Latest News

Monday, January 16, 2017

ကုလသမဂ္ဂအထူးကုိုယ်စားလှယ်ကုို ရှမ်းပြည်နယ်သို့ လာရောက်လေ့လာရန် ရှမ်းလူ့အခွင့်အရေးမဏ္ဍိုင် တုိုက်တွန်း

ကုလသမဂ္ဂအထူးကုိုယ်စားလှယ်ကုို ရှမ်းပြည်နယ်သို့ လာရောက်လေ့လာရန် ရှမ်းလူ့အခွင့်အရေးမဏ္ဍိုင် တုိုက်တွန်း



ရှမ်းပြည်နယ်မြောက်ပုိုင်း၊ ကျောက်မဲမြို့နယ် ပန်မတ်မီးကျေးရွာတွင် တိုက်ပွဲများကြောင့် ရွာသား ၃ ဦး သေဆုံးကာ ၇ ဦး ဒဏ်ရာရရှိခဲ့သည်ဟု ရှမ်းလူ့အခွင့်အရေးမဏ္ဍိုင်က ဇန်နဝါရီလ ၁၆ ရက်က ထုတ်ပြန်ထားသည်။

လက်ရှိ မြန်မာနုိုင်ငံတွင် ရောက်ရှိနေသော ကုလသမဂ္ဂအထူးကိုယ်စားလှယ် မစ္စယန်ဟီးလီအား ရှမ်းပြည်နယ်အတွင်း လာရောက်လေ့လာရန် တုိုက်တွန်းတောင်းဆုိုခြင်း ဖြစ်သည်ဟု ရှမ်းလူ့အခွင့်အရေးမဏ္ဍိုင်၏ ပြောရေးဆုိုခွင့်ရှိသူ နန်းလွန့်လှိုင်က ပြောသည်။

“မစ္စ ယန်ဟီးလီက မြန်မာနုိုင်ငံမှာ ရောက်ရှိနေတယ်။ သူ့ခရီးစဉ်က ရှမ်းပြည်နယ်မှာ မပါဘူး။ အဲဒါကြောင့် သူ့ကုို ပုိုပြီးမှ ရှမ်းပြည်နယ်ဘက်မှာ ဖြစ်ပွားနေတဲ့ ပဋိပက္ခတွေကုို ဦးတည်စေချင်တယ်။ သွားရောက်ပြီးမှ သိစေချင်တယ်။ နေအိမ်တွေပါ ထိခုိုက်ပျက်စီးကုန်တယ်။ ဖြစ်ပျက်နေတဲ့ကိစ္စကုို ထပ်မဖြစ်ပွားစေအောင် တုိုက်တွန်းချင်တယ်”ဟု သူက ပြောသည်။

ယခုကဲ့သုို့  တုိုက်ခုိုက်နေခြင်းသည် ဒီမုိုကရေစီစနစ်ဖြင့် သွားနေခြင်း မဟုတ်ဘဲ ငြိမ်းချမ်းသော နည်းဖြင့် ဆွေးနွေးအဖြေရှာသွားရန် ရှမ်းလူ့အခွင့်အရေးမဏ္ဍိုင်က တောင်းဆုိုသည်ဟု ပြောသည်။

“ရှမ်းလူ့အခွင့်အရေမဏ္ဍိုင်က ဖြစ်နုိုင်ရင် စားပွဲပေါ်မှာ ထုိုင်ပြီးတော့ ဆွေးနွေးစေချင်တယ်။ ငြိမ်းချမ်းရေး ဒီမုိုကရေစီဆောင်ရွက်စေချင်တယ်”ဟု နန်းလွန့်လှိုင်က ဆက်လက်ပြောဆုိုသည်။

ထုိုနေ့က ပန်မတ်မီးကျေးရွာနှင့် တစ်မုိုင်အကွာရှိ ဝမ်ယောင် ပန်လရွာ အခြေစုိုက် တပ်မတော်၏ တပ်ရင်း ခလရ ၅၀၆ တပ်ဖွဲ့နှင့် တအာင်းအမျိုးသားလွတ်မြောက်ရေးတပ်မတော် (TNLA) တို့ တစ်နေကုန် ပစ်ခတ်ခဲ့သည်ဟု ရှမ်းလူ့အခွင့်အရေးမဏ္ဍိုင်၏ ထုတ်ပြန်ချက်တွင် ပါရှိသည်။

ပန်မတ်မီးကျေးရွာတွင် အိမ်ခြေ ၁၀၀ ခန့်ရှိပြီး လူဦးရေ ၃၀၀ ကျော် နေထုိုင်နေပြီး ဒေသခံ ၂၀၀ ကျော်သည် ကျောက်မဲမြို့သုို့ ထွက်ပြေးတိမ်းရှောင်ခဲ့ရာမှ ဇန်နဝါရီလ ပထမပတ်တွင် မိမိတို့ နေရပ်သုို့ ပြန်လာခဲ့ရသည်ဟု ဆုိုသည်။

ကုသမဂ္ဂ အထူးကုိုယ်စားလှယ် မစ္စယန်ဟီးလီသည် မြန်မာနုိုင်ငံသို့ ၅ ကြိမ်မြောက်အဖြစ် ဇန်နဝါရီလ ၈ ရက်က ရောက်ရှိလာ၍ ကချင်ပြည်နယ်၊ ရခုိုင်ပြည်နယ်များသုို့ သွားရောက်ခဲ့သည်။


Sources; Mizzima

No comments:

Post a Comment