၁၉၉၅ ခုနှစ်လောက်ကတည်းက အနုပညာလောကထဲမှာလျှောက်လှမ်းရင် မိသားစုဝမ်းရေးအတွက်ဖြေရှင်းနေသူကတော့ လူကြမ်းသရုပ်ဆောင်နိုင်လူပါ။ အကြမ်း၊ အရမ်းကာရိုက်တာများနဲ့လူဆိုး၊ သူခိုး၊ ကြမ်းပိုးကာရိုက်တာများအပြင်မင်းသမီးတော်တော်များများကို စော်ကားမော်ကားပြုလုပ်ရတဲ့ ကာရိုက်တာတွေမှာ ပိုင်နိုင်သူလို့နာမည်ကြီးသလို ထုတ်လုပ်ရေးတွေအနေနဲ့အဲ့ဒီလိုကာရိုက်တာတွေသာ အငှားများကြောင်းသူကပြောပါတယ်။ လက်ရှိမှာ သားသမီးလေးယောက်နဲ့ဘ၀ကိုကြိုးစားရုန်းကန်ရင်း သူဖြတ်သန်းခဲ့ရတဲ့ ဘ၀အတွေ့အကြုံ၊ အခက်အခဲများ၊ ပျော်ရွှင်မှုများနဲ့ဝမ်းနည်းမှုများကို ပြန်အောက်မေ့ရင်း သူ့ရဲ့ ဘ၀တစ်လျှောက်ဖြတ်သန်းလာခဲ့တဲ့ အမှတ်တရများကို ပြောပြလာတဲ့အခါ
-လတ်တလောအနုပညာလှုပ်ရှားမှုအနေနဲ့ ဘာတွေလုပ်ဖြစ်နေလဲ။
လတ်တလောကတော့ ဒါရိုက်တာ ကိုဇော်မျိုးနဲ့အမည်ပေါက်ကျူးရိုက်ထားတယ်။ နောက်ဟိန်းဝေယံနဲ့နှစ်ကားရိုက်ထားတယ်။ မနက်ဖြန်ကျရင် ဒါရိုက်တာ မင်းဟိန်းထွန်းနဲ့ကျော်ဇောဟိန်းတို့နဲ့တစ်ကားဝင်မယ်။
-အနုပညာလောကထဲမှာလျှောက်လှမ်းလာတာ ဘယ်လောက်ရှိသွားပြီလဲ။
အစ်ကို ၁၉၉၅ လောက်ကစပြီး လုပ်ခဲ့တာဆိုတော့ အနှစ် နှစ်ဆယ်ကျော်ပြီပေါ့။
-လျှောက်လှမ်းလာတဲ့ သက်တမ်း တစ်လျှောက် ကြုံတွေ့ခဲ့ရတဲ့ အတွေ့အကြုံတွေကရော ဘယ်လိုရှိလဲ။
အခက်အခဲတွေကတော့ အများကြီးပေါ့ညီမရယ်။ အစ်ကိုတို့ဇာတ်ပို့ဇာတ်ရန်တွေရဲ့ ဘ၀ဟာ ရတဲ့ခံစားခွင့် ၊ ရတဲ့ ပမာဏတွေဟာအရမ်းကြီးကွာဟပါတယ်။ အပုံ ၁၀၀ ပုံလို့တစ်ပုံတောင်မှခံစားခွင့်မရှိပါဘူး။ သို့သော်ကိုယ့်ရဲ့ဝါသနာအရင်းခံလေးနဲ့လုပ်ကိုင်ရှာဖွေစားသောက်နေရတဲ့ ဇာတ်ပို့ဇာတ်ရန်၊ လူကြမ်း၊ သရုပ်ဆောင်၊ ကိုလူချောအဖွဲ့တွေလဲအများကြီးရှိပါတယ်။
-လူမုန်းခံရတဲ့ ဗီလိန် လူကြမ်းအခန်းတွေမှာ ပါဝင်သရုပ်ဆောင်ရတာဆိုတော့ အပြင်မှာတွေ့ရင်အစ်ကို့ကိုကြောက်ကြတာမျိုးရှိလား။
ရှိတယ်။ ရှိတယ်။ အပြင်မှာကိုယ့်ကိုတွေ့တဲ့အခါ မုဒိန်းကောင်ကြီးတို့လူယုတ်မာကြီးတို့အဲ့ဒီလိုအပြောခံရတာမျိုးလဲကြုံတွေ့ခဲ့ရဖူးတယ်။ ထမင်းမစားတဲ့ကလေးကို နင့်ပထွေးနိုင်လူကို ခေါ်လိုက်မယ်ဆို ကလေးက ထမင်းချက်ချင်းစားတာမျိုးကိုလဲကြုံခဲ့ဖူးတယ်။
-အဲ့ဒီလိုအပြောခံရတဲ့အခါ အစ်ကို့ရင်ထဲမှာဘယ်လိုခံစားရလဲ။
ဒါကတော့ ပရိသတ်က သူတို့အမြင်နဲ့သူတို့ပေါ့။ အခုနောက်ပိုင်းကတော့ အမြင်ကျယ်သွားပါပြီ။ လွန်ခဲ့တဲ့ ဆယ်စုနှစ်လောက်ကတော့ နယ်တွေဘာတွေသွားရင် ပရိသတ်တွေရဲ့ မြင်တဲ့အမြင်ကရိုးသားတယ်။ တကယ်တော့ ဇာတ်လမ်းဇာတ်အိမ်ပေါ်မှာ ဆွဲသွားတာပေါ့။ တကယ်မဟုတ်ဘူးဆိုတာကို သိတယ်။ ဒါပေမဲ့ဇာတ်ကားအပေါ်မှာမျောသွားတာပေါ့။ အဲ့ဒီဟာမျိုးတွေကြုံဖူးပါတယ်။
-အစ်ကိုတို့ကို လာငှားသမျှက မုဒိန်းကောင်၊ လူဆိုးခန်း၊ အနိုင်ကျင့်တဲ့အခန်း အဲ့ဒီလိုအခန်းတွေပဲ လာငှားကြတာက သူတို့စိတ်ထဲမှာ အစ်ကို့ကိုမြင်တဲ့အခါ အဲ့ဒီပုံစံနဲ့ပဲစွဲနေလို့လား။
တခြားရိုက်ရတဲ့ ကာရိုက်တာတွေလဲရှိပါတယ်။ ဒါပေမဲ့ အစ်ကိုတို့ကိုလာငှားတဲ့အခါ နိုင်လူပါရင် ဘယ်လောက်ထိယုတ်မာမလဲ၊ ဘယ်လောက်ထိကလိန်ကကျစ်လုပ်မလဲ၊ ဇာတ်ကိုသူဘယ်လောက်ထိလှုပ်မလဲပေါ့။ နိုင်လူကိုဘာကြောင့်ဒီလိုနေရာမျိုးမှာသရုပ်ဆောင်ခိုင်းတာလဲ၊ လူဆိုး leader လုပ်ခိုင်းတာလဲ ဒါရိုက်တာရဲ့ ကိုယ့်ရဲ့အိုက်တင်ပေါ်မှာကြိုက်နှစ်သက်မှု၊ ပရိသတ်ကလဲနိုင်လူဆိုရင် ဒီကား၊ ဒီကာရိုက်တာပေါ်မှာ နိုင်လူဆိုရင်တော့ ပိုင်တယ်ဆိုတာမျိုးလဲ ထင်မြင်ယူဆကြတယ်။ အဲ့ဒါကြောင့်ဒီလိုကာရိုက်တာတွေပေါ်မှာအစ်ကို့ကိုခေါ်ခိုင်းကြတယ်။ သို့သော်ငြားလဲ အစ်ကို တခြားကာရိုက်တာအနေနဲ့ဆောင်ရွက်ရတဲ့ ကားတွေလဲရှိတယ်။ ဥပမာ အခြောက်ဇာတ်ဝင်ခန်းတို့၊ အခြောက်ကာရိုက်တာတို့မှာလဲ ၈ကားလောက်ပါဝင်သရုပ်ဆောင်ခဲ့ဖူးတယ်။
-အဲ့ဒီလိုကာရိုက်တာတွေမှာ ပါဝင်သရုပ်ဆောင်ရတဲ့ အပေါ်မှာရော ကျေနပ်အားရမှုရှိလား။
ဘုရားပေးတဲ့ကံတရားပေါ့။ ပရိသတ်ချစ်တဲ့နေရာမှာ သရုပ်ဆောင်ခွင့်မရဘူးဆိုပေမဲ့ ဒီလိုနေရာမျိုးမှာသရုပ်ဆောင်ခွင့်ရတဲ့အတွက် လူသိခဲ့တယ်။ ဒီလိုနေရာမျိုးမှာသရုပ်ဆောင်ခွင့်ရတဲ့အတွက်ကျေနပ်ပါတယ်။
-အကယ်ဒမီလဲနီးလာပြီ။ အခုနောက်ပိုင်းမှာ ဇာတ်ပို့တွေလဲ အကယ်ဒမီရလာကြတယ်ဆိုတော့ အစ်ကို့အနေနဲ့ရော အကယ်ဒမီဆုကို မျှော်မှန်းလား။
အကယ်ဒမီဆုရဖို့အတွက်ဆိုတာ ဇာတ်ပို့ဇာတ်ရန်တွေအတွက်က အရမ်းကိုရှားပါးပါတယ်။ ပိုပြီးဆိုးတာက ကျွန်တော်တို့လိုလူကြမ်းသရုပ်ဆောင်တွေဘ၀ ၊ ကျွန်တော်တို့ရဲ့ဘ၀ပက မျှော်လင့်အိပ်မက်လေးနဲ့ပဲ အသက်ဆက်နေရတာပေါ့။ ရုပ်ရှင်ကားကြီးမှာ ဗီလိန်တစ်ယောက်အနေနဲ့၊ ဇာတ်ပို့တစ်ယောက်အနေနဲ့၊ နေရာ ရဖို့ဆိုတဲ့ဇာတ်လမ်းမျိုးက အင်မတန်ရှားတယ်။ ကဲဟုတ်ပြီ။ သရုပ်ဆောင်ခွင့်ရတယ်ဆိုရင်တောင် အဲ့ဒီလိုကားမျိုးမှာ အကယ်ဒမီမရဘူးဆို ပိုပြီးတော့တောင်ဝေးသွားပြီ။ ရိုးသားစွာပြောမယ်ဆိုရင် ခိုးဆိုးလုနှိုက်ဆိုတဲ့ ကားမှာပါဝင်သရုပ်ဆောင်ခွင့်ရခဲ့တယ်။ တကယ်လို့မင်းအကယ်ဒမီမလိုချင်ဘူးလားကွာဆိုရင် ကျွန်တော်လဲ လိုချင်တာပေါ့။ သို့ပေမဲ့လဲ ဒါကကျွန်တော်တို့ကိုဘုရားပေးမှပဲရလိမ့်မယ်။ အကယ်ဒမီနဲ့ပတ်သက်ပြီးပြောရရင် ကျွန်တော်တို့မြန်မာပြည်မှာ တကယ့် top ten ၀င်တဲ့ မင်းသား၊ မင်းသမီးဆိုတာ လက်ဆယ်ချောင်းမပြည့်ပါဘူး။ တစ်ခါတစ်လေကျတော့ တကယ်မရသေးတဲ့သူကိုလဲပေးစေချင်တယ်။ ဒါကျွန်တော့်ရဲ့ ပြည်သူတစ်ယောက်အနေနဲ့ပြောတဲ့ ဆန္ဒပါ။ သရုပ်ဆောင်တစ်ယောက်အနေနဲ့ပြောတာမဟုတ်ပါဘူး။ အနုပညာရှင်တိုင်းအနုပညာရှင်တိုင်းမှာ ပြည်သူကပေးတဲ့ အကယ်ဒမီဆိုတာရှိပြီးသားပါ။ သို့သော် ကျွန်တော်တို့လိုဇာတ်ပို့ဇာတ်ရန် လူကြမ်းတွေရဲ့ဘ၀မှာ မင်းအကယ်ဒမီလိုချင်လားကွာ ဆိုရင် နိုင်လူဆိုတဲ့ ကျွန်တော်လဲလိုချင်တာပေါ့ဗျာ။
-ဒီလောကထဲကိုရော ဘယ်လိုကဘယ်လိုဝင်ရောက်လာခဲ့တာလဲ။
ဒီလောကထဲကို ၁၉၈၉ ခုနှစ်မှာ သတင်းစာထဲမှာ စံဗီဒီယိုထုတ်လုပ်ရေးက မင်းသားအလိုရှိတယ်ဆိုပြီးတွေ့တော့သွားလျှောက်လိုက်တယ်။ အဲ့ဒီတုန်းက ကိုယ်ကိုးတန်းကျောင်းသားပဲရှိသေးတယ်။ ကျန်တဲသူတွေအရွေးမခံရပဲ ကိုယ်ပဲအရွေးခံရတယ်။ အဲ့ဒီကားက အထုပ်ကြီးကို အဟုတ်မှတ်လို့ဆိုတဲ့ကားပေါ့။ ဒါရိုက်တာက ဦးမြင့်ကျော်ပေါ့။ နောက်ပိုင်း မှာလဲ ဒါရိုက်တာပေါင်းမြောက်များစွာနဲ့လိုက်ရိုက်ပြီး ပညာတွေသင်ခဲ့တယ်။ နောက် ဦးမျိုးမင်း၊ ဦးကျော်ဟိန်းတို့ဆီမှာတပည့်ခံရင်း ဘ၀တစ်ခုကိုရပ်တည်လာခဲ့တယ်။ အရင်တုန်းက သူငယ်ချင်းခန်းပေါ့။ နိုင်းနိုင်း၊ ကိုရန်လေးတို့နဲ့ဆိုလဲသူငယ်ချင်းခန်းတွေရိုက်ခဲ့တယ်။ နောက်ကိုဇော် (အရုဏ်ဦး) ဆိုလဲ ကိုယ့်ဆရာကိုယ့်ကိုအရမ်းကြည့်ခဲ့တယ်။ ကိုရန်အောင်နာမည်ကြီးခဲ့တဲ့ တစ်ခေတ်တစ်ခါတုန်းက ကိုရန်အောင်ရိုက်သမျှအစ်ကိုပါခဲ့တယ်။ နောက်နိုင်းနိုင်းတစ်ခေတ်၊ နောက်ကိုနေထက်လင်းပေါ့။ သူနဲ့ဆိုကားတော်တော်များများရိုက်ဖူးတယ်။ ဗီလိန်တစ်ယောက်ဖြစ်အောင်ပံ့ပိုးပေးလိုက်တာကတော့ နေထက်လင်းပေါ့။ ရိုးရိုးသရုပ်ဆောင်ဘ၀ကနေ နိုင်လူဖြစ်လာအောင်သူက မင်းဗီလိန်လုပ်မလားဆိုတော့ သြော်လုပ်မယ်အစ်ကိုဆိုပြီးစလုပ်ခဲ့ရာက သူတို့ကျွေးခဲ့မွေးခဲ့လို့အစ်ကိုအခုအချိန်ထိရပ်တည်နေနိုင်တာပါ။ အဲ့ဒီမှာလူပိုသိတယ်။ အဲ့ဒီနောက်ပိုင်း ကိုနိုင်ကြီး၊ ဂျွန်ဂို၊ နေမျိုးအောင် စသဖြင့်ပေါ့။ တခြားမင်းသားတွေနဲ့ကတော့ ကြိုကြားကြိုကြားရိုက်ခဲ့ရတယ်။
-လူကြမ်းဗီလိန်ကာရိုက်တာတွေရိုက်ရင်း ထူးထူခြားခြားအမှတ်တရအနေနဲ့ဘာတွေရှိလဲ။
ခေါင်းရှစ်ချက် ကွဲခဲ့ရဖူးတယ်။ ဓားမြှောင်ဝင်သွားလို့ လက် ၇ ချက်ချုပ်ခဲ့ရဖူးတယ်။ နံရိုးအရိုးအက်သွားလို့အိပ်ရာထဲမှာလေးလနေခဲ့ရဖူးတယ်။ မျက်နှာနဲ့ပါးစပ်တစ်ဝိုက်မှာတော့ ကွဲခဲ့ပြဲခဲ့တာတွေအများကြီးပါ။ ခြေထောက်တွေလဲကျိုးခဲ့ဖူးပါတယ်။ အများကြီးပါပဲ။ ဒါတွေကလဲ ဘ၀ရဲ့အမှတ်တရတွေပါပဲ။
-အရင်တုန်းက ဇာတ်ပို့ဇာတ်ရန်ဘ၀နဲ့ မင်းသားမင်းသမီးပေါင်းများစွာကို ပံ့ပိုးခဲ့ပေမဲ့ အခုနောက်ပိုင်းမှာ ဒုက္ခရောက်နေကြတဲ့ ဇာတ်ပို့ဇာတ်ရန်တွေလဲရှိတော့ အစ်ကို့အနေနဲ့ရော ဘယ်လိုသုံးသပ်မိလဲ။
ဇာတ်ပို့ဇာတ်ရန်ဆိုတဲ့အလွှာကတကယ်ကို လူတန်းစေ့နေနိုင်တယ်ဆိုတာက လက်ဆယ်ချောင်းမပြည့်ပါဘူး။ တခြားဇာတ်ပို့ဇာတ်ရန်တွေကလဲ ရရစားစား၊ ၀ါးဝါးမျိုမျိုလေးတွေပါပဲ။ နောက်ဆုံး ဇာတ်ပို့ဇာတ်ရန်တွေရဲ့ဘ၀မှာ ကျန်ခဲ့ရမှာက အ၀တ်အစားအဟောင်းလေးတွေနဲ့အိုမင်းရင့်ရော်သွားတဲ့ ကိုယ့်ရဲ့ အသက်အရွယ်ပဲရှိလိမ့်မယ်လို့ကျွန်တော်ထင်တယ်။ ဇာတ်ပို့ဇာတ်ရန်တွေရဲ့ ၀မ်းနည်းစရာကောင်းတာတစ်ခုက ဇာတ်ကားမရိုက်သေးဘူး။ ဈေးဘယ်လောက်ယူသလဲ။ ဘယ်လောက်အနည်းဆုံးရမလဲဆိုတဲ့ ကုန်စိမ်းဝယ်သလို ဈေးဆစ်ခြင်းခံရတဲ့ဘ၀ ကိုယ်ကမရိုက်ချင်ပေမဲ့လဲ ဆန်ဆိုးထဲကိုကြည့်တော့ ဆန်မရှိတဲ့အတွက်သူတို့ပေးတဲ့ကြေးလေးနဲ့ရိုက်ရတဲ့ဘ၀။ သြော်ဒါငါ့မိသားစုအတွက်၊ ငါ့သားသမီးတွေအတွက်မတန်မှန်းသိပေမဲ့လဲ ရိုက်လိုက်ပါဦးမယ်ဆိုတဲ့ဆုံးဖြတ်ချက်လေးနဲ့ရိုက်နေရတဲ့ ဇာတ်ပို့ဇာတ်ရန်တွေလဲအနုပညာလောကမှာအများကြီးရှိပါတယ်။
-အစ်ကို့ရဲ့အနုပညာကြေးအနေအထားကရော ဘယ်လိုရှိလဲ။
ခုနကပြောသလိုပေါ့။ ဆန်အိုးထဲမှာဆန်ရှိတယ်ဆိုရင်တော့ ဈေးကိုမာလို့ရတာပေါ့။ ဘ၀ရဲ့ရပ်တည်မှုအနေအထားအတိုင်းအတာအရ မိသားစုရှိတယ်။ ဘ၀တွေရှိတယ်။ သားသမီးတွေရှိတယ်ဆိုတဲ့အခါကျတော့ ကျွန်တော်တစ်ယောက်တည်းမဟုတ်ဘူးလေ။ မင်းသားမင်းသမီးတွေနဲ့ဇာတ်ပို့ဇာတ်ရန်တွေနဲ့ရတဲ့ဟာက အရမ်းကိုကွာပါတယ်။ ဇာတ်ကားတစ်ကားရဲ့ကုန်ကျမှုရဲ့တစ်ဝက်နီးနီးက ဘယ်သူတွေယူလဲဆိုတာလူတိုင်းလဲသိပါတယ်။ အဲ့ဒီလိုပြောလို့တစ်မျိုးမထင်စေချင်ပါဘူး။ မင်းသားမင်းသမီးတွေကျွေးလို့ကျွန်တော်တို့လဲထမင်းစားရတာပါ။ ဒါပေမဲ့လဲ ဆင်လဲဆင်အတိုင်းအတာ၊ ပုရွက်ဆိတ်လဲပုရွက်ဆိတ်အတိုင်းအတာ သူတို့ကုန်ကျမှုရှိလို့များများယူတာလဲဖြစ်ချင်ဖြစ်မှာပေါ့လေ။ ဒါကတော့ မပြောချင်ပါဘူး။
-အစ်ကိုတို့ဇာတ်ပို့ဇာတ်ရန်တွေရဲ့ ဘ၀ကို ဘယ်လိုအရာနဲ့ခိုင်းနှိုင်းပြီး ယှဉ်ပြချင်လဲ။
ဇာတ်ပို့ဇာတ်ရန်တွေရဲ့ဘ၀ဆိုတာ ဟင်းတစ်ခွက်ချက်တဲ့အခါကျရင် ဆားမပါလို့မရဘူး။ ငံပြာရည်မပါလို့မရဘူး။ ဆားမပါပဲချက်ကြည့်ပါ။ ဟင်းသည်ဘယ်လိုအရသာဖြစ်ပေါ်လာမလဲပေါ့။ သို့သော်ကျွန်တော်တို့ဆားတွေငံပြာရည်တွေထည့်လိုက်တဲ့အခါမှာဟင်းကောင်းတစ်ခွက်သည် ရနံ့တွေမွှေးကြိုင်ပြီးတော့ထွက်ပေါ်လာတယ်။ ချက်ပြီးသွားတဲ့အခါမှာ ဆားကိုပြပါ။ ငံပြာရည်ကိုပြပါဆိုရင် ပြန်ပြီးခွဲခြမ်းစိတ်ဖြာလို့မရတဲ့ ဘ၀တွေလိုပါပဲ။
-ဟိုတလောက သမီးလေးမွေးတုန်းကလူသိပ်မသိတာနဲ့ နာမည်ကြီး မင်းသမီးကလေးမွေးတော့ လူတွေအရမ်းလှုပ်လှုပ်ခတ်ခတ်ဖြစ်တဲ့အပေါ် လူမှုကွန်ယက်ပေါ်မှာ ပျံ့နှံ့သွားတာလဲတွေ့ရတယ်။
အဲ့ဒီတုန်းကလဲ ဘာမှမဟုတ်ဘူး။ တင်ဖို့ရည်ရွယ်ချက်လဲမရှိဘူး။ ရိုက်ကွင်းကပြန်လာတော့ ရေချိုးပြီး မိန်းမရယ် ဓာတ်ပုံရိုက်ပေးစမ်းဟယ် ငါဖေ့စ်ဘွတ်ပေါ်တင်ချင်လို့ဆိုပြီး အဲ့ဒီမှာရိုက်ပြီး တင်လိုက်ရာကနေ Page တစ်ခုကယူသွားပြီး သြော်လူကြမ်းသရုပ်ဆောင်တွေကလေးမွေးတော့လူတောင်မသိဘူးလို့တင်လိုက်ရာကနေ အရမ်းဟော့ဖြစ်သွားတာပါ။ အဲ့ဒီလိုဖွခံလိုက်ရတော့ ကိုယ့်ဖက်ကဘာမှမဖြစ်ပေမဲ့ ဟိုဖက်ကိုသွားအားနာရတာပေါ့။ ငါမပြောပဲနဲ့ပြောတယ်လို့များထင်သွားသလားပေါ့။ ချစ်သုဝေနဲ့လဲခင်ပါတယ်။ ဒါပေမဲ့ အရမ်းကြီးတော့ခင်တာမျိုးတော့မဟုတ်ဘူးပေါ့။ သူတို့ဘ၀နဲ့ကိုယ်တွေဘ၀ကကွာခြားပါတယ်။ သူအပျိုဘ၀ကတည်းကသိတယ်။ ဇာတ်ကားတွေမှာလဲဆုံဖူးတယ်။ ကျွန်တော်သတင်းကြီးတယ်။ နာမည်ထွက်တယ်ဆိုတာက သူတို့အတွက်ဘာမှမပြောပလောက်ပါဘူး။ သူတို့အတွက်မထိခိုက်လောက်ဘူးလို့ပဲထင်ပါတယ်။ သူတို့လဲကိုယ်တွေကိုဂရုထားမိချင်မှထားမိမယ်။ ကိုယ့်ဖက်ကသာကိုယ့်ကိုကိုယ်အထင်ကြီးနေတာပါ။
-သမီးလေးအကြောင်းကိုလဲပြောပြပေးပါဦး။
သမီးအငယ်ဆုံးလေးနာမည်က ခေတ်ဆည်းဆာပါ။ သူ့အပေါ်မှာတော့ သုံးယောက်ရှိပါတယ်။ ဒီ ၁၄ ရက်ဆို လေးလပြည့်ပြီးပါပြီ။ အမှတ်တရတွေကတော့ အများကြီးပဲ။ အမျိုးသမီးဆို ကလေးဘယ်လိုမှမရနိုင်တဲ့ အသက်အရွယ် ၄၅ နှစ်မှာ အသားလုံးဆိုပြီး ဒီကလေးလေးရလာတယ်။ ကလေးပျက်ကျသလိုဖြစ်တယ်။ ဆေးရုံတက်ရတယ်။ ကလေးပျက်ကျတာမဟုတ်ဘူး။ ကလေးက နှလုံးခုန်နေတယ်။ ဆရာဝန်က မခွဲပေးဘူး။ ကလေးက တစ်လကြိုမွေးတယ်။ မွေးတဲ့အခါမှာ ကလေးက ၅ပေါင်နဲ့၁၂ အောင်စပေါ့။ ၀မ်းသာလို့မှ မဆုံးသေးဘူး။ အမျိုးသမီးက ပရက်ရှာတွေတက်ပြီး ဗိုက်ခွဲပြီးလေးရက်ပဲ ရှိသေးတယ်။ ခါးချဉ်ဆီခေါက်ရတယ်။ ပြီးတော့ ကျောက်ကပ်ထိသွားလို့ဆိုပြီး လည်ပင်းဖောက်ရတယ်။ ကျောက်ကပ်သုံးခါဆေးလိုက်ရတယ်။ ဆေးရုံမှာ ၃၃ ရက်ကြာသွားတယ်။ ဆေးရုံသုံးခုပြောင်းလိုက်ရတယ်။ အမျိုးသမီးရဲ့ နာမည်က ချိုသန္တာထိုက်။ သူကအသက် ၂၀လောက်တုန်းကဆေးထိုးတယ်။ ဆေးခဲသွားတယ်။ Operation ၇ခါလုပ်ရတယ်။ တစ်နှစ်နီးပါးလောက်တက်လိုက်ရတယ်။ သိုက်ကလာတယ်။ သိုက်ကနေအသက်တောင်းရတယ်ဆိုပြီး အနှစ် ၂၀လောက်တောင်းလိုက်တယ်ပေါ့။ အခုအသက်က ၄၅ နှစ်ဖြစ်နေတဲ့အခါမှာ သူကပြောတယ်။ ငါတစ်ခုခုတော့ဖြစ်မယ်ပေါ့။ ကိုယ်ကလဲ အမှုမဲ့ အမှတ်မဲ့ပါပဲ။ သန်လျင်က အမေကြီးဆီကိုရောက်သွားပြီး ပွဲတွေဘာတွေနဲ့လုပ်ပြီး သိုက်ကနေအသက်ထပ်တောင်းထားတာပါ။ မျက်စိတစ်ပတ်လောက်ကွယ်သွားသေးတယ်။ ဘာမှကိုမမြင်ရတော့တာ။ ဆရာဝန်တွေရဲ့ကြိုးစားအားထုတ်မှုကြောင့်လဲပါတယ်။ ဘာသာရေးအရလဲ ကုရတယ်။ ကျန်းမာရေးအရလဲ ကုရတယ်ပေါ့။ အနှစ်နှစ်ဆယ်ဆိုတာက သူတို့သိုက်ဘ၀က ၄ ရက်ပဲပေးတာ သိုက်ဘ၀မှာ၁ရက်က လူ့ပြည်မှာ ငါးနှစ်ပေါ့။ လေးရက်ပဲပေးတာပါ။ အစက တစ်ရက်ပဲပေးမယ်လုပ်တာ ဆရာမကြီးက သိုက်ကြိုးဖြတ်မယ်ဘာမယ်လုပ်မှ ၄ရက်ပေးတာပေါ့။ အနှစ်နှစ်ဆယ်ပေါ့။ အဲဒီနောက်ပိုင်းကတော့ ထပ်တောင်းရင်လဲတောင်းပေါ့။ မရရင်တော့လဲ မတတ်နိုင်ဘူးပေါ့လေ။ ဒါတွေက မယုံကြည်လို့လဲမရဘူးလေ။ ဒါကဘ၀ရဲ့ တကယ့်ကို အမှတ်တရပါပဲ။
-ပရိသတ်တွေကိုရော ဘာများပြောချင်သေးလဲ။
အသက်ရှင်နေသရွေ့ အသက်ရှုခွင့်ရနေသရွှေ့ကာလပတ်လုံး ပရိသတ်ရဲ့မေတ္တာကိုမျှော်လင့်တယ်။ ပရိသတ်ကိုတတ်ကျွမ်းတဲ့ အနုပညာလေးနဲ့ဖျော်ဖြေပေးချင်တယ်။ ဖျော်ဖြေပေးချင်ပေမဲ့လဲ အလုပ်မရှိရင်မရပြန်ဘူး။ အလုပ်ပေးမဲ့သူတွေကိုပြောမှ ကိုယ်ကအလုပ်ရမှာလေ။ ကျွန်တော်အမြဲတမ်းအလုပ်လုပ်ချင်ပါတယ်။ ထုတ်လုပ်သူတွေရော၊ ဒါရိုက်တာတွေရော ကျွန်တော်အလုပ်လုပ်ချင်တယ်ဆိုတာကိုသူတို့သိရင် ကျွန်တော်ကျေနပ်ပါပြီ။
Trend Myanmar
No comments:
Post a Comment