ကိုးကန့် လက်နက်ကိုင် တပ်ဖွဲ့ (MNDAA)ရဲ့ ဘဏ်စာရင်း အပါအဝင် ကိုးကန့်နဲ့ တရုတ် နယ်စပ်မှာ မြန်မာ - တရုတ် ငွေလဲလှယ်မှုတွေကို ထပ်မံ ရပ်ဆိုင်းလိုက်ပါတယ်။
ကိုးကန့်ဒေသ လောက်ကိုင် နယ်စပ်တလျှောက်မှာ ဖြစ်ပွားနေတဲ့ တိုက်ပွဲကြောင့် ကိုးကန့်တပ်ဖွဲ့ ရဲ့ ငွေစာရင်းကို တရုတ် စိုက်ပျိုးရေး ဘဏ်မှ ငွေစာရင်း ပိတ်လိုက်ပြီးနောက် ကိုးကန့် - တရုတ်နယ်စပ်ရှိ တရုတ်ပြည်ဘက် နန်းဆန်းမြို့ထဲမှာ ရှိနေတဲ့ နုံရဲဟန် ဘဏ်ခွဲမှာလည်း မြန်မာ - တရုတ် ငွေလဲလှယ်ခွင့် ပိတ်လိုက်ပြီလို့ မတ် ၂၃ ရက် နန်းဆန် ကွမ်ပေါကျွေ သတင်းမှာ ဖော်ပြပါတယ်။
ကိုးကန့်ဒေသမှာ တရုတ်ငွေကို အသုံးများပြားပြီး ငွေကြေး လဲလှယ်တာတွေ အဆင်ပြေစေဖို့ အတွက် တရုတ်ပြည်ဘက်ရှိ ဘဏ်နဲ့ ကိုးကန့်ဒေသရှိ ဘဏ်တွေကို ချိတ်ထားပြီး အသုံးပြုလာခဲ့ ကြပါတယ်။
ကိုးကန့်အဖွဲ့ ခေါင်းဆောင် ဖုန်းကြားရှင်ကို အမေရိကန်က မူးယစ်ဆေးဝါး ခေါင်းဆောင် တဦးအဖြစ် သတ်မှတ်ထားတာ ဖြစ်ပါတယ်။
သတင်း - နိုင်နိုင် ( DVB )
No comments:
Post a Comment