ရခိုင်ပြည်နယ် အမ်းမြို့နယ်မှာ တရုတ်နိုင်ငံထံ တင်ပို့နေတဲ့ ရေနံသဘာဝဓာတ်ငွေ့ပိုက်လိုင်း စီမံကိန်းကြောင့် လယ်ယာမြေပျက်စီးသွားတဲ့ ဒေသခံတောင်သူတွေကို လျော်ကြေး အပြည့်ပေးပြီး မှသာ စီမံကိန်းဆက်စပ်လုပ်ငန်းတွေကို ဆက်လက်လုပ်ဆောင်ခွင့်ပြုဖို့ ပိုက်လိုင်းစောင့်ကြည့်ရေး လှုပ်ရှားမှုအဖွဲ့က ရခိုင်ပြည်နယ် ဝန်ကြီးချုပ်ဆီ စာပေးပို့လိုက်ပါတယ်။
ကုမ္ပဏီက ပိုက်လိုင်းပြုပြင်တာတွေလုပ်နေတဲ့အတွက် တောင်သူတွေရဲ့ လယ်ယာလျော်ကြေးတွေကို အပြည့်အဝပေးပြီးမှသာ ဆက်လက်လုပ်ဆောင်စေချင်တာဖြစ်တယ်လို့ ပိုက်လိုင်း စောင့်ကြည့်ရေး လှုပ်ရှားမှုအဖွဲ့က ကိုဝဏ္ဏစိုး က ပြောပါတယ်။
''တောင်သူတွေရဲ့ နစ်နာလျော်ကြေးကိစ္စကို သက်ဆိုင်ရာအုပ်ချုပ်ရေးမှုးအဖွဲ့တွေနဲ့ အတည်ပြုပြီး တော့ တင်ပြထားပြီးဖြစ်တယ်၊ လျော်ကြေးနစ်နာကြေး တောင်သူတွေလက်ဝယ်ကို အတိအကျ မရောက်ခင် ကာလအတွင်းမှာ ပိုက်လိုင်းနဲ့စပ်ဆက်နဲ့လုပ်ငန်းတွေလုပ်ဆောင်ဖို့ကို ကျွန်တော်တို့က ခွင့်မပြုနိုင်ဘူး လို့ တားမြစ်တာပါ၊ ဒီအတွက်ကြောင့် မရမချင်းမှာ လုပ်ငန်းဆောင်ရွက်တာတွေ မလုပ်ရ ပါဘူးလို့ ကန့် ကွက်ထားခြင်းဖြစ်ပါတယ် ''
တောင်သူတွေကို ကာလပေါက်ဈေးရဲ့ ၃ ဆ ကို နစ်နာကြေးအဖြစ် ပေးစေလိုတာဖြစ်တယ်လို့ သိရပါတယ်။
အဲဒီပိုက်လိုင်းစီမံကိန်းကို လွန်ခဲ့တဲ့ ၂၀၁၀ ခုနှစ်က စတင်ခဲ့တာဖြစ်ပြီး စီမံကိန်းကြောင့် အမ်းမြို့နယ် ရွာပေါင်း ၃၂ ရွာက လယ်ဧကပေါင်း ၁၃၀၀ ကျော် ပျက်စီးဆုံးရှုံးခဲ့ရတာလို့ ကိုဝဏ္ဏစိုးက ပြောပါတယ်။
စီမံကိန်းစတင်ချိန်မှာ တောင်သူတွေအတွက် နစ်နာကြေးပေးခဲ့တာတွေရှိပေမယ့် တောင်သူအများစုမှာ အခုချိန်အထိလျော်ကြေးအပြည့်အဝ မရကြသေးဘူးလို့လည်း ပြောပါတယ်။
Photo: Min Thein Aung/RFA
( တရုတ်နိုင်ငံ ယူနန်ပြည်နယ်ကို သွယ်တန်းထားတဲ့ ဓာတ်ငွေ့တွန်းပို့စက်ရုံနဲ့ ဓာတ်ငွေ့ပိုက်လိုင်းစီမံကိန်းကြောင့် ရွှံ့ဖုံးပြီးပျက်စီးသွားတဲ့ လယ်ယာမြေတချို့ကို တွေ့ရစဉ် )
No comments:
Post a Comment