ခရမ်းသီးဟာ ကယ်လိုရီနည်းပါးစွာ ပါဝင်တဲ့ အသီးတစ်မျိုးဖြစ်ပါတယ်။ ဟင်းအဖြစ်နဲ့သာ ချက်ပြုတ်ပြင်ဆင် စားသောက်ကြပြီး အာဟာရဓာတ်လည်း ကြွယ်ဝတဲ့အသီးပါ။ တကယ်လို့များ ဝိတ်ချဖို့အတွက် ကြံစည်နေတယ်ဆိုရင် ခရမ်းသီးကိုထည့်သွင်းစဉ်းစားဖို့ အကြံပေးလိုက်ပါရစေ။
ဘာကြောင့်လဲဆိုတော့ ခရမ်းသီးမှာ ပါဝင်တဲ့ အမျှင်ဓာတ်နဲ့ သတ္တုဓာတ်တွေကြောင့်ပါပဲ။ ကိုလက်စထရော (cholesterol) လုံးဝ မပါဝင်ဘဲ ပိုတက်ဆီယံ (potassium) ကြွယ်ဝစွာ ပါဝင်နေပါတယ်။ အဓိကပါဝင်တဲ့ အမျှင်ဓာတ်ဟာ ဆာလောင်မှုတွေကို လျော့ကျစေတယ်လေ။ ဘယ်လောက်စားစား ဝိတ်မတက်တဲ့ ခရမ်းသီးကို ပုံစံမျိုးစုံလုပ်စားပြီး ကိုယ်အလေးချိန် ထိန်းသိမ်းထားလို့ ရပါတယ်။ ခရမ်းသီးက အပူနဲ့ထိတွေ့တဲ့အခါ ချိုမြိန်တဲ့အရသာ ပိုမိုထွက်ပေါ်လာတော့ စားချင်စဖွယ်လည်းကောင်းပါတယ်။
ကျန်းမာရေးကောင်းကျိုးအနေနဲ့ ပြောရရင် ဗီတာမင် B6 လည်း ပါဝင်တာကြောင့် အာရုံကြောတွေကို အားကောင်းစေပါတယ်။ သွေးအားနည်းရောဂါကိုလည်း သက်သာစေပါတယ်။ သွေးအားနည်းရောဂါရဲ့ လက္ခဏာတွေဖြစ်တဲ့ ခေါင်းတစ်ခြမ်းကိုက်တာ၊ မောပန်းနုံးချိတာ၊ အားနည်းတာ စတဲ့အရာတွေကိုလည်း ခရမ်းသီးစားခြင်းက သက်သာပျောက်ကင်းစေနိုင်မှာပါ။
Source : Vegefruit
Duwun
No comments:
Post a Comment