အများအပြားသေဆုံး"
ယနေ့(မတ်လ ၆ရက်) နံနက် အစောပိုင်းမှစကာ လက်နက်ကိုင်
အဖွဲ့တစ်ခုက လောက်ကိုင်မြို့တွင်းသို့ ၀င်ရောက်တိုက်ခိုက်၍
အရပ်သားအများအပြား သေဆုံးမှုရှိခဲ့ကြောင်း ဒေသတွင်း ရဲတပ်ဖွဲ့နှင့်
ဒေသခံများထံမှ သတင်းရရှိသည်။လောက်ကိုင်မြို့၊
ကျင်းဖူး ဟော်တယ်ရှေ့နှင့် ရန်လုံကျိုင်း၊ တုံချိန်ရပ်ကွက်တို့ကို နံနက်
နှစ်နာရီခန့်တွင် ၀င်ရောက်တိုက်ခိုက်ခြင်းဖြစ်ကြောင်း ဒေသတွင်း
လုံခြုံရေး အရာရှိတစ်ဦးကပြောသည်။"သူတို့ မြို့လည်ခေါင်ကိုဝင်ပစ်ပြီး အစဖျောက်သွားတာ။ အရပ်သား ထိခိုက်တာတွေ မခန့်မှန်းနိုင်သေးဘူး။ဟိုတစ်လောင်း ဒီတစ်လောင်း၊ အရပ်သားတွေ၊ ကုမ္မဏီဝန်ထမ်းတွေ ထိခိုက်တာပါ။ အရေအတွက်ကတော့ များတယ်။ ပိတ်ပိတဲ့သူ ပိတ်မိတယ်။ ဆွဲထုတ်တဲ့သူ ဆွဲထုတ်တယ်" ဟု လုံခြုံရေးအရာရှိတစ်ဦးကပြောသည်။
အဆိုပါ လက်နက်ကိုင်အဖွဲ့နှင့် ဒေသတွင်း လုံခြုံရေးယူထားသော
တပ်မတော်သည် နံနက် နှစ်နာရီမှ ငါးနာရီခန့်အထိ တိုက်ပွဲဖြစ်ခဲ့ပြီး
သတင်းရေးသားချိန် နံနက် ရှစ်နာရီခန့်အထိလည်း ပစ်ခတ်မှုအချို့
ဖြစ်ပွားနေဆဲဖြစ်သည်။မည်သည့်လက်နက်ကိုင်အဖွဲ့ဟု တရားဝင် သတင်းမထုတ်ပြန်သေးသော်လည်း ကိုးကန့်လက်နက်ကိုင်
အဖွဲ့ MNDAA က လောက်ကိုင်မြို့တွင်း ၀င်ရောက်တိုက်ခိုက်မည်
ဖြစ်ကြောင်း သတင်းများ ထွက်ပေါ်နေသည်မှာ တစ်လခန့်ရှိနေပြီဖြစ်သည်။
7Day News Journal
No comments:
Post a Comment