အကြမ်းဖက် တိုက်ခိုက်မှုကြောင့် ဖိလစ်ပိုင်ထောင်သား ၁၁၁ ဦးလွတ်မြောက်နေ
ဖိလစ်ပိုင်နိုင်ငံတောင်ပိုင်းက ထောင် ကို အကြမ်းဖက်တိုက်ခိုက်ခဲ့မှုကြောင့် လက်ရှိအချိန်မှာ ထောင်သား (၁၁၁ )ဦးထွက်ပြေးလွတ်မြောက်ဆဲဖြစ်တယ်လို့ ဖိလစ်ပိုင်အစိုးရတာဝန်ရှိသူတွေကပြောပါတယ်။ ဒါအပြင် ထောင်က လွတ်မြောက်ခဲ့သူ ၁၅၈ ဦးထဲက ၄၀ ဦးကိုသာ ပြန်ဖမ်းမီခဲ့ပြီး ၇ ဦး မှာ ပြန်ဖမ်းစဉ်ခုခံမှုကြောင့် ပစ်သတ်ခဲ့တာဖြစ်တယ်လို့ သိရပါတယ်။
ပြီးခဲ့တဲ့ ဗုဒ္ဓဟူးနေ့က သေနတ်သမား ၁၀၀ ကျော် က ထောင်ကို တိုက်ခိုက်မှု တွေပြုလုပ်ချိန်မှာထောင်သားတွေလွတ်မြောက်ခဲ့တာဖြစ်ပါတယ်။
မနီလာမြို့အရှေတောင်ပိုင်းက ၉၃၀ ကီလိုမီတာ အကွာရှိ ကီဒါပါဝန် မြို့ ကိုတာဘာတို ထောင်ကို မွတ်စလင် သူပုန်တွေက အကြမ်းဖက်တိုက်ခိုက်ခဲ့တာဖြစ်ပါတယ်။
အခု တိုက်ခိုက်မှုကို အစိုးရ နဲ့ငြိမ်းချမ်းရေးဆွေးနွေးမှုတွေလုပ်နေတဲ့ မိုရို အစ္စလာမ်မစ်လွတ်မြောက်ရေးတပ်ဦး (MILF), ဒါမှမဟုတ် ဘန်ဆာမိုရို အစ္စလာမ်မစ် လွတ်မြောက်ရေး တိုက်ခိုက်ရေးအဖွဲ့ ကတိုက်ခိုက်တာဖြစ်နိုင်တယ်လို့ ဖိလစ်ပိုင်အစိုးရ က သံသယရှိနေပါတယ်။
ဒါပေမယ် အဲဒီအဖွဲ့ နှစ်ဖွဲ့ကတော့ အဲဒီ တိုက်ခိုက်မှုမှာ ပါဝင်တာမရှိဘူးလို့ ဆိုပါတယ်။ ကီဒါပါဝန်မြို့ ဟာ ဖိလစ်ပိုင်နိုင်ငံ မင်ဒါနာအို ပြည်နယ် ရဲ့အဓိက မြို့ဖြစ်ပြီး အဲဒီဒေသမှာ ၁၉၇၀ ခုနှစ်တည်းက ဖိလစ်ပိုင် မွတ်စလင်တွေက လွတ်လပ်ရေးအတွက် တိုက်ခိုက်မှုတွေလုပ်ခဲ့ပါတယ်။
REF Al Jazeera's ဇက်အမ်အို (တိုင်းဧရာ) ဘာသာပြန်သည်။
Thursday, January 5, 2017
အကြမ်းဖက် တိုက်ခိုက်မှုကြောင့် ဖိလစ်ပိုင်ထောင်သား ၁၁၁ ဦးလွတ်မြောက်နေ
အကြမ်းဖက် တိုက်ခိုက်မှုကြောင့် ဖိလစ်ပိုင်ထောင်သား ၁၁၁ ဦးလွတ်မြောက်နေ
Reviewed by Ar Ti
on
5:16 AM
Rating: 5
![](https://4.bp.blogspot.com/-AoyCeUsOzHw/WG5HBrqR_tI/AAAAAAAAEII/LxudNGr-XXsoVHlxCD9r_HBuZ9NbVjKGgCLcB/s72-c/IMG_20170105_194429.png)
Subscribe to:
Post Comments (Atom)
No comments:
Post a Comment