အိန္ဒိယက မြန်မာကို ဒေါ်လာ ၃၈ သန်းဖိုး တိုပီဒိုလက်နက်တွေ ရောင်းဖို့ သဘောတူ
မြန်မာ့ ရေတပ်မတော်အတွက် အမေရိကန်ဒေါ်လာ ၃၈ သန်းနီးပါး တန်ဖိုးရှိတဲ့ တိုပီဒို သင်္ဘောဖျက်လက်နက်တွေ ရောင်းချဖို့ အိန္ဒိယက သဘောတူညီလိုက်ပါတယ်။
မြန်မာရေတပ်ဟာ မကြာခင်က ဆိုနာ ခေါ် အသံလှိုင်းသုံး ရေအောက် ရှာေ ဖွထောက်လှမ်းရေး ကိရိယာတွေ အပါအ၀င် ရေတပ်သုံးပစ္စည်းတွေ အိန္ဒိယဆီက ၀ယ်ယူခဲ့အပြီး၊ အခုလို တိုပီဒိုတွေ ၀ယ်ယူဖို့ ဆက်လက်ကမ်းလှမ်းခဲ့တာဖြစ်ပါတယ်။
အခုလို တိုပီဒိုတွေ ၀ယ်ယူတာဟာ မြန်မာနဲ့ ဘင်္ဂလားဒေ့ရ်ှကြား ရေတပ်ချင်းအားပြိုင်မှု ကြီးထွားလာနေတယ်ဆိုတာ ပြသလိုက်တာဖြစ်တယ်လို့ အေပီ သတင်းက ဆိုပါတယ်။
ဒီလ အစောပိုင်းကလည်း မြန်မာရေတပ်သားတွေကို လေ့ကျင့်ပေးဖို့နဲ့ မိုးလေဝသဆိုင်ရာ ကိရိယာတွေ တည်ဆောက်ပေးဖို့ မြန်မာရေတပ်ရဲ့ကမ်းလှမ်းချက်ကို အိန္ဒိယရေတပ်က လက်ခံလိုက်ပါတယ်။
မြန်မာရေတပ် အဆင့်မြှင့်တင်ရေးဟာ အရင်က တရုတ်အပေါ် အားပြုနေခဲ့ရာက အခုတော့ အိန္ဒိယကပါ ၀င်ရောက်လာခဲ့ပြီဖြစ်ပါတယ်။ အိန္ဒိယဟာ မြန်မာ့တပ်မတော်အတွက် ညကြည့်ကိရိယာတွေ၊ အရေးပေါ် တံတားထိုး ပစ္စည်းတွေ၊ လောင်ချာနဲ့ မော်တာ စိန်ပြောင်းတွေ၊ဆက်သွယ်ရေးပစ္စည်းတွေ ရောင်းချပေးနေပါတယ်။
မဟာဗျူဟာကျတဲ့ ဘင်္ဂလားပင်လယ်အော်မှာ အိန္ဒိယနဲ့ မြန်မာဟာ ရေပိုင်နက်ချင်း ရှည်ရှည်လျားလျားဆက်စပ်နေပါတယ်။ ဒါ့ပြင် မြန်မာအတွက် အိန္ဒိယက တည်ဆောက်ပေးနေတဲ့ စစ်တွေရေနက်ဆိပ်ကမ်းကိုလည်း လာမယ့် သီတင်းပတ်အနည်းငယ်အတွင်း မြန်မာအစိုးရကို လွှဲအပ်ပေးတော့မယ်လို့ သိရပါတယ်။ RFA
Subscribe to:
Post Comments (Atom)
No comments:
Post a Comment