လက်ရှိ အဝေးပြေးယာဉ်လုိုင်းအများစုက ဘေးချင်းကပ်လျက်ခုံတွေကို မိန်းကလေးအချင်းချင်းသီးသန့်ရအောင် ပေးတာတာတွေလည်းရှိပါတယ်။
ရန်ကုန်၊ မတ် ၁၉ – အဝေးပြေးကားပေါ်ရောက်တာနဲ့ သူ့ဘေးမှာ ထိုင်မယ့်သူကို မစံပယ်ကြည့်လိုက်တယ်။ ထိုင်ခုံလွတ်နေပါတယ်။ နှစ်ယောက်စာနေရာမှာ တစ်ယောက်တည်းထိုင်ရမှာမို့ ပျော်ရွှင်နေပါတယ်။
ကားက ည ၇းဝ၀ နာရီမှာ ထွက်ပါပြီ။ ရန်ကုန်ကနေ တောင်တွင်းကြီးသွားတဲ့ အချိန် ကားပေါ်မှာ တစ်ညအိပ်ရပါတယ်။ မစံပယ် အိပ်ပျော်နေတုန်း တစ်ရေးမရခင်မှာပဲ ထူးဆန်းတဲ့အဖြစ်အပျက် တစ်ခုကြုံတွေ့လိုက်ရပါတယ်။
သူ့ရှေ့ထိုင်ခုံနှစ်ခုကြားက လက်တစ်ဖက်ထွက်လာပြီး သူ့ပေါင်တံရှိတဲ့နေရာ ကို ထိတွေ့ပွတ်သပ်နေတာပါ။
‘အစကတော့ မတော်တဆထိတယ်ပဲ ထင်နေတာ၊ နှစ်ခါသုံးခါဖြစ်လာတော့ သတိထားမိလိုက်တယ်၊ သက်သက်မဲ့ လိုက်ပြီးကိုင်နေတာ၊ ကျွန်မလဲခြေ ထောက်ကို ထိုင်ခုံပေါ်ရွှေ့တင်ပြီး စောင့်ကြည့်နေတာ၊ တစ်ညလုံးသုံးလေးခါ လောက် လက်ကြီးထွက်လာပြီး လိုက်စမ်းနေတာ၊ မအိပ်ရဲလို့မနက်ရောက် တဲ့အထိပဲလို့ သူက ပြန်ပြောပြတယ်။
မြန်မာနိုင်ငံမှာရှိတဲ့ အဝေးပြေးယာဉ်လိုင်းတချို့မှာ စီစီတီဗီကင်မရာတွေ တပ်ဆင်ထားတာရှိပေမဲ့လည်း လိင်ပိုင်းဆိုင်ရာအမြတ်ထုတ်မှုတွေ တွေ့ကြုံနေရဆဲဖြစ်တယ်လို့ အဝေးပြေးကားစီးနင်းသူအမျိုးသမီး ခရီးသည် တချို့ကို မေးမြန်းမှုတွေအရ သိရပါတယ်။
ကိုယ်တိုင်တွေ့ကြုံဖူးသူတချို့ကို မေးမြန်းမှုတွေအရ ကားပေါ်မှာလိင်ပိုင်း ဆိုင်ရာနှောင့်ယှက်မှုတွေ၊ ဘေးချင်းကပ်လျက်ခုံ၊ အရှေ့ခုံက လူတွေက ညစ်ညမ်းဗီဒီယိုတွေကြည့်နေတာ၊ ဘေးမှာထိုင်နေတဲ့ အမျိုးသမီးတွေ မမြင်မြင်အောင်ပြပြီး နှောင့်ယှက်တာတွေ ကြုံနေရတယ်လို့ပြောပါတယ်။
ရန်ကုန်ကနေ နေပြည်တော်ကိုသွားမယ့် မသန္တာလည်း သည်လိုအဖြစ်မျိုး ကြုံခဲ့ဖူးပါတယ်။
အရေးပေါ်ကိစ္စကြောင့် ခရီးထွက်ရမှာမို့ ရရာခုံလက်မှတ်ကိုယူလိုက်ရတာပါ။ သူ့ဘေးနားမှာကျတာက အသက် ၅၀ ကျော်အရွယ်အမျိုးသားကြီးတစ်ဦးပါ။ အဖေလိုအရွယ်ဖြစ်နေတာကြောင့် ခုံနေရာချင်းမလဲခိုင်းဘဲ သည်အတိုင်း စီးနင်းလိုက်ပါခဲ့ပါတယ်။
ဖြူးယာဉ်ရပ်နားစခန်းကနေ ပြန်ထွက်လာတဲ့ အချိန် ည ၁၂းဝ၀ နာရီအချိန် လောက်မှာ မသန္တာအိပ်ဖို့ဟန်ပြင်လိုက်ပါတယ်။ ကားပေါ်ကပေးထားတဲ့စောင် ကိုယူခြုံပြီး အိပ်ဖို့ပြင်လိုက်ချိန်မှာပဲ ဘေးနားက လူရဲ့ခန္ဓာကိုယ်ကသူ့ဆီကို မီလျက်ကျလာပါတယ်။
သူကဘေးဘက်ကိုတိုးရင်းကနေ လူနှစ်ယောက်စာခုံကြားထဲမှာ လက်ကိုင် အိတ်ကိုအကာအကွယ်ယူပြီးမအိပ်ရဲဘဲ ဖေ့စ်ဘုတ်ခ် သုံးနေလိုက်ပါတယ်။
ည ၁းဝ၀ နာရီကျော်အချိန်မှာတော့ သူ့ရဲ့ ခါးနောက်ပိုင်းကိုသုံးလေးကြိမ် လောက်ထိတွေ့ကိုင်တွယ်နေတာကြောင့် သူမအိပ်ရဲဘဲစောင့်ကြည့်နေ ပါတယ်။
သူကရှက်တာပေါ့၊ ကားသမားကိုလဲမပြောရဲတော့ ဟိုးနောက်ဆုံးခုံအထိ လွတ်တဲ့နေရာမှာ သွားနေလိုက်ရတယ်၊ ဒါတောင် သူကတကြည့်ကြည့်နဲ့ လုပ်နေသေးတယ်၊ ဒါတောင်အထူးကားနော်၊ လူရှင်းနေတဲ့အချိန်စီးတာ၊ ကားတွေပေါ်မှာ စိတ်မချရတော့ဘူးလို့ ပြောပါတယ်။
သည်လိုနှောင့်ယှက်နေသူတွေက မိန်းကလေးတစ်ယောက်တည်း ခရီးသွားတဲ့ သူတွေကိုသာရွေးပြီး ပြုလုပ်လေ့ရှိပါတယ်။ တစ်ခါတစ်ရံ ခရီးသည်တွေအပြင် ယာဉ်မောင်းအကူနဲ့ စပယ်ယာတချို့လည်း ပါဝင်နေတယ်လို့ ကိုယ်တိုင်ကြုံတွေ့ရသူတချို့ပြောပြချက်အရ သိရပါတယ်။
ကိုယ်တိုင်ကြုံတွေ့ခဲ့သူ မသင်းသင်း (အမည်လွှဲ)က ထမင်းစားနားတဲ့အချိန် မှာ ယာဉ်အကူကဘေးနားလာပြီး စကားတွေလာပြောတယ်၊ မကောင်းတတ်လို့ ပြန်ပြောလိုက်တယ်၊ ဒါကို သူဘယ်လိုထင်သွားလဲ မသိဘူး၊ ကားပေါ်ရောက်တဲ့ အချိန်မှာ ဘေးကခုံမှာလာထိုင်ပြီးတော့ ဖုန်းနံပါတ်တွေတောင်းတယ်၊ လက်ကိုလဲလာကိုင်တယ်၊ ကျွန်မက အော်လိုက်ရမလား၊ လူကိုဘာထင်နေလဲလို့ ပြောလိုက်မှ ရှေ့ကို ပြန်သွား တယ်၊ အဲဒီယာဉ်လိုင်းကို ဘယ်တော့မှ မစီးတော့ဘူး၊ သေအောင်မှတ်ထား တယ်လို့ သူတွေ့ကြုံခဲ့ ရတာကို ရှင်းပြပါတယ်။
လက်ရှိ အဝေးပြေးယာဉ်လိုင်းအများစုက ဘေးချင်းကပ်လျက်ခုံတွေကိုမိန်း ကလေးအချင်းချင်းသီးသန့်ရအောင် လုပ်ဆောင်ပေးတာတွေလည်းရှိပါတယ်။ အခုနောက်ပိုင်းမှာ ယာဉ်ပေါ်မှာပါလာတဲ့ ခရီးသည်တွေအတွက် ဝန်ဆောင်မှုပေးဖို့ ယာဉ်မယ်တွေခန့်ထားလာကြပါတယ်။
အဝေးပြေးကားတွေမှာ စီစီတီဗီကင်မရာတပ်ဆင်ထားတဲ့ကားတွေ၊ ယာဉ်မယ် တွေထားရှိတဲ့ ကားတွေက အထူးကားလို့ခေါ်ပြီး သာမန်စီးနေတဲ့ ယာဉ်စီးခထက် ပိုပေးရတာတွေ၊ ရှိတာကြောင့် လူအများစုကယာဉ်မယ်တွေ၊ စီစီတီဗီတွေမပါတဲ့ ကားတွေနဲ့ သွားနေကြပါတယ်။
မန္တလာမင်းယာဉ်လိုင်းပိုင်ရှင် ဒေါ်လဲ့လဲ့အေးက သူတို့ယာဉ်လိုင်းပြေးဆွဲနေတဲ့ ဆယ်နှစ်တာ ကာလအတွင်းမှာ လိင်ပိုင်းဆိုင်ရာနှောင့်ယှက်မှုနဲ့ပတ်သက်ပြီး ကြီးမားတဲ့တိုင်ကြားရလောက်တဲ့ ဖြစ်စဉ်မျိုးမတွေ့ကြုံရသေးဘူး လို့ဆိုပါတယ်။
အဝေးပြေးယာဉ်လိုင်းအများစုမှာ လုံခြုံရေးအတွက် စီစီတီဗီကင်မရာတွေတပ် ဆင်တာ၊ အမြန်နှုန်းသတ်မှတ်တဲ့ စနစ်တယ်လီမတ်တစ်စနစ်၊ ယာဉ်မောင်းအ ရက်သောက်ထားမှုရှိ၊ မရှိအလိုအလျောက်တိုင်းတာတဲ့ စနစ်တွေတပ်ဆင်ထားပါ တယ်။
လုံခြုံစိတ်ချစေချင်
လက်ရှိပြေးဆွဲနေတဲ့ အဝေးပြေးခရီးသည်ပို့ဆောင်ရေးယာဉ်လိုင်းပေါင်း ၂၀ဝ ကျော်ရှိပြီး ခရီးအကွာအဝေးအလိုက်နဲ့ ယာဉ်လိုင်းအလိုက် ကားလက်မှတ်ခက ကျပ် ၇၀ဝ၀ ကနေ ၆၀,ဝ၀ဝ အတွင်း သတ်မှတ်ထားတာဖြစ်ပါတယ်။
သည်လို အဝေးပြေးယာဉ်လိုင်းတွေက ခရီးသည်ဦးရေ ၃၀ ကနေ ၄၅ အထိ တင်ဆောင်တာတွေရှိနေပြီး ရုံးပိတ်ရက်ရှည်တွေမှာ သတ်မှတ်ထားတဲ့ ထိုင်ခုံအရေအတွက်အပြင် အလယ်ထိုင်ခုံတွေပါထည့်ပြီး တင်ဆောင်တာ တွေလည်း ရှိပါတယ်။
ယာဉ်မယ်တွေခန့်အပ်ပြီး အဆင့်မြှင့်တင်မှုတွေ၊ စားသောက်စရာတွေကျွေးပြီး ဝန်ဆောင်မှုပေးတာတွေထက် ခရီးသည်တွေရဲ့ လုံခြုံရေးအပါအဝင် သက်သောင့်သက်သာရှိအောင် ပြင်ဆင်ပေးမှုတွေက ပိုပြီးသင့်တော်တယ်လို့ အဝေးပြေးကားစီးနင်းတဲ့ခရီးသည်တချို့က ထောက်ပြပါတယ်။
ခရီးသွားတစ်ဦးဖြစ်တဲ့ ဆရာမ ဒေါ်ဝေမာဦးက အဆင့်မြင့်ကားဆိုပြီးယာဉ် မယ်တွေသာပါလာတာ၊ ခရီးသည်တွေရဲ့အခက်အခဲကို သူတို့က စိတ်ဝင်စားတာ မရှိဘူး၊ အချင်းချင်း ဖေ့စ်ဘုတ်ခ်သုံးနေတာနဲ့ ဂိမ်းဆော့နေတာနဲ့ပဲ အချိန်ကုန်နေ တာ၊ ကားပေါ်ကပါလာတဲ့သူတွေအဆင်ပြေပါ့မလားဆိုပြီး ဂရုစိုက်တာမတွေ့ ဘူးလို့ ပြောပါတယ်။
မစံပယ်ကတော့ နောက်တစ်ခါအဝေးပြေးကားတွေနဲ့ အိမ်ပြန်ခဲ့ရင်လက်မှတ်ဖြတ် တဲ့ အချိန်မှာ ရှေ့ခုံနဲ့ဘေးခုံတွေမှာ ဘယ်လိုလူတွေလိုက်ပါလာမလဲဆိုတာကို သေချာကြိုပြီးသိထားရမယ်၊ လက်မှတ်စာရင်းမှ မိန်းကလေးတွေ လား၊ ယောကျာ်းလေးတွေလားဆိုတာ သေချာမေးပြီးတော့မှ လက်မှတ်ဝယ်ဖို့ ဆုံးဖြတ်ထားတယ်လို့ ဆိုပါတယ်။
မစံပယ်က စဉ်းစားကြည့်လေ၊ ကျွန်မကို လက်နဲ့ထိပြီးကိုင်တာ၊ ဒေါသထွက်လွန်း လို့ သေတော့မယ်လို့ ပြောရင်း လက်ထဲမှာရှိတဲ့ဘောလ်ပင်ကို ဆောင့်ပြီး ပစ်ချလိုက်ပါတယ်။
Author – မေသော်တာမောင်၊ အေးအေးအောင်
KUMUDRA
No comments:
Post a Comment