်။

အမေရိကန် သမ္မတကြီးများ၏ အကြောင်းမှာ လူကြီးလူကောင်း ပီသသော၊ ဉာဏ်အမြော်အမြင် ကြီးမားသော ပုဂ္ဂိုလ်များ၏ သမိုင်းဖြစ်ပါသည်။ ယခု ၄၅ ယောက်မြောက် သမ္မတကြီးရာထူး လက်ခံယူခဲ့သည်မှာ နှစ်လခန့် ရှိစဉ်အတွင်း သူ၏အပြုအမူနှင့် ချမှတ်လိုက်သော ပေါ်လစီများကို တွေ့မြင်ရသည်မှာ စိုးရိမ်စရာ ကောင်းလှပါသည်။ မစ္စတာထရမ့်၏ အပြုအမူများမှာ ယခင် အမေရိကန် သမ္မတကြီးများ၏ အဆင့်အတန်းကို လိုက်မီရန် လိုအပ်ချက်များစွာ ရှိနေပါသည်။

အာဖရိကတိုက်တွင် အငတ်ဘေးကြုံလျှင်ဖြစ်စေ၊ ဆိုးရွားသော ရောဂါပိုးများ ပြန့်ပွားလျှင်ဖြစ်စေ၊ ကမ္ဘာအရပ်ရပ် မုန်တိုင်း၊ ငလျင်၊ မိုးခေါင်၊ ရေကြီးခြင်း စသည်ဖြင့် ကြီးမားသော ဒုက္ခကပ်ဆိုးကြီးများ ဖြစ်ပေါ်လျှင်ဖြစ်စေ ကုလသမဂ္ဂ အဖွဲ့ကြီးနှင့်အတူ အမေရိကန်တို့၏ အကူအညီကို များစွာ မှီခိုအားထားခဲ့ကြပါသည်။

ကမ္ဘာစစ်အတွင်းက နာဇီဂျာမနီတို့ကိုလည်းကောင်း၊ ဆက်ဒမ် ဟူစိန်က ကူဝိတ်နိုင်ငံကို ဝင်ရောက် သိမ်းပိုက်ခဲ့စဉ်ကလည်းကောင်း ထို အန္တရာယ်များကို ဖယ်ရှားရန် အမေရိကန် နိုင်ငံက ဦးဆောင်ခဲ့ပါသည်။ ဒုတိယ ကမ္ဘာစစ်အပြီး နိုင်ငံအများအပြား စစ်ဒဏ်မှ ပြန်လည် ထူထောင်ရေး လုပ်ငန်းများတွင်လည်း အမေရိကန်၏ အထောက်အပံ့ အကြံဉာဏ်များကို ယူခဲ့ကြရပါသည်။

ဆိုဗီယက်နိုင်ငံ ပြိုကွဲပြီး ဒီမိုကရေစီစနစ်နှင့် ဈေးကွက်စီးပွားရေး စနစ်ကသာ လူအပေါင်း၏ အကျိုးစီးပွားကို ဆောင်ကြဉ်းပေးလိမ့်မည် ဆိုစဉ်ကလည်း အမေရိကန်တို့၏ ဦးဆောင်မှုကို ကမ္ဘာက အသိအမှတ်ပြု ခဲ့ကြပါသည်။

အီရန်၊ မြောက်ကိုရီးယား နိုင်ငံတို့၏ နျူကလီးယားလက်နက် တည်ဆောက်ရေး အစီအစဉ်ကို ရုပ်သိမ်းစေရန် ကြိုးပမ်းမှုများတွင် အမေရိကန်တို့ ပါဝင်ရပါသည်။ ဂျပန်၊ တောင်ကိုရီးယား၊ ထိုင်ဝမ် စသည့် နိုင်ငံများ၏ လုံခြုံရေးကို အမေရိကန်ကပင် တာဝန်ယူခဲ့ပါသည်။ ၎င်းတို့ ကိုယ်တိုင် နျူကလီးယားလက်နက် ထုတ်လုပ်ရန် မလိုအပ်ခဲ့ပါ။ အမေရိကန် ဦးဆောင်သော နေတိုးအဖွဲ့ကြီးက ဥရောပနှင့် အရှေ့အလယ်ပိုင်းဒေသ လုံခြုံရေး၊ ကွန်မြူနစ်များ ဩဇာမကြီးထွားလာရေးတို့ကို လုပ်ဆောင်နိုင်ခဲ့ပါသည်။

အမေရိကန် ဆိုသည်မှာ လွတ်လပ်ခြင်း၊ တရားမျှတခြင်း၊ အခွင့်အရေး ညီတူညီမျှရှိခြင်းတို့၏ စံပြနိုင်ငံ ဖြစ်ခဲ့ပါသည်။ စစ် သို့မဟုတ် မတရား ဖိနှိပ်မှုများကြောင့် ကမ္ဘာအရပ်ရပ်မှ ထွက်ပြေး ရောက်လာရသူများပင် နိုင်ငံရေး ခေါင်းဆောင်များ၊ ကုမ္ပဏီ စီအီးအိုများ ဖြစ်လာခွင့် ရှိခဲ့ပါသည်။ သိပ္ပံ တိုးတက်မှုဖြင့် ကမ္ဘာကြီးတွင် ကုန်ထုတ်လုပ်မှုနှင့် လူ့ယဉ်ကျေးမှုကို ရှေ့သို့ ရောက်အောင် ဦးစီးဦးဆောင်ပြုခဲ့ပါသည်။ ယခု ထိုကောင်းမွန်သော အစဉ်အလာများမှာ ပျက်စီးရတော့မည် အန္တရာယ်ကို မြင်နေကြရပါသည်။

ကျွန်တော်တို့မှာ အခြားနည်းလမ်းများ မမြင်တော့ပါ၍ လူကြီးများက သမ္မတကြီးကို ဝိုင်းဝန်း ပြောပေးကြပါဟု မေတ္တာ ရပ်ခံရခြင်းမှာ လွန်စွာ အရုပ်ဆိုးပါသည်။ အမေရိကန် သမ္မတကြီး၏ဝါဒမှာ လွဲမှားသော အမျိုးသားရေးဝါဒ ဖြစ်ပါသည်။ သူ လွဲမှားနေကြောင်းကို သူမသိရခြင်းမှာ သူ့တွင်သာ တာဝန်ရှိပါသည်။ သို့တစေ သူ့အနီးမှ အကြံပေးသော ဝန်ကြီးများမှာလည်း သူသိရှိအောင် ပြောရန် တာဝန်ရှိပါသည်။

ဤစာကိုဖတ်ရခြင်းဖြင့် ကျွန်တော်တို့အဖို့ သင်ခန်းစာ ယူနိုင်သော အချက်နှစ်ချက်ကို တွေ့မြင်နိုင်ကြပါသည်။ အမေရိကန် ဒီမိုကရေစီစနစ်တွင် ခေါင်းဆောင်ကြီး လမ်းလွဲနေသည်ကို သတင်းစာများက သတိတရား ရအောင် သတိပေး ရေးသားနိုင်ခွင့် ရှိကြပါသည်။ ခေါင်းဆောင်ကြီးကို ဝေဖန် အပုပ်ချထားသည့်တိုင် စာရေးသူတွင် ဥပဒ်အန္တရာယ်ဖြစ်လာရန် မရှိပါ၊ စောင်ရေ သန်းချီ၍ ပုံနှိပ်နေသော သတင်းစာကြီးကို သမ္မတလုပ်သူတွေ့ရ၊ ဖတ်ရမည်မှာ မလွဲပါ။

ဒုတိယအချက်အနေနှင့် ခေါင်းဆောင်ကြီးများ၏ တာဝန်မှာ မိမိ၏ပေါ်လစီနှင့် လုပ်ရပ်များသည် ပြည်သူတို့၏ လိုအပ်ချက်များနှင့် ကိုက်ညီခြင်း ရှိ မရှိ အမြဲဆန်းစစ်နေကြရန် ဖြစ်ပါသည်။ ခေါင်းဆောင်လုပ်သူက ပြည်သူတို့၏ ဆန္ဒအမှန်ကို မသိဘဲ ထင်ရာစိုင်းနေပါလျှင် ပြည်သူလူထုအကြား စိုးရိမ်သောက ဖြစ်ကြရပါသည်။

ခေါင်းဆောင်ဖြစ်လာသည်နှင့် အကြံပေး ပုဂ္ဂိုလ်များပေးသော အကြံဉာဏ်များကို နားထောင် လိုက်နာ ဆောင်ရွက်တတ်ရန်မှာ လူတစ်ဦး၏ အပြုအမူ၊ အကျင်၊့ သီလ၊ စာရိတ္တများနှင့် ဆိုင်ပါသည်။ မှားယွင်းနေမှုကို ပထမ သိမြင်တတ်ရပါမည်၊ မိမိဘာသာ ပြုပြင်တတ်ရပါမည်၊ သို့မဟုတ်ပါက သောမတ်စ် ဖရီးမင်းပြောသလို တစ်ကမ္ဘာလုံး နစ်နာကြရန် ရှိပါသည်။

ကိုသန်းလွင်(The Voice )