နှလုံးခွဲစိတ်ကုသမှုခံယူထားတဲ့ ရန်ကုန်တိုင်းဝန်ကြီးချုပ် ဦးဖြိုးမင်းသိန်းရဲ့ ကျန်းမာရေးအခြေအနေ တိုးတက်ကောင်းမွန်မှုရှိတယ်လို့ ရန်ကုန်တိုင်းဒေသကြီး အစိုးရအဖွဲ့ ကရင်တိုင်းရင်းသားရေးရာဝန်ကြီး နော်ပန်းသဉ္ဇာမျိုးက ပြောပါတယ်။
ရန်ကုန်မြို့၊ မြန်မာနိုင်ငံဆရာဝန်အသင်းမှာ မတ်လ ၈ ရက်နေ့က ပြုလုပ်တဲ့ ၂၀၁၇ ခုနှစ် အပြည်ပြည်ဆိုင်ရာ အမျိုးသမီးများနေ့ အခမ်းအနားမှာ ဒီဗွီဘီကို အခုလိုပြောဆိုသွားတာပါ။
“တိုးတက်ကောင်းမွန်နေပါတယ်။ အရမ်းအခြေနေကောင်းပါတယ်။ သတ်မှတ်ထားတဲ့ ရက်အတိုင်း ကျန်းမာကောင်းမွန်လာနိုင်ပါတယ်။” လို့ ပြောပါတယ်။
ရန်ကုန်တိုင်းဝန်ကြီးချုပ် ဦးဖြိုးမင်းသိန်းဟာ မွေးရာပါ နှလုံးအဆို့ရှင် မလုံခြင်းနဲ့ဆိုင်တဲ့ သွေးကြောမကြီး ကြီးနေတဲ့အတွက် မတ်လ ၅ ရက်နေ့မနက်က ရန်ကင်းကလေးဆေးရုံကြီးမှာ ခွဲစိတ်ကုသမှုခံယူထားရပါတယ်။
ဝန်ကြီးချုပ် ကျန်းမာရေးကုသနေချိန် ရန်ကုန်တိုင်းဒေသကြီးလုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးတင်အောင်ထွန်းက ခေတ္တဝန်ကြီးချုပ်အနေနဲ့ ယာယီတာဝန်ယူထားပါတယ်။
DVB
No comments:
Post a Comment