တရားရင်ဆိုင်နေရတဲ့ ဥက္ကဌ လူမင်း
ဘာကြောင့် ဖြစ်မလဲ။
မြန်မာနိုင်ငံ ရုပ်ရှင်အစည်းအရုံး ဥက္ကဌ ဦးလူမင်းကတော့ တရားရင်ဆိုင်နေရတယ်လို့ သိရပါတယ်။ ရန်ကုန်တိုင်း ဗီဒီယိုအခြေခံ အဖွဲ့ရဲ့ ဥက္ကဌကို နာယကကြီးများ၊ အများသဘောတူညီမှုနဲ့ တာဝန်မှ အနားပေးလိုက်တဲ့အပေါ်မှာ မကျေနပ်တာကြောင့် ယင်းဥက္ကဌ က ပြန်လည်တရားစွဲထားတာ ဖြစ်တယ်လို့ Myanmar Celebrity အင်တာဗျူးမှာ ဖြေဆိုထားပါတယ်။ ယင်းကိစ္စနဲ့ ပတ်သက်ပြီး တရားရုံးသို့ သွားနေရသည်မှာ လေးကြိမ်ငါးကြိမ်လောက်ရှိပြီလို့ ဆိုပါတယ်။
လက်ရှိအချိန်ထိကတော့ တရားရုံးရဲ့ လုပ်ထုံးလုပ်နည်းအတိုင်း တရားလိုရဲ့ တင်ပြထားတာကို တဆင့်ပြီး တဆင့်ဆောင်ရွက် လျက်ရှိတယ်လို့ သိရပါတယ်။ အဲ့လိုပဲ မြန်မာနိုင်ငံရုပ်ရှင်အစည်းအရုံးဘက်မှ ယင်းဥက္ကဌ လက်ဝယ်ရှိနေတဲ့ ဘဏ်စာအုပ်များ စာရင်းများကို ပြန်လည်တောင်းယူဖို့ ရှိပေမယ့် အခုချိန်ထိ လူမင်းတို့ဘက်က တရားဥပဒေအရ ပြန်လည်တောင်းဆိုမယ့် အခြေအနေကို အခုထိ မရောက်သေးဘူးလို့ ယင်းအင်တာဗျူးမှာ ဖြေဆိုထားပါတယ်။ လူမင်းအနေနဲ့လည်း တစ်သက်နဲ့ တစ်ကိုယ် ပထမဆုံးအကြိမ် တရားရင်ဆိုင်နေရတာ ဖြစ်တယ်လို့ ပြောပြထားပါသေးတယ်။ အကယ်ဒမီပေးပွဲကြီး ကျင်းပပြီးနောက်ပိုင်း ဥက္ကဌရာထူးက အနားယူပေမယ့်လည်း ဒီအမှုကိုတော့ ရင်ဆိုင်သွားရဦးမှာလို့လည်း ပြောပြထားပါတယ်။
Source : Myanmar Celebrity: Duwun
Subscribe to:
Post Comments (Atom)
No comments:
Post a Comment