မန္တလေးမြို့တွင် နိုင်ငံတကာအဆင့်မီ ပန်းခြံတစ်ခု အကောင်အထည်ဖော် ဆောင်ရွက်မည်..
မန္တလေးမြို့ ကျုံးတောင်ဘက် ၂၆လမ်း၊ လမ်း၈၀နှင့် ၆၆လမ်းကြား၊ မြို့ရိုးနှင့် ကျုံးကြား အကျယ်ပေ ၁၇၀ ခန့်ရှိ မြေနေရာလွတ်(ယခင် မန်းသီတာဥယျာဉ်နေရာ)တွင် နိုင်ငံတကာအဆင့်မီ ပန်းခြံတစ်ခု အကောင်အထည်ဖော်ရန် စီစဉ်ဆောင်ရွက်နေကြောင်း သတင်းရရှိသည်။
နိုင်ငံတကာအဆင့်မီ အပန်းဖြေဥယျာဉ် တည်ဆောက်ရန်အတွက် နိုင်ငံတကာအဖွဲ့အစည်းများနှင့် ရေးဆွဲလျှက်ရှိသော မန္တလေး City Plan တွင် ထည့်သွင်းရေးဆွဲနိုင်ရေး အကြံပြုချက်များ တောင်းခံခဲ့ကြောင်း၊ ပြင်သစ်သံရုံးမှ လိုအပ်သောအကူအညီ ပေးမည်ဖြစ်ကြောင်း အကြောင်းပြန်စာများ လက်ခံရရှိထားပြီဖြစ်ရာ နိုင်ငံတကာအဆင့်မီ ပန်းခြံတစ်ခုအား အကောင်အထည်ဖော် ဆောင်ရွက်မည်ဖြစ်ကြောင်း မန္တလေးမြို့တော်ဝန် ဒေါက်တာရဲလွင်က မန္တလေးတိုင်းဒေသကြီးလွှတ်တော် အရေးပေါ်အစည်းအဝေး(၁/၂၀၁၆)တွင် ဖြေကြားခဲ့ခြင်းဖြစ်သည်။
"မန္တလေးမြို့နေလူထု အပန်းဖြေအနားယူနိုင်တဲ့နေရာ နည်းနေတယ်။ ယခုလက်ရှိ ပန်းခြံများမှာလည်း အပန်းဖြေနေရာ နည်းပါးနေတယ်။ဒါတွေကို ပြုပြင်ပြောင်းလဲပြီး ပြည်သူလူထု စိတ်ချမ်းမြေ့စွာ အပန်းဖြေအနားယူနိုင်ဖို့ ကိုယ်လက်လှုပ်ရှား အားကစားပြုလုပ်နိုင်ဖို့ ကလေးများ လွတ်လပ်ပျော်ရွှင်စွာ ကစားနိုင်ဖို့ လက်ရှိပန်းခြံတွေကိုလည်း အဆင့်မြှင့်တင်ရန် ဆောက်ရွက်နေပါတယ်။ ကမ်းနားလမ်းတလျှောက်ရှိ ပန်းခြံ ၆ ခြံ၊ မြနန္ဒာပန်းခြံ၊ ချမ်းမြဝတီပန်းခြံ၊ မန္တလာတံခွန်ပန်းခြံ၊ ရှုခင်းသာပန်းခြံ၊ သင်္ဂဇာပန်းခြံများမှာလည်း အားကစားပစ္စည်းများ တပ်ဆင်ခြင်း၊ ကလေးကစားစရာပစ္စည်းများ တပ်ဆင်ခြင်း၊ နားနေဆောင်များ ပြုလုပ်ခြင်း၊ မြေယာရှုခင်း ပြုလုပ်ခြင်းများ လုပ်ဆောင်နေပါတယ်။"ဟု မန္တလေးမြို့တော်ဝန် ဒေါက်တာရဲလွင်မှ ပြောသည်။
#MDYnews
Subscribe to:
Post Comments (Atom)
No comments:
Post a Comment