ဝန်ကြီးဌာန၏ လုပ်ငန်းလမ်းညွှန်ချက်များ ထပ်ဆင့်ရှင်းလင်း
ပုသိမ် မတ် ၁၄
ဧရာဝတီတိုင်းဒေသကြီး ပုသိမ်မြို့ တိုင်းဒေသကြီး လူမှုဝန်ထမ်းရုံးမှ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၏ လုပ်ငန်းညှိနှိုင်းအစည်းအဝေး လမ်းညွှန်ချက်များအပေါ် ထပ်ဆင့် ရှင်းလင်းပွဲကို ပုသိမ်မြို့ မူလတန်းကြို ကျောင်းခန်းမ၌ မတ် ၉ ရက် မွန်းလွဲပိုင်းက ကျင်းပသည်။
တိုင်းဒေသကြီး လူမှုဝန်ထမ်းရုံးမှ ညွှန်ကြားရေးမှူး ဦးတင်ဇော်မိုးက ရှင်းလင်းပြောကြားရာတွင် မတ် ၁ ရက်တွင် ဝန်ကြီးဌာန၏လုပ်ငန်း ညှိနှိုင်းအစည်းအဝေးမှ လမ်းညွှန်မှာကြားချက်များအား ထပ်ဆင့် ရှင်းလင်းမည်ဖြစ်ကြောင်း၊ ဦးစီးဌာန အနေဖြင့် ၂ဝ၁၇-၂ဝ၁၈ ဘဏ္ဍာ ရေးနှစ်စီမံကိန်းအနေဖြင့် မူဝါဒ (၄)ရပ်၊ ရည်မှန်းချက် (၉)ရပ်ကို ဆောင်ရွက်မည့် အစီအစဉ် (၁၃၂)ရပ်ဖြင့် အကောင်အထည်ဖော် ဆောင်ရွက်သွားမည်ဖြစ်ပြီး ၂ဝ၁၇-၂ဝ၁၈ ဘဏ္ဍာရေးနှစ် စီမံကိန်းအတွက် ဆောင်ရွက်မည့် အစီအစဉ်များအား ရှင်းလင်းပြောကြားသည်။
ထို့နောက် လူမှုဝန်ထမ်းဦးစီးဌာန၏ ရက်(၁ဝဝ)အတွင်း ဆောင်ရွက် လျက်ရှိသည့် လုပ်ငန်းစီမံချက်များ၊ ရက်(၁ဝဝ)အလွန် ခြောက်လလုပ်ငန်း စီမံချက်များအား ထပ်ဆင့် ရှင်းလင်းပြောကြားခဲ့ကြောင်း သိရသည်။
မောင်မောင်မြင့် (ပြန်/ဆက်)
Subscribe to:
Post Comments (Atom)
No comments:
Post a Comment