နေပြည်တော်၊ ဒီဇင်ဘာ ၁၈
ထိုင်းဘုရင်အသစ်အဖြစ်လောင်ကွန်းမင်းသားနန်းတက်တဲ့ အခါမှာ လိပ်ကျွန်းလူသတ်မှုက (၀င်းနဲ့ဇော်)ကို လွတ်ငြိမ်းချမ်းသာခွင့်နဲ့လွှတ်ပေးဖို့ မျှော်လင့်နေတယ် လို့ အလုပ်သမားနဲ့လ၀က ၀န်ကြီး ဦးသိန်းဆွေက ပြောပါတယ်။
ထိုင်းဘုရင်သစ်နန်းတက်ချိန်မှာ နိုင်ငံတစ်ခုလုံးမှာရှိတဲ့ အကျဥ်းသားတွေကို လွတ်ငြိမ်းချမ်းသာခွင့်နဲ့လွှတ်ပေးမယ်ဆိုတဲ့ သတင်းတွေ ကြားသိရပြီး အဲ့အထဲမှာ မြန်မာ လုပ်သားနှစ်ဦးဖြစ်တဲ့ (၀င်းနဲ့ဇော်)လည်း ပါဝင်မယ်လို့ သတင်းတွေ ကြားသိနေရကြောင်း ၊ ဒီသတင်းတွေ အရ တရားဝင် လွှတ်ပေးကြောင်း အကြောင်းကြားစာ ကို ထိုင်းအစိုးရဘက်ကရရှိအောင်ကြိုးပမ်းသွားမယ်လို့ လည်း ဦးသိန်းဆွေကပြောကြားခဲ့ပါတယ်။
"တရားဝင်အကြောင်းကြားလာတာတော့မရှိသေးဘူး"လို့ သူကပြောပါတယ် ။
ဒီဇင်ဘာ ၁၈ ရက်နေ့ က နေပြည်တော်၊ အပြည်ပြည်ဆိုင်ရာ ကွန်ဗင်းရှင်းစင်တာ ၂မှာ ကျင်းပတဲ့ အပြည်ပြည်ဆိုင်ရာရွှေ့ပြောင်းသွားလာသူများနေ့အခမ်းအနားအပြီးမှာပေါ်ပြူလာနယူးစ်ရဲ့မေးမြန်းမှုကို ဦးသိန်းဆွေက အထက်ပါအတိုင်းဖြေကြားခဲ့တာဖြစ်ပါတယ်။
လက်ရှိ နောက်ဆုံးရရှိ ထားတဲ့သတင်းတွေ အရတော့ ထိုင်းဘုရင်သစ်လောင်ကွန်း နန်းတက်တဲ့အထိမ်းအမှတ်အနေနဲ့ နိုင်ငံတစ်ဝှမ်းက အကျဉ်းသားတွေကို လွတ်ငြိမ်းချမ်းသာခွင့်နဲ့ လွှတ်ပေးမယ်ဆိုတဲ့ သတင်းတွေထွက်ပေါ်နေပြီး ( ၀င်းနဲ့ဇော်) ပါ/မပါကတော့ ဒီကနေ့ ထိ အတည်ပြုထုတ်ဖော်ပြောဆိုခြင်းမရှိသေးပါဘူး။
လက်ရှိ အယူခံတရား ရုံးရဲ့ အမိန့်ကိုစောင့်နေတဲ့ (၀င်းနဲ့ဇော်) အမှုမှာ လွတ်ငြိမ်းချမ်းသာခွင့်နဲ့လွတ်မြောက်ဖို့လည်း ထိုင်းအလုပ်သမားအရေးဆောင်ရွက်သူတွေ ကမျှော်လင့်နေကြပါတယ်။
စိုင်းလမင်း
#PopularNews
No comments:
Post a Comment