မှန်ကန်ခြင်းနှင့်ရဲရင့်ခြင်း

မှန်ကန်ခြင်းနှင့်ရဲရင့်ခြင်း

သတ္တိနှင့်သစ္စာ၊ မှန်ကန်ခြင်း နှင့်ရဲရင့်ခြင်းတို့သည် ဒွန်တွဲနေ၏။ သစ္စာမဲ့သူသည် သတ္တိမဲ့သူဖြစ်၏။သစ္စာရှိသူသည် သတ္တိရှိသူဖြစ်၏။ သစ္စာကို သတ္တိနှင့်စောင့်ထိန်းရ ၏။ သတ္တိဆိုရာ၌ မှန်ကန်သော ကိစ္စကို ရဲဝံ့စွာ ပြုလုပ်ခြင်းသာ မဟုတ်သေး။ မကောင်းမှုကို စောင့်ထိန်းနိုင်ခြင်း၊ မှားယွင်း သော ဆန္ဒလောဘကို ချုပ်တည်း နိုင်ခြင်း၊ အောင့်အည်းသည်းခံနိုင် ခြင်းတို့သည်လည်း သတ္တိမည်၏။

မှန်ကန်ခြင်းနှင့်ရဲရင့်ခြင်း လည်း ထိုနည်းအတူ တစ်ခုနှင့် တစ်ခု အမှီသဟဲပြုနေ၏။ ပင်ကို မူလက မည်မျှပင် ရဲရင့်သူ ဖြစ်နေ စေကာမူ မမှန်ကန်သော အမှုကို ပြုလိုက်မိပြီဟု မိမိကိုယ် မိမိထင်လိုက်သည်နှင့်တစ်ပြိုင်နက် ထိုသူ ၏ရဲရင့်ခြင်းတို့သည် ပျောက်ကွယ် သွား၍ ကြောက်ရွံ့သူအဖြစ်သို့ ရောက်ရှိသွားတော့၏။

ဝတ္ထုတစ်ခုနှင့်သာဓကပြုပါ မည်။

လွန်ခဲ့သော နှစ်ပေါင်း ၃၅ နှစ်ကျော်ကဖြစ်ပါသည်။ ကာယ ကံရှင်များမှာမူ လူ့ဘောင်၌ မရှိ ကြတော့ပြီ။

ဦးအောင်ဒွန်း...။

ကျွန်တော်တို့ရွာမှ ရွာသူကြီး ဦးအောင်ဒွန်း။ အင်မတန်မှ ရဲရင့် သတ္တိရှိသည်ဟု ကျော်ကြား သည်။ သူခိုးဓားပြကို လက်ရဖမ်း ခဲ့ဖူး၍ နာမည်ကောင်းလက်မှတ် နှင့် ဆုတော်ငွေများရခဲ့ဖူးသည်။ နှစ်လုံးပြူးသေနတ်ကိုင်ရသည်။ ဆယ်ခိုင်သူကြီးခန့်အပ်ခြင်းခံရ၍ ရွာဆယ်ရွာကို အုပ်ချုပ်ရသည်။ ထိုရွာများ၌ ဖြစ်ပေါ်သော အမှု ကြီးငယ်တို့သည် ဆယ်အိမ်ခေါင်း များမှတစ်ဆင့် သူ့ဆီရောက်ရ သည်။ ကြီးသောအမှုဆိုလျှင် ရုံး ဂါတ်ပို့၍ ငယ်သောအမှုဆိုလျှင် သူပင် စီရင်ချက်ချလိုက်သည်။ တစ်ညချုပ်နှောင်ခွင့်နှင့် ငါးကျပ် အထိ ဒဏ်ငွေတပ်နိုင်သောအာ ဏာရှိသည်။

လူကောင်ကြီးမားခံ့ညား၍ ဥပဓိရုပ်လည်း ကောင်းလှသည်။ အားအင်ဗလလည်း ပြည့်စုံလှ သည်။ နွားထီးတစ်ကောင်ကို လက်ပြင်ရိုး လက်သီးနှင့်ထိုး၍ လှဲနိုင်သည်ဟုပြောကြသည်။

သူ့အိမ်နှင့် ကျွန်တော်တို့ အိမ်မှာ မျက်စောင်းထိုးဓားလွယ် ခုတ်အိမ်နီးချင်းဖြစ်ပါသည်။

ကျွန်တော်အမှတ်သညာ ထားတတ်သော အရွယ်မှာ သူ့အ သက်သည် ၅၀ မျှဟု ခန့်မှန်းမိပါ သည်။ ဆွေမျိုးမတော်သော်လည်း သူ့ကို ကျွန်တော်က ‘ဘိုး’ ဟု ခေါ် ပါသည်။

ဘိုးသည် ကျွန်တော့်ကို ငယ် စဉ်က ချီပိုးလာခဲ့သူဖြစ်သည်။ ဘိုး သည် အသားဖြူရာဝယ် သူ့တစ် ကိုယ်လုံးမှာ ဆေးနီဆေးနက်များ ထိုးထား၍ အလွန်လှသည်ဟု ကျွန်တော်ယူဆခဲ့ပါသည်။ ကျွန် တော့်အဖေကိုယ်မှာလည်း ဆေး ရုပ်များရှိပါသည်။ သို့သော် သူ့ လောက်မများ။ ထို့ပြင် အနက်ရုပ် သာရှိ၍ အနီရုပ်မရှိ၊ ဘိုး၏ကျော ပြောင်ကိုကား ကျွန်တော်က အ ရုပ်ကားဟုခေါ်ပါသည်။

‘‘ဘိုးရယ် ဝမ်းလျားမှောက် စမ်းပါဦး။ ကျွန်တော် အရုပ်တွေ ကြည့်ချင်လို့ပါ’’

‘‘အို...အခု ထိုင်ရင်းကြည့် လည်း မြင်နေရသားပဲ မြေးရဲ့’’

‘‘မဟုတ်ဘူး...မဟုတ်ဘူး။ မှောက်ကြည့်ရမှ ပိုကောင်းတယ်’’

ဘိုး၏ကျယ်ပြန့်သော ကျော ပြင်ဝယ် နဂါးရုပ်၊ ဂဠုန်ရုပ်၊ ဇော် ဂျီရုပ်၊ ကြောင်ရုပ်၊ ကျားရုပ်၊ ခြင်္သေ့ရုပ် စသည်တို့မှာ ဆေးနီ၊ ဆေးနက်တို့ဖြင့် ယခုမျက်စိနှင့် ကြည့်သော် လွန်စွာမှ လက်ရာ မြောက်လှပါပေသည်။ အချိုးစား နားကျ၍ ပီပီသသရှိပါပေသည်။

‘‘ဘိုးရယ် ဒီအရုပ်တွေ ဘိုးကိုဘယ်သူထိုးပေးထားလဲဟင်...’’

‘‘ဘိုးဟာဘိုး ထိုးတာပေါ့ကွ’’

‘‘အောင်မယ် မဖြစ်နိုင်တာ ကြီးကို၊ ဘိုး ညာတယ်၊ ကဲ...ဘိုး ကျောကုန်း ဘိုးမြင်ရလို့လား’’

‘‘မှန်ထဲ ...နောက်ပြန်ကြည့် ထိုးတာပေါ့ကွ...’’

‘‘အောင်မယ်...အောင်မယ် ...ဘိုးအိမ်မှာ ဘိုးကျောကုန်း လောက်ကြီးတဲ့မှန်တစ်ချပ်မှ မရှိ ဘဲနဲ့’’

ဘိုးသည် ရယ်မောကာ... ‘‘အလကားပြောတာပါကွာ။ ဆရာဦးထိုးပေးထားပေါ့ကွ၊ ဆရာဦး ကို မင်းသိတယ်မဟုတ်လား...’’

ဆရာဦးသည် ဘိုးအိမ်ခေါင်း ရင်းက ထိုးကွင်းထိုးဆရာဖြစ်ပါ ၏။ ထို့ပြင် ရုပ်သေးရုပ်တွေထု သော ပန်းပုဆရာလည်းဖြစ်ပါ၏။

‘‘ဘိုး..ဒီအရုပ်တွေထိုးတော့  မနာဘူးလားဟင်...’’

‘‘နာတာပေါ့ မြေးရဲ့။ ဒါပေမဲ့ ယောက်ျားဆိုတာ ဆေးထိုးခံနိုင် တဲ့ သတ္တိရှိရမယ်ကွယ့်။ ငါ့မြေး လည်း ကြီးရင် ထိုးကွင်းထိုးရမယ် ကွယ့်’’

သို့သော် ကျွန်တော်တို့အချိန် ရောက်သောကာလ၌ ထိုးကွင်း ထိုးခေတ်ကုန်၍ ကံကောင်းသည် ဟု ဆိုရမည်။ သို့ရာတွင် အချို့ လူကြီးများက မကြိုက်ကြ။ ကျွန် တော် (၁၄)နှစ်သားလောက်၌ ဆရာဦးက ကျွန်တော့်ပေါင်မှာ ကျားရုပ်ထိုးပေးသည်။ ထိုးရသည်မှာ အနီစင်း၊ အနက်စင်းနှင့် တ ကယ့်ကျားရောင်ထွက်ရမည်။ အ သက်လည်း ပါရမည်။ သို့သော် ဤဖေကိုယ်သတ္တိခဲက အဖေချုပ် ကိုင်ထားသည့်လက်ထဲမှ ကုန်း အော်ရုန်းထွက်သဖြင့် ပထမဆုံး တစ်ကြောင်းမျှ သွားရသေးရာ ကျားရုပ်မဖြစ်၊ ကြွက်ရုပ်ကလေး လိုလို ရေးရေးမျှထင်တော့၏။ သည်တော့ ဆရာဦးက ကျွန်တော့် အဖေအား ဘာပြောသည်ထင်သ နည်း။

‘‘မောင်ဆယ်ရေ...ခုခေတ် ကလေးတွေတော့ သတ္တိသုဉ်းကုန် ပါဘိကွာ။ ငါ့သားတွေလည်း အ တူတူပဲကွ။ မင်းတို့လို ငါတို့လို ဆယ်နှစ်၊ ဆယ့်တစ်နှစ်သား လောက်က ထိုးကွင်းထိုးခံလာခဲ့ လို့ရှိရင် ဒီကျားရုပ်လောက် ဘယ် ဖြုံလိမ့်မလဲကွာ။ ခံနိုင်ရည်ရှိနေ မှာပဲ။ မိဖုရား...ကင်းကိုက်တဲ့အ တိုင်းပဲ သွား...သွား’’

ဆရာဦးက ကျွန်တော့်ကို နှင်လွှတ်ပါသည်။ ကျွန်တော် သည် ပေါင်ကလေးထော့နဲ့ထော့ နဲ့၊ မျက်ရည်ကလေးစို့စို့နှင့်။

ဘယ်မျက်ရည်မစို့ဘဲ ခံနိုင် မလဲဗျ။ လေးခွရှိတဲ့ ကြေးစုတ်ကြီးနှင့် တစ်ချက်ထိုးလိုက်ရင်း သွေး တစ်ပေါက်ထွက်လာရင်း...

ဤအခါ၌ ကျွန်တော်သည် ထိုးကွင်းမျှမက ဆေးရုပ်တွေကို ကိုယ်လုံးတွင် ရှိသော အဖေတို့၊ ဘိုးတို့သတ္တိကို ချီးကျူးမိပါသည်။ ဘိုးက ပို၍ များပါသည်။ ဘိုးသည်ခေါင်းဖြူဖြူတွင် ခေါင်းတုံးရိတ် ထားသူဖြစ်လေရာ ငယ်ထိပ်မှစ၍ ခြေဖမိုးအထိ ကျောကုန်း၊ လက်ပြင်၊ ခြေသလုံး၊ ခြေချင်းဝတ်ပါ မကျန် ဆေးတွေအပြည့်ရှိ၏။

ဘာရည်ရွယ်ချက်နှင့် ဘာ အစွမ်းထက်သည်တော့ ကျွန် တော်မပြောတတ်ချေ။ သို့သော် ခံနိုင်ရည်ရှိသော ယောက်ျား ကောင်းတစ်ယောက်ဖြစ်ကြောင်း တော့ ထင်ရှား၏။

ဘိုးသည် ခွန်အားဗလနှင့် ရဲစွမ်းသတ္တိကောင်းရုံသာမဟုတ် သေး။ စာပေပညာကိုလည်း တတ်ကျွမ်းသူဖြစ်၏။ ဘိုးသည် ဘိသိက် ဆရာဖြစ်၏။ ဘုရားကိုးဆူဆရာ ဖြစ်၏။ စာဟောဆရာဖြစ်၏။ ရတုသြဘာစာရေးဆရာဖြစ်၏။

ဘိုးသည် နေ့စဉ်နံနက်တိုင်း ဘုန်းကြီးကျောင်းက အုန်းမောင်း ခေါက်တွင် ထ၍ ဘုရားရှိခိုးပြီး စာရွတ်၏။ သူစာရွတ်သည်ကို ဘေးသုံးလေးအိမ်က ကြားရ၏။ သို့သော် ဘာမျှ နားမလည်နိုင်ပေ။ သူ့အသံ ‘‘ဟနံနံ - ဟနံနံ’’ ဟူ၍  သာ ကြားနေရ၏။

‘‘အဖေ...ဘိုးက ဟနံနံ ဟနံ နံနဲ့ ဘာလုပ်နေတာလဲ အဖေရ’’

ကျွန်တော်ငယ်စဉ်က အိပ် ရာထဲတွင် အဖေ့အား မေးခဲ့၏။

‘‘စာဝါးတာခေါ်တယ် သား ရဲ့’’

‘‘ဘာလို့ စာဝါးတာလဲ အဖေရ’’

‘‘သူရထားတဲ့ စာတွေကို မ မေ့၊ မပျောက်အောင် နှုတ်က မြန် မြန်ရွတ်နေတာပေါ့ကွာ...’’

‘‘ကျွန်တော်လည်း ဘိုးလို စာဝါးချင်တယ် အဖေ’’

‘‘ဒါဖြင့် စာများများ တတ် အောင် သင်ပေါ့ကွ။ ထမင်းစား ချင်တော့ ထမင်းရှိမှ စားဖြစ်သလို စာဝါးချင်တော့ ကိုယ်တတ်ထား တဲ့ စာရှိမှပေါ့ကွ’’

ကျွန်တော်သည် ဘိုးကို အစ စအရာရာ ချီးကျူးအားကျသူဖြစ် ခဲ့၏။ ကျွန်တော်သည် ဘိုးအတု ကို ယူကာ ကကြီး၊ ခခွေးကစ၍ စာဝါးခဲ့၏။ နို့ပြီး ဘိုးက ‘အဆက် ဆက်က အစဉ်သာယာတဲ့ သရက် ပင်ရွာက အထူးအကျိုးပြုတဲ့ ဦးဖိုး နု’ ဟု ရှင်ပြုဖိတ်စာတွင် ရေးလျှင် ကျွန်တော်ကလည်း ‘မချို့အစဉ် သာတဲ့ ကြို့ပင်ရွာက အထူးအ ကျိုးသယ်ပိုးတဲ့ ဦးဘိုးဆယ်’ ဟု ကျွန်တော့်အဖေနှင့် ရွာနာမည်ကို နဘေထပ်ဆိုလိုက်သောအခါ ဘိုး က လွန်စွာ သဘောကျလှ၏။ ‘‘မောင်ဆယ် မင့်သားကြီး ငါ့ခြေ ရာနင်းလိမ့်မယ်’’ဟု ဂုဏ်ယူပြော ဆို၏။ သို့သော် ဘိုးခြေရာကို နင်း ဖို့၊ ဘိုးကို မီဖို့က ခဲယဉ်းလှပါ၏။

ဘိုးသည် ရပ်ရွာ၌ အုပ်ချုပ် စီမံရာတွင် သူ၊ မင်္ဂလာဆောင်၌ ဘိသိက်သွန်းရာတွင် သူ၊ ရှင်ပြု ပဉ္စင်းခံတို့၌ သြဘာစာများရေး သားဖတ်ကြားရာတွင် သူ၊ ရပ်သူ ရွာသားတို့ အပျင်းလည်းပြေ၊ ပညာဗဟုသုတလည်းရအောင် ဇာတ်နိပါတ်တော်တို့ကို သံနေသံ ထားနှင့် ဟောပြောရာတွင်လည်း သူ။

သူ...သူ...သူ... ထိုသူသည် အသက်(၅၀)ကျော်၌ ကံချော်၍ အကြံတော်တလွဲကို လိုက်မှားမိ ချေသည်။

မချောဖြူ...

သူသည် နာမည်နှင့်လိုက် အောင် ဖြူသည်။ ချောသည်။ လှ သည်။ ချောသည်၊ လှသည်နှင့်အ မျှ လင်ငယ်နေတတ်သူ။

သူ၏ပထမဦးဆုံး ယောက်ျားသည် သူနောက်ယောက်ျားထား တာ ပက်ပင်းမိ၍ သူ့အားလယ် ကွင်းထဲ ခေါ်သွားကာ ဓားနှင့်ခုတ် သတ်ပြီး သူ့ကိုယ်သူတော့ မီးရ ထားအနင်းခံ၍ ပွဲချင်းပြီး စီရင်ပစ် လိုက်သည်။

သို့သော် မကောင်းမှုပြုရန် အကုသိုလ်ကံကျန်နေသေးသော မဟဝါကား မသေ၊ လည်ပင်းဓား ဒဏ်ရာတွေနှင့်မေ့မြောနေရာမှ သတိပြန်ရလာခဲ့သည်။

ဘိုးနှင့်အခင်းဖြစ်ပွားရန်အ ချိန်မှာ ထိုမိန်းမသည် အသက် (၃၀)ခန့်။ လည်ပင်းမှာ ဓားဒဏ် ရာနှစ်ချက်ရှိသည်။ အသားရောင် ဖြူဖြူဝင်းဝင်းနှင့် ပြည့်ပြည့်တင်း တင်း။ ထိုအချိန်၌ သူ၏ဒုတိယ လော၊ တတိယလော မပြောတတ်သည့် လင်ယောက်ျားမှာ ဘိန်းစား ဖိုးဆိုင်။

ကျွန်တော်သတိပြုမိသော အချိန်မှာ မချောဖြူသည် ရွာထဲ တွင် ခံတောင်းရွက်၍ ငရုတ်၊ ကြက်သွန်၊ ဆီ၊ ဆား စသောကုန် စုံရောင်းသည်။ ဘိုးသည် ထိုကုန် စုံဝယ်ရင်းမှ စတင်သည်။

ကျွန်တော်သည် အမှတ်သ ညာထားတတ်သောအရွယ်မှစ၍ ဘိုးအိမ်မှာ အနေအစားများ သည်။ အကြောင်းမှာ ဘိုးအိမ် သည် ဘယ်တော့မှ ဟင်းကောင်း မပြတ်ချေ။ မပြတ်ခြင်းမှာ ကျေး ရွာဓလေ့ထုံးစံရှိ၏။ ရွာတွင် ကျွဲ နွားသေ၍လည်းကောင်း၊ သတ်၍ လည်းကောင်း၊ အမဲသားပေါ်လျှင်သူကြီးအိမ်ကို တစ်တွဲပို့ရသည်။ ဝမ်းတွင်းသားအစုံလည်း ပါရ သည်။ ဘိုးအုပ်ချုပ်သော ရွာက ဆယ်ရွာဆိုတော့ ဘိုးအိမ်မှာ အမဲ ဟင်းလျာပြတ်သည်မရှိချေ။

ဘိုးကိုယ်တိုင်ကတော့ အမဲ သားမစားချေ။ ကျွန်တော့်အဖေ လည်း မစားချေ။ ကျွဲနွားဖြင့် အ သက်မွေးရသော ကျေးရွာတို့တွင် အမဲသားမစားခြင်းသည် လူကြီး လူကောင်းတို့၏ဂုဏ်အင်္ဂါတစ် ရပ်ဖြစ်ပေသည်။

ဘိုးတို့ ဂေါ်ပုံတစ်ရပ်ကို တွေး၍ ရယ်ချင်ပါသေးသည်။

 ဝါတွင်းမိုးရာသီဆိုတော့ ကျွန်တော်တို့ လယ်တောဒေသမှာ ငါးပေါသည်။ သည်တော့ မချော ဖြူက ကုန်စုံရောင်းခြင်းကို ရပ် ဆိုင်း၍ မုန့်ဟင်းခါးရောင်းသည်။ ထိုအခါ ကျွန်တော့်ကို ခုတုံးလုပ်၍ မနက်တိုင်း မချောဖြူမုန့်ဟင်းခါး ရောင်းလာတိုင်း...

‘‘ဟေ့ မင်း ဒီနေ့ မုန့်ဟင်းခါး စားဦးမလား’’ မေးသည်။ ကျွန် တော်ကတော့ (၁ဝ)နှစ်သားအ ရွယ်လောက် ဘယ်သိလိမ့်ဦးမှာ တုံး။ အမြဲတမ်း ခေါင်းညိတ် သည်ပေါ့။ ဘိုး၏အိမ်သားများက တော့ နှာခေါင်းရှုံ့ကြပြီ။ ရိပ်မိနေ ကြပြီ။ ထိုအခါ ဘိုးမှာ ဇနီးအမယ် ကြီးနှင့် သမီးနှင့် သမက်ရှိသည်။

ကျွန်တော့်ကို မုန့်ဟင်းခါး ကျွေးတော့ ဝါတွင်းမှာ သက်သတ် လွတ်သမား ဘိုးက မုန့်ကို ဘယ် လိုစားပါသနည်းဟူမူ ဟင်းရည် မစမ်းစေဘဲ သူ့အိမ်က နို့ဆီနှင့် ဆမ်း၍ စားပါသည်ခင်ဗျား။

သြော်...အာဂဘိုး၊ လူကြီး လူကောင်း ဂေါ်ပုံ မဆိုးဘူးနှော။ ဦးကြီးတို့ နည်းယူကြ။

ထို့ပြင် ဘိုးတွင် သူများနှင့် မတူသော ထူးခြားချက်တစ်ရပ်ရှိ သေးသည်။ ဘိုးသည် ထမင်းစား ပြီး ပလုတ်ကျင်းသောအခါ၌လည်း ကောင်း၊ တစ်ခုခုစားသောက်ပြီး ပလုတ်ကျင်းသောအခါ၌ လည်း ကောင်း၊ ဘယ်တော့မှ ထွေးမပစ် ချေ။ ပလုတ်ရည်ကို မျိုချလိုက် သည်သာဖြစ်၏။

ကျွန်တော်က ‘‘ဘိုးလုပ်ပုံ ဟာ သူများနဲ့မတူဘူး။ မရွံဘူး လား’’ဟု မေးသောအခါ ‘‘ဟ... ကိုယ့်ပါးစပ်ထဲကဟာ ကိုယ်ရွံနေ မှဖြင့် ငါ့လခွီးတဲ့၊ လည်ပင်းလှီး ပစ်ဖို့သာ ရှိတော့တာပေါ့ကွ’’ ဟု ပြန်ဖြေပါသည်။

ဟုတ်တုတ်တုတ်။

ယင်းသို့လျှင် မချောဖြူသည် ကုန်စုံရောင်းရင်းဖြင့် လည်း ကောင်း၊ မုန့်ဟင်းခါးရောင်းရင်း ဖြင့်လည်းကောင်း၊ ဘိုးအိမ်နေ့ တိုင်းလိုလို ဝင်ထွက်နေရာမှ လေး ငါးလမျှကြာသော် မချောဖြူ ယောက်ျား ဘိန်းစား ကိုဖိုးဆိုင်မှာ အိတ်ထဲ ဘိန်းငါးကျပ်သားခန့်နှင့် လက်ပူးလက်ကြပ် ဘိုးက ဖမ်းမိ လေ၍ ခမျာ ထောင်ကျသွားရှာ လေသည်။

ဒါ ဘိုးက သူ့နောက်လိုက် မတရားသက်သေများနှင့် သက် သက်အမှုဆင်တာဖြစ်ကြောင်းကို တစ်ရွာလုံးက သိကြ၍ တဖျစ် တောက်တောက် နေကြ၏။ ကိုဖိုး ဆိုင်သည် ဘိန်းစားသော်လည်း မခိုးတတ်၊ မဝှက်တတ်၊ လူ ကောင်းတစ်ယောက်ဖြစ်၏။ သူ့ ဟာသူ ထန်းတက်၍ စား၏။ ပုံးမြှုံးထောင်၍ စား၏။

ထိုမှ အရပ်ထဲက လူကြီးများ သည် ဘိုးကို ဝိုင်းကြဉ်စပြုလာ၏။ သည့်နောက် မကြာမီတွင် ဘိုး သည် သူ့အိမ်သူအိမ်သားများနှင့် ရန်ဖြစ်ကြလေ၍ အမယ်ကြီးသည် သမီးနှင့် သမက်ကိုခေါ်ကာ သူ့ ဇာတိရွာသို့ ပြန်သွားလေတော့ သည်။

ဘိုးကိုကား မည်သူမျှ တရား ချ၍ မရတော့ပြီ။ ယခင်တုန်းက ရပ်ရွာအိမ်ထောင်ရေးကိစ္စတို့မှာ သူကသာ ဖျန်ဖြေစီမံခန့်ခွဲပေးခဲ့ သည်။ သူ့ဇာတ်တွင်ကား သူသာ ဇာတ်ဆရာ၊ အခြားဇာတ်ဆရာကို လက်မခံတော့ပြီ။

 နောက်ဆုံးတစ်နေ့၌ကား မချောဖြူသည် ဘိုး၏အိမ်ပေါ်သို့ ရောက်လာလေသတည်း။ သို့ သော် ဤဖြစ်ရပ်တွင် ဘိုး၏ရလဒ် ကား ကျဆုံးခြင်းပင်တည်း။

မချောဖြူ ဘိုးအိမ်ရောက်ပြီး ဒုတိယမြောက်နေ့ နံနက်တွင် အ သက်(၆၀)မျှရှိမည်ဖြစ်သော အ မယ်ကြီးတစ်ယောက် ဆောင်ဓား ရှည်ကြီးတစ်လက်ကို ကိုင်ကာ ဘိုး၏အိမ်ဝင်းထဲ ရောက်နေလျက် ဓားတလက်လက်နှင့် ဆဲရေးကြိမ်း မောင်းနေပေတော့သည်။

‘‘ဟဲ့...အောင်ဒွန်း၊ နင် ဗလ ကောင်းလှတယ်၊ သတ္တိကောင်း လှတယ်ဆို၊ ကြိုက်တဲ့လက်နက် ကိုင်ပြီး တံခါးဖွင့်ဆင်းခဲ့စမ်း...’’

ချလွမ်...

အိမ်ရှေ့နံရံအကာကို သူ့ ဓားနှင့်ပစ်လိုက်သည်။ ထို့နောက် ပြန်ကောက်ကာ...

‘‘ဟဲ့...အောင်ဒွန်း၊ နင် သတ္တိနည်းလှချေလား။ ငါလို အမယ် ကြီးနဲ့မှ ရင်မဆိုင်ဝံ့တော့ဘူးလား။ လူချင်းကြောက်ရင် နင့်မှာ နှစ်လုံး ပူးသေနတ်ရှိတယ် မှုတ်လား၊ ဟောဒီမှာ ပစ်လိုက်စမ်းဟေ့’’

ရင်ကို ကော့ပြပြီး သူ့ဓားတစ်ဖန် ပစ်လိုက်ပြန်လေသည်။ အိမ် ပေါ်ကတော့ ဘာသံမျှ မကြားရ။ ဆိတ်ငြိမ်လှသည်။ လူတစ် ယောက်မှ မရှိဘူးထင်ရသည်။ သို့သော် ဘိုးနှင့် မချောဖြူရှိတာ အမှန်။ ညကပင် မီးအိမ်ထွန်းတာ မြင်ရသေးသည်။ ယခုမနက် အ စောကြီးမှ စောစောစီးစီး ဒီအမယ်ကြီးက ကျွန်တော် အိပ်ရာက မနိုး မီပင် လာရောက်ဆူပူနေခြင်းဖြစ် သည်။

ဘိုးအိမ်သည် တစ်ထပ်အိမ် မြင့်။ အောက်ဆင့်မရှိ။ မြေကြီး ပေါ် စားပွဲကုလားထိုင်ထားသည်။  အိမ်အကာမှာ နှစ်တစ်လက်မ သစ်သားတန်းတွေကို ကြက်ခြေ ခတ်ရိုက်ကပ်ထားသည်။ ထိုနံနက်၌ အပေါ်ထပ်ရော၊ အောက်ထပ် ရော တံခါးတွေ အားလုံးပိတ်ထား သည်။

ကျွန်တော်သည် အိပ်ရာမှ ထကာ ပြတင်းပေါက်မှ အံ့သြစွာ နှင့်လှမ်း၍ ကြည့်နေသည်။ အ မယ်ကြီးသည် ပိန်သော်လည်း စိတ်က ဆောင်နေ၍ တော်တော် ပဲ မာကျောပုံပေါ်သည်။ သူသည် အော်ဟစ်ဆဲရေးရင်း အောက်နံရံ ကို ဓားနှင့်ခုတ်လိုက်၊ အိမ်အပေါ် ထပ်ကို လှမ်းပစ်လိုက်၊ မောလျှင် ထိုင်ပြီးနားလိုက်၊ နောက်ပြီး တစ် စခန်းထလိုက်နှင့် အရွယ်နှင့်မ လိုက်အောင်ပင် ဒေါသနှင့်ဇွဲသတ္တိ က ကြီးလှပါသည်။

‘‘ဟေ့...အောင်ဒွန်း မယား ခိုးရဲ့၊ လူ့တိရစ္ဆာန်ရဲ့၊ နင် ငါ့သ မက်အိတ်ထဲ အတင်းဘိန်းထည့် ပြီး နင့်နောက်တော်ပါ သက်သေ လိမ်တွေနဲ့ အမှုဆင်ပြီး ထောင်ချ တယ်ဆိုတာ လူတိုင်းသိကြတယ် ဟဲ့...’’

ချလွမ်...

ဓားနှင့် တစ်ချက်ပစ်လိုက် ပြန်သည်။

‘‘နင်ဟာ ဆယ်ခိုင်သူကြီး၊ ဘုရားကိုးဆူဆရာကြီး၊ ဘိသိက် ဆရာကြီး၊ ရတုသြဘာဆရာကြီး၊ ကွက်စိပ်ဆရာကြီးဆိုတဲ့ ဂုဏ်တွေ မှ မထောက်ဘူး ငအောင်ဒွန်းရယ်။ ဟိုမျောက်မထားမရော ဆင်းခဲ့၊ နင့်ပါ ငါ နုပ်နုပ်စဉ်းပစ်မဟဲ့။ နင့်အတွက် ငါ တစ်ခါက၊ နှစ်ခါရှက်၊ နှစ်ခါက သုံးခါရှက်၊ တစ်သက်လုံး ရှက်နေရမှာလား ဟဲ့...နင်တို့ သတ်ပြီး ငါပါသေပစ်လိုက်မဟဲ့.’’

ဤအချိန်၌ ကျွန်တော့်မှာ အသက်(၈)နှစ်၊ (၉)နှစ်မျှ ရှိဦးမည်ဖြစ်၍ အဖေ့အနားသို့ ချဉ်းကပ် သွားကာ...

‘‘အဖေရယ် ဘိုးက ဒီအမယ် ကြီး ပိန်ပိန်ကလေးများ ဘာလို့ ကြောက်နေရသလဲ။ အောက် ဆင်းပြီး ဖမ်းလိုက်ရောပေါ့။ ဘိုး က အားအများကြီး ကြီးတာပဲမ ဟုတ်လား။ နို့ပြီး ဘိုးက သူကြီး’’

‘‘ဟဲ့...ဘာကြီးဖြစ်နေနေ ကိုယ်အမှားလုပ်မိတဲ့အခါမှာ မှန်သူကို ရင်မဆိုင်ဝံ့တော့ဘူး။ ကြောက်နေရော၊ ဒါဟာ တရား သဘောပဲ’’

‘‘ကျွန်တော် နားမလည်ပါ ဘူး အဖေရာ’’

‘‘အေး ... ငါ့သားကြီးတော့ နားလည်ပါလိမ့်မယ်’’

ထိုအချိန်၌ ကျွန်တော်သည် ဘိုးကိုသာ သနားနေတော့သည်။ ဘိုးဘက်က ဘယ်သူမှ ကူညီမယ့် သူလည်းမရှိပါလား။ ဒီအမယ်ကြီး ကို လာတားခြင်း၊ ဆွဲငင်ခြင်း လည်း မည်သူမျှ မပြုကြ။ အကယ်တိ အခြားအိမ်၌သာ ဤသို့ဖြစ်နေ ပါမူ ဘိုးကိုယ်တိုင် သွားရောက် စီစဉ်ဖျန်ဖြေချေမည်။

စင်စစ်တော့ သူကြီး ဦး အောင်ဒွန်း၏ မတရားပြုမှုကို တစ် ရွာလုံးက မုန်းတီးရွံရှာနေခြင်းဖြစ် သည်။ ဖြစ်နိုင်လျှင် အမယ်ကြီး ဘက်ကပင် အကူအညီပေးကြဦး မည်။ သို့သော် ကူညီစရာပင်မ လို။ အမယ်ကြီးကား အံ့ဖွယ် ကောင်းလောက်အောင်ပင် ဇွဲ သတ္တိကြီးလှပါဘိ။ ဤနေ့ ပထမ နေ့က နံနက် ဝေလီဝေလင်းမှ သည် ၁၀ နာရီခန့်ထိ ဆဲရေးကြိမ်း မောင်းပြီး ထမင်းဆာသော ကြောင့် ပြန်သွားသည်။ နောက်နေ့ နံနက် ဝေလီဝေလင်း၌ ယမန်နေ့ ကအတိုင်း ပြန်ရောက်လာပြီး ယမန်နေ့ကအတိုင်း ပြုမူပြန်တော့ သည်။

အမယ်ကြီးသည် ဤသို့ ချည်း မနက်တိုင်းလာလုပ်၏။

ပဉ္စမမြောက် ညနေခင်းဝယ် ဦးအောင်ဒွန်းနှင့် မချောဖြူတို့ သည် ပစ္စည်းပစ္စယများကို လှည်း တစ်စီးနှင့် တင်၍ ထွက်ခွာသွား ကြတော့သည်။

ဤအခင်းဖြစ်နေချိန် ဘိုး အိမ်သို့ မသွားရန် ကျွန်တော့်အား တားမြစ်ထား၍ ယင်းညနေလှည်း ပေါ် ပစ္စည်းတွေ တင်နေတုန်းမှာ ဘိုးကို ကျွန်တော်နောက်ဆုံးမြင် လိုက်ရခြင်းပင်ဖြစ်သည်။ ထိုအ ချိန်၌ သူ့အား မည်သူကမှလည်း လာ၍ နှုတ်မဆက်ကြချေ။

ရွာတွင် သူကြီးမရှိတော့ ကြောင်း ကြားသိရသောအခါ၌ ဆယ်အိမ်ခေါင်းတွေ ခေါ်၍ ဖြစ်ပုံ ကို စစ်ဆေးမေးမြန်းပြီး ဦးအောင် ဒွန်းအား သူကြီးရာထူးမှ ချလိုက် ကာ နောက်ထပ် သူကြီးအသစ် ရွေးကောက်ပွဲ​လုပ်လိုက်လေ သည်။

ဦးအောင်ဒွန်းကား ဂုဏ် သိက္ခာအဖတ်ဆယ်မရလောက် အောင် ကျဆင်းလေ၍ ရွာသို့ပြန် ပြီး မချဉ်းကပ်ရဲတော့ပေ။ သူ့အိမ် ကို သူ့အမယ်ကြီးနှင့် သမီးသမက် တို့ ပြန်၍ နေကြသည်။

ဦးအောင်ဒွန်းသည် ဤမှ မကြာမီတွင် စိတ်ရောလူရော ပင် ပန်းဆင်းရဲစွာဖြင့် သေဆုံးသွား သည်ဟု ကြားသိရလေသည်။



7Day News Journal