Mass hysteria အစုလိုက်အရူးထခြင်း

ဆရာရှင့် Mass Hysteria ရောဂါအကြောင်းလေးရေးတင်စေခြင်းပါတယ်။ မြန်အောင်မြို့နယ် ကျောင်းတကျောင်းမှာ ကျောင်းသူ လေးငါးယောက် နှစ်ရက်ဆက်တိုက် မူးဝေအော့အန်ရယ်မောနေတဲ့အဖြစ်
ပျက်ကြောင့် တိုက်နယ်ဆေးရုံကို တင်ရတဲ့အခါ ဆရာဝန်က Mass Hysteria ဖြစ်နိုင်ကြောင်း ဖြေရှင်းချက်ပေးပေမယ့် မိဘအပါအဝင် နယ်ခံအချို့နှင့် ဘုန်တော်ကြီးအချို့မှအပ ပယောဂကြောင့်ဖြစ်ရခြင်း
ဆိုပြီး FB ပေါ်တွင် အငြင်းပွါးဖွယ်ဖြစ်နေရပါသဖြင့် မြန်မာပြည်သူများ ဗဟုသုတအဖြစ် နားလည်
သဘောပေါက်စေရန် ဆရာအနေဖြင့် post တင်ရှင်းပြပေးပါရန် မေတ္တာရပ်ခံပါသည်။
.........................
လူမှုရေးသိပ္ပံနဲ့ စိတ်ပညာမှာ Mass hysteria အစုလိုက်အရူးထခြင်းဆိုတာရှိပါတယ်။ ဆေးပညာအရ Collective hysteria စုပေါင်းဖြစ်ခြင်း၊ Group hysteria အုပ်စုလိုက်ဖြစ်ခြင်းနဲ့ Collective obsessional behavior လို့ခေါ်တယ်။ ဖြစ်တဲ့သူတွေ အားလုံးက တပြိုင်တည်းမှာ Delusions of threats အန္တရယ်ကျရောက်တော့မယ်လို့ထင်မြင်ကြတယ်။ တကယ့် အန္တရယ်လည်း ဖြစ်နိုင်တယ်၊ မရှိတာကိုကြံဆတဲ့အန္တရာယ်လည်းဖြစ်နိုင်တယ်။ အဲလိုဖြစ်တဲ့အနီးအနားနဲ့ ကြားရသူတွေမှာ ကောလဟဠနဲ့ ထိတ်လန့်မှုတွေဆက်ဖြစ်စေတယ်။

Hysteria (ဟစ်စတီးရီးယား) ဆိုတာဘာလဲ
စိတ်ဝေဒနာတခုဖြစ်တယ်။ ပြင်းပြတဲ့စိုးရိမ်သောကကနေဆက်ဖြစ်တယ်။ လူနာဟာ သူ့ကိုယ်သူ မထိန်းနိုင်တော့ဘူး။ အမူအယာနဲ့ စိတ်လှုပ်ရှားမှု (၂) မျိုးကို မထိန်းနိုင်တာပါ။ ရုတ်တရက် တက်သလိုပါတွဲဖြစ်တယ်။ အဲတာမှာ သတိလစ်ပြီး စိတ်ခံစားမ့အရ ငိုတာ ရီတာတွေပါတွဲနေတတ်တယ်။ တခါတလေမှာ ဖိနှိမ်ထားတဲ့လိုအင်နဲ့ ဝိရောဓိဖြစ်ရာကနေ ပေါက်ထွက်လာတယ်။
(ဟစ်စတီးရီးယား) ကိုယ်အမူအယာဆိုတာ ဆွဲဆောင်မှုအမူအယာ (မာယာ) လို့လည်းပြောနိုင်တယ်။ စိတ်လှုပ်ရှားမှုအပေါ် မှီတည်မယ်၊ ဝိဥာဉ်လိုရင်းနှီးမှုရှိမယ်၊ သည်းခံနိုင်စွမ်းကင်းမယ်၊ အလိုမကျမှုရှိမယ်၊ လက်တွေ့ မကျတာနဲ့ ဒေါသ၊ စိတ်တိုတာပါမယ်။ လူနာဟာ စိတ်လှုပ်ရှားမှုလွန်ကဲရာကနေ တက်သလိုဖြစ်လာမယ်။ အကြောင်းမဲ့ အော်မယ်။ ငိုယိုမယ်။ ရီမယ်။ ဗိုက်ကြောတွေတင်းနေမယ်။ ရင်ခုန်နေမယ်။ ခေါင်းကိုပ်ပြီး ဆို့နေသလိုခံစားရမယ်။ သွားကြိတ်ထားမယ်။ လည်ပင်းကြောတွေထောင်နေမယ်။ ဆိုးတဲ့အခြေအနေမှာ သတိလစ်သလောက်ဖြစ်မယ်။ လှုပ်ရှားမှုတွေပြင်းထန်မယ်။ ကြမ်းတမ်းမယ်။ တကယ်တက်သွားမယ်။

ဘာလို့ဖြစ်သလည်း
တကိုယ်တည်းဆန်မှု၊ လိင်ပိုင်းဖိနှိပ်ထားမှု၊ တွေးတောတာထူးခြားမှု၊ မျိုးဗီဇတွေကနေဖြစ်စေနိုင်တယ်။ ငယ်စဉ်က ထိန့်လန့်မှု၊ စိတ်ဓါတ်ကျမှု၊ စိတ်ဖိအားများမှု၊ နာတာရှည်ရောဂါသည်ဖြစ်မှုတွေကနေလည်း ဖြစ်တယ်။ ချစ်ခင်သူ သေဆုံးတာနဲ့ ကွဲကွာလမ်းခွဲရတာကနေလည်းဖြစ်မယ်။
၁၉၆၂ မှာ တန်ဇန်နီးယားနိုင်ငံမှာ Tanganyika laughter epidemic အုပ်စုလိုက်ရီမောခြင်း ဟစ်တီးရီယား ဖြစ်ခဲ့တယ်။
• ၁၉၆၂ အမေရိကားမှာ June Bug Epidemic ဖြစ်ခဲ့တယ်။ အဝတ်ချုပ်စက်ရုံမှာ ဖြစ်ခဲ့တယ်။
• ၁၉၇ဝ ကျော်က လန်ဒန်မှာ ကျောင်းသူ (၈) ယောက်နဲ့ ဆရာမတယောက် အုပ်စုလိုက်ဟစ်တီးရီယားဖြစ်ခဲ့တယ်။
• ၁၉၇ဝ နဲ့ ၁၉၈ဝ အတွင်း မလေးရှားမှာ ကလေးမတွေနဲ့ အရွယ်ငယ်အမျိုးသမီးတွေ ဝိဥာဉ်ဆိုပြီး ဖြစ်ခဲ့တယ်။
• ၁၉၈၃ မတ်လမှာ ဂျော်ဒန်မြစ်အနောက်ဖက်ကမ်းခြေမှာ အစုလိုက် (ဖိန့်) ရကြတယ်။
• ၁၉၈၈ အမေရိန်ကန်မြို့ ဆန်ဒီယာဂိုမြို့ ရေတပ်စခန်းမှာ စစ်တန်းလျားမှာဖြစ်တယ်။
• ၂၁-၉-၁၉၉၅ တုံးက ဒေလီမြို့တောင်ပိုင်းမှာ Hindu Milk Miracle ဟိန္ဒူနွားနို့ အုပ်စုလိုက်ဟစ်တီးရီယား ဖြစ်ခဲ့တယ်။
• ၂ဝဝ၁ မေလထဲ ဒေလီမှာ The Monkey Man of Delhi မျောက်လူရှိတယ်ဆိုပြီး အုပ်စုလိုက်ဟစ်တီးရီယား ဖြစ်ခဲ့တယ်။
• ၂ဝဝ၆ မေလထဲ ပေါ်တူကီမှာ Soap Opera Hysteria ဆုပ်အော်ပရာ အုပ်စုလိုက်ဟစ်တီးရီယားဖြစ်ခဲ့တယ်။
• ၂ဝဝ၆ မှာ မွန်ဘိုင်းခေါ် ဘုံဘေမှာ Sweet Water ရေချို အုပ်စုလိုက်ဟစ်တီးရီယားလို့ခေါ်တယ်။
• ၂ဝဝ၇ မက်ဆီကိုမြို့တော်မှာ အုပ်စုလိုက်ဟစ်တီးရီယားဖြစ်ခဲ့တယ်။
• ၂ဝ၁ဝ အေပြီလနဲ့ မေလထဲ ဘရူနိုင်းလ်မှာ အုပ်စုလိုက်ဟစ်တီးရီယားဖြစ်ခဲ့တယ်။
• ၂ဝ၁၂ နိုဝင်္ဘာ ၁၅-၂ဝ သီရိလင်္ကာမှာ အုပ်စုလိုက်ဟစ်တီးရီယားဖြစ်ခဲ့တယ်။
• ၂ဝ၁၂ နယူးယောက်က အထက်တန်းကျောင်းမှာ အုပ်စုလိုက်ဟစ်တီးရီယားဖြစ်ခဲ့တယ်။
• ၁၉-၄-၂ဝ၁၆ နေ့က မလေးရှားမြောက်ပိုင်းမှာဖြစ်ခဲ့တယ်။ Kota Bharu (ကိုတာ ဘာရူး) မြို့မှာ သဘာဝမဟုတ်တဲ့ ဝိဥာဉ်တွေမြင်တယ်ဆိုပြီး သတင်းထွက်လို့ ကျောင်းခဏပိတ်လိုက်ရတယ်။

ဆေးပညာအရ လူတယောက်ထက်မကမှာ ရုတ်တရက် အတူတူ ဒါမှမဟုတ် ဆင်ဆင်တူတဲ့ (ဟစ်စတီးရီးယား) ပုံစံနဲ့ ရုပ်ပိုင်းလက္ခဏာတွေပြုမူကြတာကိုခေါ်တယ်။ ဖြစ်လေ့ရှိတဲ့ လက္ခဏာတခုကတော့ သူတို့မှာ ရောဂါတခုကို အတူခံစားနေကြရတာဖြစ်ပါတယ်။ Mass psychogenic illness အစုလိုက် စိတ်ဝေဒနာ (သို့) Epidemic hysteria (ဟစ်စတီးရီးယား) ကပ်ရောဂါလို့လည်း သတ်မှတ်ပါသေးတယ်။

အုပ်စုလိုက်ဟစ်တီးရီယားဟာ ယောက်ျား၊ မိန်းမ နှစ်မျိုးလုံးမှာဖြစ်တယ်။ အရွယ်မကြီးသေးတဲ့ မိန်းကလေးတွေမှာ ပိုဖြစ်တယ်။ ၁၄ နှစ်ကနေ ၂၅ နှစ်ကြား အဖြစ်များတယ်။ ၄၅ နှစ်ကျော်တွေမှာ ဖြစ်တာရှားတယ်။ (ဟစ်စတီးရီးယား) က ရှေးကတည်းကရောဂါဖြစ်တယ်။ Hystron ဂရိစကားလုံးကနေလာတယ်။ အဓိပ္ပါယ်က သားအိမ်။
ဒေါက်တာတင့်ဆွေ
၎-၇-၂ဝ၁၆