လက်ပံတန်းမြို့နယ် ဇီးဖြူကုန်းအုပ်စု ဓနင်းကြီးကျေးရွာမှာ အသက် ၁၄ နှစ်အရွယ် သမီးဖြစ်သူအား အဓမ္မပြုကျင့်ခဲ့မှုနဲ့ ဖခင်ဖြစ်သူကို ရဲက ဖမ်းဆီးလိုက်ပါတယ်။
ဖြစ်စဉ်နဲ့ ပတ်သက်ပြီး မြို့နယ်ရဲတပ်ဖွဲ့မှူးရုံး တာဝန်ရှိသူတဦးက “သူ့မိန်းမက လွန်ခဲ့တဲ့ တနှစ်လောက်က လင်မယားချင်းစိတ်ဆိုးပြီး အိမ်ပေါ်က ဆင်းသွားတယ်။ မှော်ဘီက စိုက်ပျိုးရေးခြံမှာ တလ ၆၀၀၀၀ နဲ့ အလုပ်သွားလုပ်တယ်။ မှော်ဘီကနေ ၃-၄ လ တကြိမ်လောက် လာလိုက် သွားလိုက်လုပ်နေတယ်။ အဲဒီတော့ အဖေဖြစ်တဲ့ နိုင်ဝင်းနဲ့အတူ ကလေး ၅ ယောက် ကျန်ခဲ့တယ်။ အဲဒီတော့ အကြီးဆုံးမလေးနဲ့ ၆ ရက်နေ့က ဖြစ်တဲ့သဘောပေါ့။ ၇ ရက်နေ့မှာ ကောင်မလေးမိခင်က သားသမီးတွေ သတိရလို့ ပြန်လာတဲ့ အချိန်မှာ သူ့သမီးက ပြောပြတယ်။ ၆ ရက်နေ့ နေ့လယ် ၂ နာရီလောက်မှာ အိမ်ခန်းထဲမှာ ဒီလို ဖြစ်တယ်ဆိုတာ သမီးက အမေကို ပြောပြလို့ ရဲစခန်းမှာ လာတိုင်တာ” လို့ ပြောပါတယ်။
သမီးဖြစ်သူအား အဓမ္မပြုကျင့်မှုနဲ့ ဖမ်းဆီးခံရတဲ့ ဖခင်ဖြစ်သူ နိုင်ဝင်းက “ကျနော် အဲဒီနေ့က အရက် ၄ ပုလင်းလောက်သောက်မိပြီး အိမ်ကို ပြန်ခဲ့တယ်၊ အရင်ကဆိုရင် မိန်းမက ခြင်ထောင်ထောင်ပေးနေကျလေ၊ အခု သမီးက ခြင်ထောင်ထောင်ပေးတာကို ကျနော်မသိဘဲ ဖြစ်သွားခဲ့ပါတယ်။ ကျနော် ယုံတောင် မယုံနိုင်ပါဘူး” လို့ ပြောပါတယ်။
အဲဒီဖြစ်စဉ်နဲ့ ပက်သက်ပြီး မတ် ၇ ရက် ညနေမှာ မိခင်ဖြစ်သူ မချိုမာဦးမှ တရားလိုပြုလုပ်ကာ ဇီးဖြူကုန်းရဲကင်းမှာ သွားရောက်တိုင်ကြားခဲ့လို့ သာရဝေါနယ်မြေရဲစခန်းမှ (ပ)၄၀/၂၀၁၇ ဖြင့် အမှုဖွင့်ပြီး ရာဇသတ်ကြီးပုဒ်မ ၃၇၆ နဲ့အစွပ်စွဲခံရသူ နိုင်ဝင်း ၃၅ နှစ်ကို ဖမ်းဆီးအရေးယူ ဆောင်ရွက်ထားတယ်လို့ သိရပါတယ်။
သတင်း၊ ဓာတ်ပုံ – ဝဏ္ဏထွန်း
DVB
No comments:
Post a Comment