နေပြည်တော်၊ ဒီဇင်ဘာ ၁၄
အခုနောက်ပိုင်းမှာ ရာဇဝတ်မှုတွေများပြားလာတဲ့အတွက် ဘဏ်ရဲ့လုံခြုံရေးပိုင်းမှာတာဝန်ယူတဲ့ သူတွေကိုလက်နက် ကိုင်ဆောင်ခွင့်ပြုသင့်တယ်လို့ ဘဏ်လုပ်ငန်းရှင်တွေကဆိုပါတယ်။
မြန်မာနိုင်ငံဘဏ်လုပ်ငန်းရှင်များအသင်း၊ ဥက္ကဋ္ဌ ဦးခင်မောင်အေးက ခုနောက်ပိုင်းဘဏ်ရဲ့လုံခြုံရေးအပိုင်းကတော်တော်ကို အရေးကြီးလာတယ်၊ အဲဒါနဲ့ ပတ်သက်ပြီးတော့လဲ ကျွန်တော်တို့မှာ ဥပဒေတို့ ဘာတို့မှာအခက်အခဲတွေ ရှိနေတယ်၊ ဘဏ်တွေလုံခြုံရေးလုပ်ရာမှာ ကိုင်ဖို့တွယ်ဖို့ဘာအခွင့်အရေးမှ မရှိဘူး၊ ဒါလေးတွေပြုပြင်ပေးဖို့လိုပါတယ်လို့ ပြောပါတယ်။
ဘဏ်လုပ်ငန်းတွေအနေနဲ့ ငွေတွေကိုကားနဲ့သယ်ယူရတဲ့အခါ အခက်အခဲတွေရှိနေသလို လုံခြုံရေးအပိုင်းမှာလည်း ကိုယ့်နည်းကိုယ့်ဟန်နဲ့ဖြေရှင်းနေရတဲ့ အတွက် လုံခြုံရေးတာဝန်ယူတဲ့အပိုင်းမှာ လက်နက်ကိုင်ဆောင်ခွင့်ပေး သင့်တယ်လို့ ဆိုပါတယ်။
‘ကျွန်တော်တို့ကို ရဲကအစပေးထားတာမရှိဘူး၊ အဲဒီအခါမှာ ကိုယ့်ရဲ့လူလေးတွေကို လက်နက်ဘာညာကိုင်ဆောင်ခွင့်လေးတွေ လိုအပ်လိမ့်မယ်လို့ ထင်ပါတယ်၊ ဒါ့အပြင် ရာဇဝတ်မှုတစ်ခုခုဖြစ်ရင်ပဲဖြစ်ဖြစ်ပေါ့၊ ဖြစ်တဲ့အခါကျရင် စိစစ်တဲ့ကိစ္စလေးတွေပေါ်လာတာပေါ့၊ အဲဒီအခါ ရဲဝန်ထမ်းတွေစသုံးလုံး အပါအဝင်အဖွဲ့အစည်းတွေက ဘဏ်တွေနဲ့လာပြီးညှိနှိုင်းသင့်တာပေါ့လို့ ဥက္ကဋ္ဌ ဦးခင်မောင်အေးကပြောပါတယ်။
ဒါကြောင့် ပြည်တွင်းဘဏ်တွေရဲ့ လုံခြုံရေးပိုင်းနဲ့ပတ်သက်ပြီး လက်နက်ကိုင်ဆောင်ခွင့်ပြုဖို့ လိုအပ်တယ်လို့ စီမံကိန်းနှင့် ဘဏ္ဍာရေးဝန်ကြီးဌာနနဲ့ ဗဟိုဘဏ်အပါအဝင် ဘဏ်လုပ်ငန်းရှင်များနဲ့တွေ့ဆုံပွဲအခမ်းအနားမှာဘဏ်လုပ် ငန်းရှင်တွေက တင်ပြတောင်းဆိုကြပါတယ်။
Author – မာရီခိုင်
KUMUDRA
No comments:
Post a Comment