မြောက်ကိုရီးယားအနေနဲ့ အမေရိကန်စစ်အခြေစိုက် စခန်းတခုခု ကို တိုက်ခိုက်လာရင်ပဲဖြစ်ဖြစ်၊ တိုက်ချင်းပစ် ဒုံးပျံ စမ်းသပ်ရင်ပဲဖြစ်ဖြစ်၊ စစ်ရေးအရ တုံ့ပြန်ခံရမှာဖြစ်တယ်လို့ အမေရိကန်သမ္မတ ဒေါ်နယ်ထရမ့် ရဲ့ ကုလသမဂ္ဂ ဆိုင်ရာ သံအမတ်ကြီး မစ္စနစ်ကီ ဟာလေ က ပြောကြားလိုက်ပါတယ်။
ရုပ်မြင်သံကြား တွေ့ဆုံမေးမြန်းတဲ့အစီအစဉ် အတော်များများမှာ သူကပြောဆိုခဲ့တာပါ။
ဒါ့ပြင် ဒုံးပျံစမ်းသပ်တာတွေ ဆက်မလုပ်ဖို့ မြောက်ကိုရီးယားကို ဖိအားပေးနေတဲ့ တရုတ်ပြည်ကို ဟာလေ က ချီးကျူးပြောဆိုပြီး၊ မြောက်ကိုရီးယားခေါင်းဆောင် ကင်ဂျုံအီး ကိုတော့ အရာရာကို ယုံမှားသံသယလွန်ကဲပြီး မတည်မငြိမ် ယောက်ယက်ခတ်နေသူ အဖြစ် ပြောဆိုခဲ့ပါတယ်။
အမေရိကန်ဘက်ကအခြေအနေဲ့ပတ်သက်ပြိး NBC ရုပ်သံသတင်းက မေးမြန်းရာမှာတော့ ကင်ဂျုံအီး အနေနဲ့ စစ်အခြေစိုက်စခန်းတခုကို တိုက်ိခိုက်လာတာနဲ့၊ တိုက်ချင်းပစ်ဒုံးပျံတစင်း တက်လာတာတွေ့ရတာနဲ့ ကိုယ့်ဘက် က တုံ့ပြန်မှာပါ လို့ မစ္စ ဟာလေ က ပြောသွားပါတယ်။ RFA
No comments:
Post a Comment