ဆေးဘက်ဝင်တဲ့ ကန်စွန်းရွက်
ကန်စွန်းရွက်ဟာ အရွက်စိမ်းစိမ်းစိုစိုရှိပြီး ပင်စည်ရိုးတံကိုပါ စားသုံးနိုင်တဲ့ ဟင်းရွက်တစ်မျိုးပါ။ မြန်မာနိုင်ငံမှာလည်း ပေါပေါများများ ရနိုင်ပါတယ်။ ကန်စွန်းရွက်ကို ကြော်စားတာ၊ ချဉ်ဟင်းချက်သောက်တာလို ပြင်ဆင်ပြီး သုံးဆောင်နိုင်သလို ရေနွေးဖျောပြီး သုပ်စားရင်လည်း စားကောင်းပါတယ်။ ကန်စွန်းရွက် (Water Spinach) ရဲ့ ရုက္ခဗေဒအမည်က Ipomoea Aquatica လို့ ခေါ်ပါတယ်။
ဈေးထဲမှာ ပေါပေါများများ တွေ့နိုင်ပြီး ဈေးမကြီးဘဲ ဝယ်ယူလို့ရတဲ့ ကန်စွန်းရွက်က အာဟာရတန်ဖိုးမှာတော့ အကျိုးကျေးဇူးမနည်းလှပါဘူး။ ကန်စွန်းရွက် ၁၀၀ ဂရမ်မှာ ကယ်လိုရီပမာဏ ၂၉ ၊ ကာဘိုဟိုက်ဒြိတ် ၅.၄ ဂရမ်၊ အမျှင်ဓာတ် ၁ ဂရမ်၊ အသားဓာတ် ၃ ဂရမ်၊ အဆီဓာတ် ၀.၃ ဂရမ် တို့ ပါဝင်ပါတယ်။ ကယ်လ်ဆီယံ (Calcium) ၊ ဖော့စ်ဖောရပ် (Phosphorus) ၊ ဆယ်လီနီယမ် (Selenium)၊ ဇင့် (Zinc)၊ သံဓာတ်၊ ဗီတာမင် A, B1, C တို့အပြင် ရေဓာတ် ၈၉.၇ ဂရမ် ပါဝင်ပါတယ်။
ကန်စွန်းရွက်ရဲ့ အဓိကကောင်းကျိုးကတော့ အဆိပ်အတောက်တွေကို ပြေပျောက်စေတာပါပဲ။ ကန်စွန်းရွက်ကိုကြိတ်တာ သို့မဟုတ် ထုထောင်းပြီး ရလာတဲ့အရည်ကို သောက်ပေးရင် အဆိပ်အတောက်တွေပြေစေပါတယ်။ မီးပူလောင်၊ ရေနွေးပူလောင်ရင်လည်း ကန်စွန်းရွက်ကို ထုချေပြီး အုံပေးတာ ဒါမှမဟုတ် အရည်ညှစ်ပြီး သုတ်ပေးတာမျိုး ပြုလုပ်ပေးမယ်ဆို အပူလောင်တာ သက်သာစေပါတယ်။ အရေကြည်ဖုတွေလည်း မထတော့ပါဘူး။ ကန်စွန်းရွက်မှာ ဆယ်လီနီယမ်နဲ့ဇင့်တို့ ပါဝင်လို့ အိပ်စက်မှုကို အထောက်အကူဖြစ်စေပါတယ်။ အိပ်မပျော်သူတွေ စားပေးသင့်ပါတယ်။ အမျှင်ဓာတ်တွေ များစွာပါဝင်လို့ ဝမ်းလည်းမှန်စေပါတယ်။
Source : Vegeta Frui : Duwun
Subscribe to:
Post Comments (Atom)
No comments:
Post a Comment