ရန်ကုန်၊ ဖေဖော်ဝါရီ ၂၃
နိုင်ငံတော်သမ္မတက မွန်ပြည်နယ် ဝန်ကြီးချုပ် ဦးမင်းမင်းဦးကို ဝန်ကြီးချုပ် ရာထူးမှ နုတ်ထွက်ခွင့် ပြုလိုက်ပြီ ဖြစ်ကြောင်း ကာယကံရှင် ဦးမင်းမင်းဦးက အတည်ပြု ပြောကြားသည်။
ဝန်ကြီးချုပ် ရာထူးနှင့် ဝန်ကြီးရာထူးတို့မှ နုတ်ထွက်ရန် ယနေ့ (ဖေဖော်ဝါရီလ ၂၃) ရက်နေ့တွင် ခွင့်ပြုလိုက်ခြင်းဖြစ်ပြီး နိုင်ငံတော်သမ္မတရုံးမှ ယနေ့ ညနေပိုင်းတွင် ကြေညာဖွယ်ရှိကြောင်း ၎င်းက ဆိုသည်။
ပါတီက နုတ်ထွက်ရန်အတွက် နုတ်ထွက်ခွင့် ပါတီသို့ တင်သွားမည် ဖြစ်ကြောင်း ဦးမင်းမင်းဦးက ပြောဆိုသည်။
ဝန်ကြီးချုပ်ရာထူးမှ နုတ်ထွက်ခွင့် ရရှိရန် နိုင်ငံတော်သမ္မတထံသို့ ဖေဖော်ဝါရီလ ၂၀ ရက်နေ့က တင်ပြခဲ့ခြင်းဖြစ်ကြောင်း ၎င်းက ဆိုသည်။
ဦးမင်းမင်းဦးနှင့် ပတ်သက်၍ တိုင်းတန်းချက်များ ရှိသဖြင့် NLD ပါတီမှ အတွင်းရေးမှူး အဖွဲ့ဝင် ဦးဉာဏ်ဝင်း ဦးဆောင်သည့် စုံစမ်းစစ်ဆေးရေးအဖွဲ့ကို အဆိုပါ ပါတီက တာဝန်ပေးခဲ့သည်။
ယင်းသို့ စစ်ဆေးရာတွင် ပြစ်ချက်များ တွေ့ရှိသဖြင့် နုတ်ထွက်ခိုင်းခြင်း ဖြစ်ကြောင်း ဦးဉာဏ်ဝင်းက ပြောဆိုထားသည်။
The Voice
No comments:
Post a Comment