NCA မှာ အားလုံးပါဝင်နိုင်ရေး အစိုးရနဲ့ တပ်မတော် လမ်းဖွင့်ပေးဖို့ KNU တောင်းဆို
Photo: Kyaw Lwin Oo/ RFA
( လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲကို ဇန်နဝါရီလ ၁၈ ရက်နေ့က ဘားအံမြို့သီရိဟော်တယ်မှာကျင်းပနေစဉ် )
တစ်နိုင်ငံလုံး အပစ်ခတ်ရပ်စဲရေးသဘောတူစာချုပ် NCA မှာ လက်မှတ်မထိုးရသေးတဲ့ တိုင်းရင်းသား လက်နက်ကိုင်တွေ အမြန်ဆုံးပါဝင်လက်မှတ်ထိုးနိုင်အောင် အစိုးရနဲ့ တပ်မတော်က ပိုမိုလမ်းဖွင့်ပေး ဖို့နဲ့ တိုက်ပွဲဖြစ်ပွားနေတာတွေကို နှစ်ဘက်ခေါင်းဆောင်တွေ တွေ့ဆုံဆွေးနွေး အဖြေရှာဖို့ ကရင် အမျိုးသားအစည်းအရုံး KNU ဥက္ကဌ မူတူးစေးဖိုး က တောင်းဆိုလိုက်ပါတယ်။
ဒီနေ့ ကရင်ပြည်နယ် ဘားအံမြို့ သီရိဟန်သာဟိုတယ်မှာ ကျင်းပတဲ့ လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲမှာ အဖွင့်မိန့်ခွန်းပြောကြားရာမှာ KNU ဥက္ကဌ မူတူးစေးဖိုးက ပြောခဲ့တာဖြစ် ပါတယ်။
အစိုးရနဲ့ အပစ်ခတ်ရပ်စဲရေးစာချုပ် NCA မှာလက်မှတ်ရေးထိုးထားတဲ့အဖွဲ့တွေက စီစဉ်တဲ့ လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲကို ကရင်ပြည်နယ်က စတင်ကျင်းပတာ ဖြစ်ပါတယ်။
တိုင်းရင်းသားလက်နက်ကိုင်အဖွဲ့တွေနဲ့ တပ်မတော်အကြား သံသယစိတ်တွေမထားဘဲ ယုံကြည်မှုနဲ့ ငြိမ်းချမ်းရေးကိုတည်ဆောက်ကြဖို့ ဆွေးနွေးပွဲကို တက်ရောက်လာတဲ့ အရှေ့တောင်တိုင်းစစ်ဌာနချုပ် တိုင်းမှူး ဗိုလ်ချုပ်မျိုးဝင်း က တိုက်တွန်းခဲ့ပါတယ်။
ဆွေးနွေးပွဲကို ကရင်ပြည်နယ်အစိုးရအဖွဲ့၊ ကရင်တိုင်းရင်းသားလက်နက်ကိုင်အဖွဲ့တွေ၊ ကရင်နိုင်ငံရေး ပါတီတွေ၊ မွန် တနင်္သာရီ ရန်ကုန် ပဲခူး ဧရာဝတီ စတဲ့ တိုင်းနဲ့ ပြည်နယ်တွေက ကရင်တိုင်းရင်းသား ကိုယ်စားလှယ်တွေ၊ အရပ်ဖက်အဖွဲ့တွေ၊ ပြည်ထောင်စုငြိမ်းချမ်းရေးကော်မရှင် အဖွဲ့ဝင်တွေ စုစုပေါင်း ကိုယ်စားလှယ် ၇၀၀ လောက် တက်ရောက်ဆွေးနွေးနေတာဖြစ်ပါတယ်။
NCA စာချုပ်အရ လူမျိုးအလိုက်၊ ဒေသအလိုက်နဲ့ အကြောင်းအရာအလိုက် အမျိုးသားအဆင့် နိုင်ငံရေးဆွေးနွေးပွဲတွေကို ကျင်းပရမှာဖြစ်ပြီး ပထမဆုံးအကြိမ်အဖြစ် လူမျိုးအလိုက် အမျိုးသား အဆင့်နိုင်ငံရေးဆွေးနွေးပွဲကို ဘားအံမြို့မှာ ၃ ရက်ကြာ ကျင်းပတာဖြစ်ပါတယ်။
ဆွေးနွေးပွဲကနေ ကရင်လူမျိုးစုအဆိုပြုချက် တစ်ရပ်ထွက်ရှိလာမှာဖြစ်ပြီး အဲဒီအဆိုပြုချက်ကို လာမယ့် ဖော်ဖော်ဝါရီလမှာကျင်းပမယ့် ဒုတိယအကြိမ် ပြည်ထောင်စုငြိမ်းချမ်းရေးညီလာခံမှာ တင်သွင်းမှာဖြစ်တယ်လို့ သိရပါတယ်။
Sources: RFA
Subscribe to:
Post Comments (Atom)
No comments:
Post a Comment