ရခိုင်ပြည်နယ်ပြဿနာ၊ မီးလောင်ရာလေပင့်တတ်သူများနှင့် မိတ်ဆွေကောင်းလိုနေသည့် မြန်မာ

ရခိုင်ပြည်နယ်ပြဿနာ၊ မီးလောင်ရာလေပင့်တတ်သူများနှင့် မိတ်ဆွေကောင်းလိုနေသည့် မြန်မာ

မြန်မာနိုင်ငံနှင့်ပတ်သက်၍ အာဆီယံဒေသတွင်းနှင့် နိုင်ငံတကာမှ မီဒီယာများ လတ်တလော ထုတ်လွှင့်၊ ရေးသားဖော်ပြနေမှုများကိုကြည့်လျှင် ရခိုင်ပြည်နယ်နှင့် ဘင်္ဂါလီပြဿနာက ထိပ်ဆုံးနေရာတွင်ရှိနေသလို ယင်းပြဿနာအပေါ် မီးမောင်းထိုးဖော်ပြရာ၌ အလွန်အမင်း အနုတ် လက္ခဏာဆောင်သည့် တင်ဆက်မှုများ ဖြစ်နေရုံမျှမက မှားယွင်းသည့် သတင်းအချက်အလက်များကိုပါ ထည့်သွင်းလာသည့် အနေအထားမျိုးဖြစ်နေသည်ကိုပင်တွေ့ရပါသည်။

ပြီးခဲ့သည့် သီတင်းပတ်၊ ဒီဇင်ဘာ ၇ ရက်နေ့က အ၀ါရောင်သတင်းများ(လူပြိန်းစကားနှင့် ပြောရ လျှင် ပရိသတ်စိတ်ဝင်စားမှုရအောင် ဖွသည့်သတင်း များ) အလေးပေးဖော်ပြလေ့ရှိသည့် ဗြိတိန်အခြေစိုက် The Independent နှင့် Daily Mail သတင်းစာ နှစ်စောင်က ဘင်္ဂါလီကလေးငယ်ဟုဆိုသော ကလေးငယ်တစ်ဦး လျှပ်စစ်ဓာတ်အားသုံး တုတ်တံဖြင့် ထိုးနှက်နှိပ်စက်ခံနေရပုံကို ဗီဒီယိုဖိုင်နှင့်တကွ ယင်းသတင်းစာများ၏ အင်တာနက်စာမျက်နှာတွင် ဖော်ပြခဲ့သည်။ ယင်းသတင်းတက်လာပြီးနောက် မကြာမီအချိန်ပိုင်းတွင်ပင် ဗီဒီယိုဖိုင်၌ပါရှိသော ကလေးငယ်မှာ ဘင်္ဂါလီ(၎င်းတို့အခေါ် ရိုဟင်ဂျာ)ကလေးငယ်မဟုတ်ဘဲ ကမ္ဘောဒီးယားနိုင်ငံမှ ၂ နှစ်သား အရွယ်ကလေးငယ်ဖြစ်နေကြောင်း သိရ၍ ယင်းသတင်းရော၊ ဗီဒီယိုဖိုင်ကိုပါ ပြန်လည်ဖြုတ်ချ သွားခဲ့သည်။ သတင်းအမှားဖော်ပြခဲ့မှုအပေါ် ဖြေရှင်းချက်တစ်စုံတရာမဖော်ပြသလို အမှားပြင်ဆင်ချက်လည်း ဖော်ပြမှုမပြုခဲ့ပေ။ ရက်ပိုင်းမျှအကြာတွင်ပင် AFP နှင့် အခြားသတင်းဌာနများက ၂ နှစ်သားအရွယ် ကလေးငယ်ကို ညှဉ်းပန်းနှိပ်စက်ခဲ့သည့် ဒတ်ခ်ျလူမျိုးနှင့် ဗီယက်နမ်လူမျိုးတို့ ဖမ်းဆီးထိန်းသိမ်းခံရကြောင်း အသီးသီးဖော်ပြလာသည်။

အဆိုပါ သတင်းအမှားများ မပေါ်ထွက်မီ သီတင်းပတ်များကလည်း နေ့စဉ်နေ့တိုင်းလိုလိုပင် နိုင်ငံတကာ သတင်းမီဒီယာအတော်များများတွင် မြန်မာနိုင်ငံ၌ ဘင်္ဂါလီလူမျိုးများ လူမျိုးတုံးသတ်ဖြတ်ခံနေရသည်ဟု စွပ်စွဲရေးသားထားသည့် သတင်းများ ဖော်ပြခဲ့ကြသည်။ ယင်းစွပ်စွဲချက်ကိုပင် အဂတိလိုက်စားမှုများကြောင့် ရာထူးမှနုတ်ထွက်ပေးရမည့် အခြေအနေနှင့် ပြည်တွင်းဖိအားများ ရင်ဆိုင်နေရသူ မလေးရှားဝန်ကြီးချုပ် နာဂျစ်ရာဇတ်က ကောင်းစွာအသုံးချခဲ့သေးသည်။ နာဂျစ်ရာဇတ်က မြန်မာနိုင်ငံ၌ ဘင်္ဂါလီလူမျိုးများ လူမျိုးတုံးသတ်ဖြတ်ခံနေရမှု ဆန့်ကျင်ရေး ဆန္ဒပြပွဲကြီးကိုပင် ကိုယ်တိုင် ဦးဆောင်ကာ ၎င်းကြုံတွေ့နေရသည့် နိုင်ငံရေးဖိအားများ လျော့ပါးသွားအောင် ကြိုးပမ်းခဲ့သေးသည်။

သို့သော် နာဂျစ်အတွက်မျက်နှာပန်းသိပ်မလှ ဖြစ်ခဲ့ရသည့်အချက်မှာ မလေးရှားနိုင်ငံကိုယ်တိုင်ပင် ဘင်္ဂါလီလူမျိုး ၂၀၀,၀၀၀ ခန့်ကိုလက်ခံထားရပြီး ယင်းလူမျိုးများအပေါ် အာဏာပိုင်များက ဖိနှိပ်မှုများရှိသည်ဟူသော လူ့အခွင့်အရေးအုပ်စုများ၏ စွပ်စွဲချက်များနှင့် ရင်ဆိုင်နေရသောကြောင့်ပင်ဖြစ်သည်။ နာဂျစ်ရာဇတ်က ဘင်္ဂါလီလူမျိုးများ လူမျိုးတုံး သတ်ဖြတ်ခံနေရမှုအတွက် မြန်မာနိုင်ငံကို ဆန့်ကျင်ဆန္ဒပြမှုတွင် အင်ဒိုနီးရှားနိုင်ငံအနေနှင့် ပူးပေါင်းလာအောင် ဆော်သြမည်ဟုပင်ဆိုခဲ့သည်။

မွတ်ဆလင် လူဦးရေအများဆုံး အာဆီယံနိုင်ငံဖြစ်သော အင်ဒိုနီးရှား အနေနှင့် ပူးပေါင်းပါက မြန်မာနိုင်ငံအပေါ် ပိုမို ဖိအားပေးနိုင်လိမ့်မည်ဟု နာဂျစ်ရာဇတ်က ယူဆခဲ့ ဖွယ်ရှိသည်။ သို့သော်လည်း အာဆီယံ၏ အသက် သဖွယ်ဖြစ်သော အဖွဲ့ဝင်နိုင်ငံတစ်နိုင်ငံ၏ ပြည်တွင်း ရေးကို အခြားအဖွဲ့ဝင်နိုင်ငံတစ်နိုင်ငံက ၀င်ရောက် စွက်ဖက်မှုမပြုရေးဟူသည့် မူဝါဒကို ကောင်းစွာ နားလည်သဘောပေါက်သည့် အင်ဒိုနီးရှားအစိုးရက လိမ္မာပါးနပ်စွာပင်ရှောင်ရှားသွားသည်။ အင်ဒိုနီးရှား နိုင်ငံခြားရေးဝန်ကြီး ရက်နိုမာဆူဒီသည် မြန်မာနိုင်ငံ ခြားရေးဝန်ကြီးလည်းဖြစ်သူ ဒေါ်အောင်ဆန်းစုကြည် နှင့် တွေ့ဆုံကာ ယင်းကိစ္စနှင့်ပတ်သက်၍ ဆွေးနွေးခဲ့ သည်။ ဆွေးနွေးမှုမှာ အဆင်ချောမွေ့ခဲ့သလို အင်ဒိုနီးရှားက မြန်မာနိုင်ငံ၏ ပြည်တွင်းရေးကို ၀င်ရောက်စွက်ဖက်မည် မဟုတ်ပါကြောင်း ကတိက၀တ်ပင် ပေးခဲ့သည်ဟု ထိုင်းနိုင်ငံထုတ် The Nation သတင်းစာက ရေးသားဖော်ပြခဲ့သည်။ "ဘင်္ဂါလီ(ရိုဟင်ဂျာ)ကိစ္စသည် လွန်စွာအရေးကြီးသည့် အရေးကိစ္စဖြစ်သည်မှာ ယုံမှားသံသယဖြစ်စရာမလိုပေ။

သို့သော် မြန်မာနိုင်ငံအနေနှင့် ကိုယ့်နည်းကိုယ့်ဟန်ဖြင့် ဖြေရှင်းခွင့်ရသင့်သည်။ ဤအချက်ကို နာဂျစ်ရာဇတ်၏ မလေးရှားအစိုးရ ကောင်းစွာသိထားသင့်သည်" ဟု The Nation သတင်းစာက ဆိုသည်။

မှန်ပါသည်။ ကြားဝင်စွက်ဖက်မှု မပြုရေးဟူသည့် မူဝါဒမှာ အာဆီယံနိုင်ငံများ စုစည်းမှု၏ အသက်သွေးကြောဖြစ်ရာ ပြင်ပနိုင်ငံများ၏ ဖိအားဖြင့် ဘင်္ဂါလီအရေးကိစ္စကို ဖြေရှင်းရန် မည်သို့မျှ သင့်တော်မည်မဟုတ်ပေ။ မြန်မာအစိုးရအနေနှင့် ရှိထားသော အခြေအနေနှင့် အသင့်တော်ဆုံးဖြစ်မည့် နည်းလမ်းဖြင့်သာ ဘင်္ဂါလီကိစ္စကို ဖြေရှင်းသင့်သည်။ ယခင်အာဆီယံ အထွေထွေအတွင်းရေးမှူးဟောင်းဖြစ်သူ ဆူရင်ပစ်ဆာဝမ်က Nikkei Asia Review သတင်းမဂ္ဂဇင်းနှင့် တွေ့ဆုံရာတွင် ဘင်္ဂါလီကိစ္စသည် အာဆီယံဒေသတစ်ခုလုံး မတည်မငြိမ်ဖြစ်သွားစေမည့် အလားအလာ ရှိနေသည်ဟု သတိပေးသည်။ "ကျွန်တော့်အမြင်ပြောရရင် အဲဒီကိစ္စကို စနစ်တကျ စုစည်းပြီး တုံ့ပြန်ဖို့လိုအပ်လိမ့်မယ်၊ ဒေသတွင်းတစ်ခုလုံး ချဉ်းကပ်မှုနဲ့ပေါ့။ အနိမ့်ဆုံးအနေနဲ့ အားလုံးပါဝင်တဲ့ လူသားချင်း စာနာထောက်ထားမှုဆိုင်ရာ အကူအညီ အထောက်အပံ့ပေးနိုင်ဖို့ အာဆီယံခေါင်းဆောင်တွေ စဉ်းစားသင့်တယ်" ဟု ဆူရင်ပစ်ဆာဝမ်က သုံးသပ်ပါသည်။

မြန်မာနိုင်ငံ၏ အိမ်နီးချင်းလည်းဖြစ်ပြီး မြန်မာကဲ့သို့ပင် ဗုဒ္ဓဘာသာကိုးကွယ်သူ ပြည်သူအများစု နေထိုင်ရာ ထိုင်းနိုင်ငံကမူ မြန်မာကို ထောက်ခံကြောင်းနှင့် ဘင်္ဂါလီပြဿနာသည် ပြည်တွင်းရေးကိစ္စဖြစ်သလို ယင်းပြဿနာကို ကိုင်တွယ်ဖြေရှင်းရေးအတွက် ဒေါ်အောင်ဆန်းစုကြည်ကို အချိန်နှင့် နေရာပေးသင့်ကြောင်း ထုတ်ဖော်ပြောဆိုထားသည်။ ထိုင်းအစိုးရ အရာရှိကြီးတစ်ဦးကမူ အကယ်၍ နေပြည်တော်(မြန်မာအစိုးရ)ဘက်ကသာ အဆိုပြုလာမည်ဆိုပါက မည်သို့သော အကူအညီကိုမဆို ပေးရန်အသင့်ရှိကြောင်း ပြောကြားသည်။ ယခုလာမည့် ဒီဇင်ဘာ ၁၉ ရက်(ရှေ့တစ်ပတ်)တွင် ရန်ကုန်မြို့၌ အာဆီယံနိုင်ငံခြားရေးဝန်ကြီးများ အလွတ်တန်း သဘောအထူးအစည်းအဝေးတစ်ရပ် ပြုလုပ်ပြီး နိုင်ငံတကာအသိုင်းအ၀ိုင်းက စိုးရိမ်ပူပန်နေသည့်  ရခိုင်ပြည်နယ်အရေးကို ဆွေးနွေးသွားမည်ဖြစ်သည်ဟု ဒေါ်အောင်ဆန်းစုကြည်က အဆိုပြုထားရာ ယင်းဆွေးနွေးပွဲတွင် မည်သည့်နိုင်ငံက မည်သို့သော အနေအထားမျိုးဖြင့် ကူညီထောက်ပံ့ခွင့် ရမည်ဟူသောကိစ္စကို သိရပါလိမ့်မည်။

မြန်မာအစိုးရခေါင်းဆောင် ဒေါ်အောင်ဆန်းစုကြည် ရွေးချယ်ခန့်အပ်ထားသည့် ရခိုင်ပြည်နယ်ဆိုင်ရာအကြံပေးကော်မရှင် ဥက္ကဋ္ဌနှင့် ကုလသမဂ္ဂ အထွေထွေအတွင်းရေးမှူးချုပ်ဟောင်း ကိုဖီအာနန်က ရခိုင်ပြည်နယ်တွင် ဖြစ်ပေါ်နေသော အခြေအနေ အရပ်ရပ်တို့သည် မီဒီယာများ၊ နိုင်ငံတကာ NGO များနှင့် အခြား အဖွဲ့အစည်းများ စွပ်စွဲပြောဆိုနေသလို လူမျိုးတုံး သတ်ဖြတ်သည်ဟူသည့် အခြေအနေ မဟုတ်ကြောင်းနှင့် ယင်းသို့စွပ်စွဲချက်များကို ပြီးစလွယ်ပြော၍ မသင့်ကြောင်း မီဒီယာများကို အသိပေးပြောဆိုခဲ့သည်။ သို့သော်လည်း ရခိုင်ပြည်နယ်တွင်း ဖြစ်ပေါ်နေသည့် အခြေအနေ အရပ်ရပ်အပေါ် အထူးပင်စိုးရိမ်ပူပန်ကြောင်းနှင့် လုံခြုံရေး တာဝန်ယူထားသော စစ်ဘက်နှင့် ရဲဘက် တပ်ဖွဲ့ဝင်များအနေနှင့် ဥပဒေအတိုင်း ပြုမူဆောင်ရွက်သင့် ကြောင်း ကိုဖီအာနန်က ဆိုသည်။ သို့သော်လည်း ကိုဖီအာနန် ဦးဆောင်သော ကော်မရှင်သည် ပြည်တွင်းသာမက ပြည်ပအဖွဲ့အစည်းများ၏ ဝေဖန်မှုများနှင့် ရင်ဆိုင်နေရဆဲဖြစ်သည်။ ပြည်ပမှ လူ့အခွင့်အရေးအုပ်စုများက ကိုဖီအာနန်၏ ကော်မရှင်သည် ဘင်္ဂါလီတို့၏ ဘေးဒုက္ခများကို သေးနုတ်သွားအောင် ပြောဆိုနေသည်ဟု ဝေဖန်ကြသည်။ ပြည်တွင်းက ဝေဖန်ရေးသမားများကမူ ယင်းကော်မရှင်သည် ဗုဒ္ဓဘာသာ တိုင်းပြည်ကို အမြတ်ထုတ်ကာ ဘင်္ဂါလီတို့ အကျိုးစီးပွားဖြစ်ထွန်းရေးအတွက် လုပ်ဆောင်နေ ခြင်းဖြစ်သည်ဟု ဆိုကြသည်။

မြန်မာနိုင်ငံတွင်း ဒီမိုကရေစီနည်းလမ်းတကျ ရွေးကောက်တင်မြှောက်ခံထားရသည့် အရပ်သားအစိုးရက ဒီမိုကရေစီနှင့် ပြုပြင်ပြောင်းလဲမှုများ ဖော်ဆောင်ရန် အရှိန်ယူနေစဉ် ဘင်္ဂါလီကိစ္စကို သတင်းဆိုးကြီးတစ်ခုသဖွယ် ဒေသတွင်းနှင့် နိုင်ငံ တကာအသိုင်းအ၀ိုင်းက အဆက်မပြတ် ဖော်ပြပြောဆိုလာခြင်းသည် မြန်မာပြည်၏ စီးပွားရေး၊ ပြည်ပရင်းနှီးမြှုပ်နှံရေး အစရှိသည့် ဖွံ့ ဖြိုးမှုလုပ်ငန်းစဉ်များအပေါ် များစွာ ဂယက်ရိုက်ခတ်နိုင်ပါသည်။ လေ့လာဆန်းစစ်သူအချို့ကမူ နိုင်ငံ၏ လက်ရှိ အနေအထားသည် ကောင်းသည့် အချိုးအကွေ့ဘက်သို့ ရောက်ရှိတော့မည်ဖြစ်ရာ ပြည်တွင်းရော၊ ပြည်ပကပါ ဆန့်ကျင်ဘက် အင်အားစုများ၏ သွေးထိုးစမ်းမှုနှင့် ရင်ဆိုင်ရလိမ့်မည်ဖြစ်သည်ဟု ဆိုကြပါသည်။ ဆန့်ကျင်ဘက် အင်အားစုများဟု ဆိုရာတွင်လည်း အိမ်နီးချင်းနှင့် ဒေသတွင်းနိုင်ငံများသာမက အခြား အင်အားကြီးနိုင်ငံများမှ မီဒီယာများနှင့် ဘာသာရေး အဖွဲ့အစည်းများလည်း ပါဝင်သည်ဟူသော အချက် ကို မြန်မာအနေနှင့် အထူးသတိချပ်ရန်လိုပါသည်။ ဘာသာရေးဆက်နွှယ် နိုင်ငံရေး လေ့လာသူအချို့ကမူ အနောက်ကမ္ဘာမှ မီဒီယာများသည် သမိုင်းကြောင်းကြာမြင့်စွာရှိနေခဲ့သည့် ခရစ်ယာန်နှင့် အစ္စလာမ်ဘာသာကြားမှ ရန်မီးစကို ဗုဒ္ဓဘာသာဘက်သို့ပါ ကူးစက်နိုင်ရန်အလို့ငှာ ဘင်္ဂါလီကိစ္စအား အကျိုးရှိရှိ အသုံးချနေခြင်းဖြစ်သည်ဟုပင် မှတ်ချက်ပေးကြသည်။

မည်သို့ပင်ဖြစ်စေ ယင်းဘင်္ဂါလီပြဿနာသည် မြန်မာနိုင်ငံထဲမှ ဘာသာရေးအစွန်းရောက်များနှင့် နိုင်ငံရေးသမားများသာမက ပြည်ပမှ ဘာသာရေးအုပ်စုများနှင့် နိုင်ငံရေးသမားကြီးများအတွက် အကျိုးရှိရှိ အသုံးချနိုင်သော အရေးကိစ္စတစ်ခု ဖြစ်နေသည်မှာ ရှင်းရှင်းလင်းလင်းပင် ဖြစ်သည်။ ယင်းကိစ္စကို ဖော်ပြကြသည့် မီဒီယာများ၏ ရေးသားမှုများသည်လည်း ပြဿနာပြေလည်ရေးထက် မီးလောင်ရာ လေပင့်နေသည့်ပုံစံက ပိုများနေသည်မှာလည်း ရှင်းလွန်းပါသည်။ ဘင်္ဂါလီအရေးကြောင့် အကျပ် တွေ့နေရသည့် မြန်မာအစိုးရအတွက် ဤနေရာတွင် Modern Tokyo Times ကရေးသားဖော်ပြခဲ့ဖူးသော ဆောင်းပါးတစ်ပုဒ်မှ မှတ်ချက်တစ်ခုဖြင့်သာအဆုံးသတ်လိုပါသည်။

"မြန်မာနိုင်ငံ၏ နှစ်ပေါင်းများစွာ ခက်ခဲရှုပ်ထွေးသော ပြဿနာများ ကျော်လွန်ရေးအတွက် ရိုးစင်းဖြောင့်မတ်သည့် အကျိုးဆောင် (တစ်နည်း အားဖြင့် မိတ်ဆွေကောင်း)များ လိုအပ်ပါသည်" ဟူ၍ပင်။
F-01

Sources ; VOICE ADMIN