ကိုင်တွယ်ရခက်တဲ့ အာဏာရှင်

ကိုင်တွယ်ရခက်တဲ့ အာဏာရှင်

ခုတစ်လော ကမ္ဘာ့နိုင်ငံရေးမှာ အာဏာရှင်ဝါဒ အကြောင်း တွေ ပြောဆိုရေးသား လာနေကြတာ တွေ့နေရတယ်။

အရင်က အာဏာရှင်ဆိုတာရဲ့ အဓိပ္ပာယ် ဖွင့်ဆိုချက်က ရှင်းတယ်။ ရက်စက်တယ်။ ကြမ်းကြုတ်တယ်။ ရိုင်းစိုင်းတယ်။ ကွန်မြူနစ် အာဏာရှင်၊ ဖက်ဆစ် အာဏာရှင်၊ အမျိုးသားရေး အာဏာရှင် ဒါမျိုး သုံးကြတယ်။ စစ်အေးတိုက်ပွဲ ကာလက ဆိုဗီယက်အုပ်စုကို အာဏာရှင်နိုင်ငံတွေလို့ သုံးနှုန်းကြတယ်။ သံကန့်လန့်ကာပေါ့။ နောက် ၁၉၉၁ ခုနှစ် မှာ ဆိုဗီယက် အုပ်စု ပြိုပျက် သွားတယ်။ သံကန့်လန့် ကာ ကျဆုံးသွား တယ်။

ကမ္ဘာတစ်လွှား ဒီမိုကရေစီ ဝါဒ ထွန်းကားလာတယ်။ နိုင်ငံ ရေး သိပ္ပံပညာရှင် အချို့က အဲဒီလိုကမ္ဘာမှာ အာဏာရှင်ဝါဒ၊ အာဏာပိုင်ဝါဒ ကျဆုံးပြီးနောက် လစ်ဘရယ်ဝါဒ တစ်နည်း ဒီမိုကရေစီ ထွန်းကားတာကို သမိုင်းရဲ့ နိဂုံးဆိုပြီး ကျူးရင့် ကြတယ်။

ကြာကြာမခံပါဘူး။ ဒီမိုကရေစီဝါဒကို ခြိမ်းခြောက်တဲ့ ဘာသာရေး၊ အမျိုးသားရေး အခြေခံတဲ့ အာဏာရှင်အစိုးရ တွေ ခေါင်းထောင်လာတယ်။ အထူးသဖြင့် အရှေ့ အလယ် ပိုင်းလို၊ အာဖဂန်နစ္စတန်လို အစ္စလာမ် နိုင်ငံတွေမှာ ဘာသာ ရေးအပေါ် အခြေခံတဲ့ အမျိုးသားရေး အစွန်းရောက် ဝါဒီတွေ အာဏာရလာတယ်။ သိကြတဲ့အတိုင်းပဲ အဲဒီ အစွန်း ရောက် ဝါဒကို တိုက်ဖျက်ဖို့ဆိုပြီး အနောက်နိုင်ငံတွေက အတိုက်အခံဆိုသူတွေကို ငွေအား၊ လက်နက်အားနဲ့ ပုံအော ကူညီရာက မဆုံးနိုင်တဲ့ အခြားအစွန်းရောက် အဖွဲ့အစည်း တွေ အသွင်အမျိုးမျိုး၊ အမည်အမျိုးမျိုးနဲ့ ပေါ်ထွက်လာပြီး အခုဆို ကမ္ဘာ့ကြောက်စရာ အကောင်းဆုံး ဘာသာရေး အ စွန်းရောက် အဖွဲ့အစည်းဖြစ်တဲ့ IS ဆိုတာ ပေါ်ထွက်လာခဲ့ပြီ။

ဒီဆောင်းပါးမှာ ရေးချင်တာ တာလီဘန်တို့၊ IS တို့ဆိုတဲ့ အကြမ်းဖက် အဖွဲ့အစည်းတွေ အကြောင်း မဟုတ်ဘူးဗျ။ သူတို့က တစ်အား အစွန်းရောက်လွန်းတယ်။ ယဉ်ကျေးတဲ့ကမ္ဘာအနေနဲ့ ဘယ်လိုမှ လက်သင့်ခံလို့ မရဘူး။

ရေးချင်တာက ဒီကနေ့ နိုင်ငံတကာမှာ ဒီမိုကရေစီ အမည်ခံ ပြီး အာဏာရှင်ဆန်ဆန် အုပ်ချုပ် နေတဲ့နိုင်ငံတွေ၊ ဒီမိုကရေစီ တစ်ဝက် တစ်ပိုင်း နိုင်ငံတွေ၊ ဒီမိုကရေစီ ကနေ သွေဖည်တဲ့ နိုင်ငံတွေ များသည်ထက် များလာနေတယ်။ အခြေအနေက စိုးရိမ်စရာ ဖြစ်လာနေပြီ။ ဒီမိုကရေစီစစ်စစ် ကျင့်သုံးရင်ပဲ အစိုးရ တစ်ရပ်က ရေရှည် မခံ တော့ သလိုမျိုး ပြောဆိုနေတာတွေ ရှိတယ်။ အထူးသဖြင့် ဒီလိုစိုးရိမ်မှုမျိုးက သမိုင်း နှစ်ပေါင်း ရာနဲ့ချီပြီး ဒီမိုကရေစီ ရင့်ကျက်နေတဲ့ နိုင်ငံတွေက သိပ် ပြဿနာ မရှိဘူး။ နိုင်ငံအငယ်တွေ၊ ဒီမိုကရေစီ မရင့်ကျက်သေးတဲ့ နိုင်ငံတွေကျတော့ ဒီမိုကရေစီ ကျင့်သုံးရင်းနဲ့ကို အာဏာရှင် ဝါဒဘက်ကို တစ်ပတ်ပြန်လည် သွားတာ တွေ့နေရတယ်။ အိန္ဒိယနိုင်ငံဆို ကမ္ဘာ့အကြီးမားဆုံး ဒီမိုကရေစီ နိုင်ငံကြီးဖြစ်တယ်။ အခု အိန္ဒိယကို အုပ်ချုပ်နေတာ နိုင်ငံလူများစု ကိုးကွယ်တဲ့ ဟိန္ဒူ အမျိုးသားရေးဝါဒီတွေ ကြီးစိုးတဲ့ ပါတီ ဖြစ်တယ်။ အမုန်းစကားတွေ မကြာ မကြာ ပြောတယ်လို့ စွပ်စွဲခံရတဲ့ ပါတီ ဖြစ်တယ်။ သို့သော် ဒီမိုကရေစီဆိုတာရဲ့ အောက်မှာ အာဏာရခဲ့ပြီ။ အထင်ရှားဆုံးကတော့ အမေရိကန် ပြည်ထောင်စုပေါ့။ အခုတက်လာတဲ့ သမ္မတ ဒေါ်နယ်ထရမ့် ကို ဖက်ဆစ် ဝါဒီ၊ အမုန်းစကား ပြောတဲ့သူလို့ ကျယ်ကျယ်ပြန့်ပြန့် စွပ်စွဲကြ တယ်။ သူလည်း ဒီမိုကရေစီ ဆိုတာရဲ့ အောက်မှာ အာဏာ ရ ခဲ့ပြီ။

နိုင်ငံအငယ်တွေဆို ပိုဆိုးတာပေါ့။ အိမ်နီးချင်း ဘင်္ဂလားဒေ့ရှ် နိုင်ငံဆို အခု ဒီမိုကရေစီ ဆိတ်သုဉ်းနေပြီဆိုပြီး ဝေဖန်ကြတယ်။ သို့သော် ပန်းပန်လျက်ပဲ။ ထိုင်းနိုင်ငံဆိုလည်း စစ် တပ်က အာဏာ သိမ်းတယ်။ ဖွဲ့စည်းပုံ အခြေခံ ဥပဒေ စိတ် ကြိုက် ရေးဆွဲတယ်။ စစ်ခေါင်းဆောင်က အရပ်သား အမည် ခံပြီး အာဏာ ဆက်ယူထားတယ်။ အဆင်ပြေနေတာပဲ။ ဒီမိုကရေစီ၊ လူ့အခွင့်အရေး အင်မတန် အလေးထားပါတယ် ဆိုတဲ့ ဥရောပ တိုက်မှာတောင် ပိုလန် နိုင်ငံတို့၊ ဟန်ဂေရီနိုင်ငံတို့မှာ ရွေးကောက်ခံ အစိုးရ တွေကို အာဏာရှင်ဆန်တယ် ဆိုပြီး ဝေဖန်ပြောဆိုတာတွေ ရှိတယ်။

အထူးသဖြင့် ရွှေ့ပြောင်း လူဝင်မှု မူဝါဒတွေနဲ့ ပတ်သက် ရင် ဥရောပ အရှေ့ပိုင်းနိုင်ငံ တွေဟာ ဒီမိုကရေစီ မကျဘူး။ ယဉ်ကျေးတဲ့ ဥရောပ လူ့အဖွဲ့အစည်းကို ကန့်လန့်တိုက် တယ် ဆိုတဲ့အမြင်တွေ ရှိတယ်။ ပိုလန်တို့၊ ဟန်ဂေရီတို့ ကလည်း သူတို့က အာဏာရှင်ဆန်တာ မဟုတ်ဘူး။ အမျိုးသား အကျိုးစီးပွားကို ကာကွယ်စောင့်ရှောက် တာသာဖြစ် တယ်ဆိုတာမျိုး တုံ့ပြန်ကြတယ်။ ဆိုရရင် ဒီကနေ့ ကမ္ဘာမှာ ဒီမိုကရေစီနိုင်ငံတွေ ဆိုတာထက် ဒီမိုကရေစီ အမည် ခံပြီး အမျိုးသား အကျိုးစီးပွား ကာကွယ် စောင့်ရှောက်တဲ့ နိုင်ငံ တွေက အများစုလို ဖြစ်လာနေတယ်။ အတိုက်အခံ တွေကို နည်း အမျိုးမျိုးနဲ့  နှိပ်ကွပ်လာတယ်။ နိုင်ငံသားတွေရဲ့ လွတ်လပ်ခွင့်တွေကို ပိတ်ပင်လာတယ်။ ပျော့ပျော့ပြောင်း ပြောင်း အာဏာရှင် တွေကနေ မာမာကျောကျော အာဏာ ရှင်တွေ ဖြစ်လာနေတယ်။ ဒါကို ကမ္ဘာလုံးဆိုင်ရာ ဒီမိုကရေစီ တစ်နည်း လစ်ဘရယ် ဝါဒကို ခြိမ်းခြောက်မှုလို့ ကျယ်ကျယ် ပြန့်ပြန့် ရှုမြင်ကြ တယ်။

ကောင်းပြီ။ ဒီလိုဆို အခုလို ယဉ်ကျေးတဲ့ လူ့အဖွဲ့အစည်း၊ ယဉ်ကျေးတဲ့ကမ္ဘာကြီးကို ခြိမ်း ခြောက်နေတဲ့ ဒီမိုကရေစီ အသွင်ယူ လစ်ဘရယ် အယောင် ဆောင်တဲ့ အာဏာရှင်ဝါဒကို ဘယ်လို ထိန်းချုပ်ကြမလဲ။ ဘယ်လို တန်ပြန်ကြမလဲ။ ဆိုတော့ အရင်က အာဏာရှင်ဝါဒကို ဘယ်လို တိုက်ဖျက်ခဲ့ ကြသလဲ။

အရင်က အာဏာရှင်ဆိုတာ အရမ်း ထင်ရှားတယ်ဗျ။ အာဏာရှင် ဆိုတဲ့ နိုင်ငံမှာ အတိုက်အခံ ဆိုတာကို ခွင့်မပြုဘူး။ ဘာဆန္ဒပြမှုမှ ခွင့်မပြုဘူး။ အင်တာနက် သုံးစွဲလို့ တင်းကျပ်တယ်။ အများပြည်သူ ပျော်ရွှင်မှု ဆိုတာတောင် တိတိ လင်းလင်း ခွင့်မပြုတတ်ဘူး။ အခု အာဏာရှင်ဆိုတဲ့သူတွေ၊ အာဏာရှင်ဆိုတဲ့ နိုင်ငံတွေက နပ်သွားပြီ။ အကုန်ခွင့်ပြုတယ်။ သူတို့မှာ သူတို့မီဒီယာ ရှိတယ်။ သူတို့ အဖွဲ့အစည်းရှိတယ်။ သူတို့လူတွေ ရှိတယ်။ ဆန္ဒပြလို့ ပစ်မယ်၊ ခတ်မယ်ဆိုတာမျိုးလည်း မလုပ်တော့ဘူး။ တစ်ဖက်က ဆန္ဒပြရင်း ခြေကုန် လက်ပန်း ကျစေတဲ့နည်းမျိုးပဲ သုံးတော့တယ်။ အာဏာရှင် ဆိုတာ နောက်ကွယ်ကို ဝင်သွား ပြီ။ လူလုံးမပြတော့ဘူး။ စကား ကြမ်းကြမ်းတမ်းတမ်း မသုံးတော့ဘူး။ ဇွတ်မှိတ် မငြင်း ဆန်တော့ဘူး။ အားလုံးနဲ့ သင့်အောင် ပေါင်းရင်း ရောချလိုက်ပြီ။ ယဉ်ကျေးတဲ့ လူ့အဖွဲ့အစည်းနဲ့ ရောသမမွှေလိုက်ပြီ။ ကိုင်စရတွယ်ရ သိပ်ခက်ခဲသွားပြီ။

ခုတစ်လော မြန်မာ့နိုင်ငံရေးမှာ စိတ်ပျက်စရာတွေ များပြားလာ နေတာနဲ့အမျှ တစ်နေ့ မြန်မာနိုင်ငံမှာ အာဏာရှင်ဝါဒ ခေါင်းထောင်ထလာမလားဆိုတဲ့ အမေးက ပိုမို ထွက်ပေါ်လာနေတယ်။ အထူးသဖြင့် စစ်တပ် ပြန်လာမလားဆိုတဲ့ အမေး ရှိနေတယ်။

အခု တပ်မတော်ကလည်း အရင် တပ်မတော် မဟုတ်တော့ဘူး။ အရင်လို အတွေးအခေါ်မျိုး မဟုတ်တော့ဘူး။ အများ ကြီး ပါးနပ် ပျော့ပျောင်းသွားပြီ။ ပျော့ ပျောင်းတယ် ဆိုတာ တစ်ခါ တလေ ပိုကြောက်ရတယ်။ ပျော့ပျောင်းမှုရဲ့ နောက် ကွယ်မှာ စုစည်းမှုတွေ၊ အားယူမှုတွေ ရှိ နေတတ်တယ်။

သေချာတာကတော့ တိုင်းပြည် အခြေအနေ အကြီးအကျယ် မပျက်စီး၊ မယိုယွင်းသမျှ စစ်တပ် ပြန်လာဖို့ မရှိဘူး။ အခုဆို လူအတော်များများက မြန်မာ့နိုင်ငံရေးမှာ စစ်တပ်ရဲ့ ဆက် လက် ပါဝင်နေမှုကို မလိုလား၊ မနှစ်သက်ကြဘူး။ ပြင်ဆင် ပြောင်းလဲဖို့ ကြိုးစားခဲ့တယ်။ အခုထိတော့ မအောင်မြင် သေးဘူး ပြောရမှာပေါ့။ လက်ရှိ အခြေအနေမှာ တပ်မတော်က ကာကွယ်ရေး၊ ပြည်ထဲရေး၊ နယ်စပ်လုံခြုံရေးလို တရားဥပဒေ စိုးမိုးရေး ဆိုင်ရာ အဓိကနေရာတွေ ချုပ်ကိုင် ထားလို့ တကယ်တော့ မြန်မာ့ နိုင်ငံရေးဟာ အာဏာရှင်တစ်ပိုင်း နိုင် ငံရေး ပါဆိုပြီး သုံးသပ်တာ တွေလည်း ရှိပါတယ်။ ဟုတ်သည် ဆိုသည့်တိုင် ကိုင်တွယ်ရ ခက်ပြီလေ။ စစ်အစိုးရ အမည် ခံထားတာလည်း မဟုတ်၊ ဝန်ကြီးဌာန အများစုကိုချုပ်ကိုင် ထားတာလည်း မဟုတ်၊ တိုင်းပြည် တည်ငြိမ် လာတာ နဲ့အမျှ တစ်နေ့ကျ ရင် နိုင်ငံရေးက ထွက်သွား ပါ မယ်လို့ လူသိရှင် ကြား ပြောကြားထားတဲ့ ယဉ်ကျေးတဲ့ တပ်မတော် ဖြစ်နေပြီ။

 ယဉ်ကျေးချင်ယောင် ဆောင်တာပါဆိုသည့်တိုင် သမိုင်း အဆက်ဆက် အတွေ့အကြုံများမှ တစ်ဆင့် လေ့လာသင်ယူ၊ ပြင်ဆင် တည်ဆောက်ထားတဲ့ ဒီနေ့ခေတ် မြန်မာ့ တပ်မတော်ကို အရပ်သား အစိုးရ အနေနဲ့ ကိုယ်လိုချင်တဲ့ ပုံစံမျိုးဖြစ်အောင် ချဉ်းကပ် ကိုင်တွယ်ဖို့ ခက်ခဲ နေမှာတော့ အသေအချာ ဖြစ်ပါကြောင်း သုံးသပ် တင်ပြလိုက်ရပါတယ်။

အောင်အောင် (IR), The Voice